Áhöfn norsks varðskips æfði reykköfun á Húsavík
Slökkvilið Norðurþings tók vel á móti norsku sjóliðunum. Myndir: Slökkvilið Norðurþings/Facebook.
Á mánudag sl. heimsótti norska varðskipið KV Hopen Húsavík. Skipið hefur verið á siglingu um Norður-Atlantshafið undanfarið og æft m.a. með bandarísku og kanadísku strandgæslunni. Nú síðast kom skipið svo til Íslands í samstarfi við Landhelgisgæsluna (LHG). Greint er frá þessu á Facebook síðu Slökkviliðs Norðurþings.
Þar segir að Tengslafulltrúi LHG um borð í Hopen hafi haft samband við slökkviliðið til að athuga hvort hluti áhafnar gæti mögulega fengið að komast í æfingasvæði slökkviliðsins hér á Húsavík. Áhafnir varðskipa Landhelgisgæslunnar hafa áður fengið að æfa þar.
KV Hopen var tekið í notkun 2024 og er það þriðja og síðasta í röðinni af svokölluðum Jan Mayen skipum sem öll eru nefnd eftir norskum heimskautaeyjum, Jan Mayen, Bjarnarey og Hopen. Skipið er 136 metra langt og 22 metra breitt. Það getur hýst allt að 100 manns í áhöfn. Skipið er sérhannað til siglinga um heimskautahöf og er sérstaklega styrkt til að sigla í ís. Það er útbúið þyrlupalli og þyrluskýli en meiningin er að bráðlega verði Seahawk björgunarþyrla með fast aðsetur í skipinu.
,,Það var auðsótt mál og tókum við á móti tveimur hópum frá skipinu sem æfðu blinda reykköfun og björgun. Áhafnarmeðlimir voru alsælir með æfinguna og hrifnir af þessari aðstöðu sem við erum að byggja upp. Í þakkarskyni var slökkviliðsmönnum okkar boðið að koma í skoðunarferð um skipið og voru það nokkrir sem gátu þegið það boð," segir í færslunni.
Nýjast
-
Rakel og Salóme Katrín í Samkomuhúsinu
Tónlistarkonurnar Rakel og Salóme Katrín koma fram í Samkomuhúsinu á Húsavík ásamt Tuma Torfasyni á morgun föstudag -
Áhöfn norsks varðskips æfði reykköfun á Húsavík
Á mánudag sl. heimsótti norska varðskipið KV Hopen Húsavík -
Áhöfn Kaldbaks fylgdist með sólmyrkvanum frá Halamiðum
Áhöfn togara Samherja, Kaldbaks EA 1 fylgdist með sólmyrkvanum frá Halamiðum, norð-vestur af Ísafjarðardjúpi. Hlé var gert á veiðum til að fylgjast með sólmyrkvanum, þessu afar sjaldgæfa náttúrufyrirbrigði. -
Heiðurstónleikar Tinu Turner á Græna hattinum
Heiðurstónleikar til minningar um Tinu Turner verða á Græna hattinum á Akureyri annað kvöld, föstudagskvöldið 14. ágúst og hefjast þeir kl. 21. -
Framkvæmdum að innan að ljúka
Frístund og félagsmiðstöð á Húsavík -
Góð verkefnastaða hjá Slippnum í sumar og fram eftir hausti
„Verkefnastaða í sumar hefur verið góð og mikið að gera. Það hefur verið þéttbókað hjá okkur og talsverð umsvif en það er vaninn yfir sumarið,“ segir Magnús Blöndal sviðsstjóri DNG vinnslubúnaðar hjá Slippnum á Akureyri. Útlitið fyrir komandi haust er einnig gott. -
Drift EA - Vilja tengja rótgróin fyrirtæki og frumkvöðla
Drift EA hefur formlega sett af stað verkefnið Ignite Nordic á Íslandi, nýtt samstarfsverkefni sem hefur það að markmiði að að efla nýsköpun með því að tengja frumkvöðla, fyrirtæki og opinbera aðila og skapa þannig ný tækifæri til samstarfs, atvinnuuppbyggingar og verðmætasköpunar, ekki síst á landsbyggðinni. -
Göngustígar í Krossanesborgum lagfærðir
Unnið hefur verið að lagfæringum á göngustígum í Krossanesborgum í sumar og er stefnt að því að halda framkvæmdum áfram næsta sumar. -
Slösuðum ferðamanni bjargað úr gili
Björgunarsveitir á NA landi voru boðaðar út vegna ferðamanns sem hafði hrasað illa á göngu við Hafragilsfoss skammt frá Dettifossi. Ljóst var í upphafi að nokkuð verkefni væri að koma hinum slasaða úr gilinu sem hann var í og var því jafnframt óskað eftir þyrlu Landhelgisgæslunar í verkefnið.
