Málverkið sem slapp út úr striganum
Númi Kristínassonar sýnir á Amtsbókasafninu á Akureyri
Málverkið sem slapp út úr striganum er heiti á sýningu Núma Kristínassonar sem opnuð hefur verið á Amtsbókasafninu á Akureyri. Hún samanstendur af fjórum lágmyndum þar sem klassíska málverkinu er snúið á haus.
Striginn er skilinn eftir auður en ramminn sjálfur verður að meginviðfangsefni: málaður, skorinn út, brotinn niður og endurraðaður. Verkin rekja ferli listamannsins frá vönduðum og hefðbundnum formum yfir í hrárri og frjálsari nálgun, þar sem viður, strigi, hefti og spennubönd fá að sjást. „Sýningin varð til úr efasemdum um málverkið og leit að nýrri leið innan eigin listferils,“ segir í tilkynningu.
Sýningin er opin á sama tíma og Amtsbókasafnið og stendur yfir til 7. september næstkomandi.
Nýjast
-
Málverkið sem slapp út úr striganum
Málverkið sem slapp út úr striganum er heiti á sýningu Núma Kristínassonar sem opnuð hefur verið á Amtsbókasafninu á Akureyri. Hún samanstendur af fjórum lágmyndum þar sem klassíska málverkinu er snúið á haus. -
Fyrsta farþegaskipið til Kópaskers
Merkilegur áfangi í sögu Kópaskers varð í liðinni viku þegar fyrsta farþegaskipið lagðist úti fyrir þorpinu. Um er að ræða leiðangursskipið Ultramarine, sem er 128 metra langt og flutti um 150 farþega. Skipið er eitt af fullkomnustu leiðangursskipum heims og er sérhannað fyrir siglingar á norðurslóðum. -
Þingeyjarsveit - Þjóðaratkvæðagreiðsla verður að Breiðumýri 29.ágúst
Þjóðaratkvæðagreiðsla um það, hvort að Ísland eigi að hefja á ný aðildarviðræður við Evrópusambandið, verður þann 29. ágúst næstkomandi. Kjörfundur í Þingeyjarsveit verður á milli 10:00 og 22:00 að Breiðumýri. Mikilvægt er að muna að taka með sér gild persónuskilríki. Hægt er að nota rafræn ökuskírteini. Svarkostir á kjörseðlinum verða já og nei. Upplýsingar um málefni þjóðaratkvæðagreiðslunnar þann 29. ágúst nk. má nálgast á sérstökum kynningarvef landskjörstjórnar, kosning.is. (af vefnum island.is) Hér má sjá upplýsingar um utankjörfundaratkvæðagreiðslu. -
Vasaþjófar á sveimi
Lögreglan á Norðurlandi eystra varar við vasaþjófum en upplýsingar eru um að þeir hafi verið á ferðinni á þekktum ferðamannastöðum í okkar umdæmi. -
Kristín Anna ráðin fjármálastjóri Norðurþings
Kristín Anna býr yfir umfangsmikilli reynslu af reikningshaldi, uppgjörsvinnu, fjárhagsáætlanagerð, endurskoðun og fjármálastjórnun -
Tónlistarhátíðin Kveldúlfur fer fram á Hjalteyri n.k laugardag
Tónlistarhátíðin Kveldúlfur fer fram á Hjalteyri laugardaginn 15. ágúst 2026, þar sem fjölbreyttur hópur íslensks tónlistarfólks kemur fram í einstöku umhverfi við Eyjafjörð. -
Hversu mikilvægt er það okkur að tilheyra?
Maðurinn er félagsvera og löngu þekkt staðreynd að einmannaleiki er alvarlegt böl. Við tilheyrum fjölskyldum okkar, vinnufélögum, vinum og vinkonum. Við erum félagar í íþróttafélögum, klúbbum og jafnvel hópum á Facebook. -
Rakel og Salóme Katrín í Samkomuhúsinu
Tónlistarkonurnar Rakel og Salóme Katrín koma fram í Samkomuhúsinu á Húsavík ásamt Tuma Torfasyni á morgun föstudag -
Áhöfn norsks varðskips æfði reykköfun á Húsavík
Á mánudag sl. heimsótti norska varðskipið KV Hopen Húsavík
