Framkvæmdum að innan að ljúka
Lóðarfrágangur á skólalóð í fullum gangi. Myndir Norðurþing.
Framkvæmdum miðar vel áfram við nýbyggingu Frístundar og félagsmiðstöðvar við Borgarhólsskóla á Húsavík. Ragnar Hermannsson byggingastjóri hjá Trésmiðjunni Rein segir í samtali við Vikublaðið að húsið sé nálægt því að verða tilbúið að innan og miðað sé á 20. ágúst í þeim efnum. Þá sé eftir lokafrágangur að utan.
„Við stefnum á að vera búnir að innan 20. ágúst. Það er allt á útopnu við að setja upp innréttingar, mála og klára síðustu smáatriðin,“ segir Ragnar og bætir við að þá sé eftir að klára síðustu handtökin að utan.
„Það er búið að múrklæða en við eigum eftir að negla bárujárnið á, ganga frá vatnsbrettum og í kringum glugga. Svo er auðvitað lóðin alveg eftir,“ segir Ragnar en Garðvík sér um lokafrágang á lóðinni.
„Þetta hefur gengið vel og áætlanir hafa að mestu leyti gengið eftir,“ segir Ragnar.
Þá segir í tilkynningu frá Norðurþingi í dag að um þessar mundir sé verið að leggja lokahönd á klæðningu innanhúss, frágang gólfefna og frágang við tengingu skólahússins við nýju viðbyggingunna.
Frágangur lóðar sé jafnframt vel á veg kominn. Uppsetning steyptra setbekkja, lagning snjóbræðslu og jarðvinna í tengslum við nýtt leiksvæði gengur vel. Lítilsháttar tafir hafa orðið á framkvæmdinni, en þær eru óverulegar þegar litið er til umfangs verkefnisins í heild.
Þá kemur fram í tilkynningunni að markmið verktaka sé að ganga frá hluta lóðarinnar þannig að aðgengi við skólahúsið að austanverðu verði tilbúið fyrir kjördag 29. ágúst næstkomandi.
,,Nýja húsnæðið mun skapa mun betri aðstöðu fyrir félags- og frístundurstarf barna og ungmenna í sveitarfélaginu. Með auknu rými, bættri aðstöðu og nútímalegu umhverfi skapast betri skilyrði fyrir fjölbreyttara starf og samveru. Verkefnið er því mikilvægt framfaraskref í uppbyggingu þjónustu við börn og ungmenni og styður við áframhaldandi þróun skóla- og frístundastarfs í sveitarfélaginu," segir í tilkynningunni.
Stefnt er að því að nýbyggingin verði afhent starfsemi frístundar og félagsmiðstöðvar 1. október næstkomandi.
Nýjast
-
Tónlistarhátíðin Kveldúlfur fer fram á Hjalteyri n.k laugardag
Tónlistarhátíðin Kveldúlfur fer fram á Hjalteyri laugardaginn 15. ágúst 2026, þar sem fjölbreyttur hópur íslensks tónlistarfólks kemur fram í einstöku umhverfi við Eyjafjörð. -
Hversu mikilvægt er það okkur að tilheyra?
Maðurinn er félagsvera og löngu þekkt staðreynd að einmannaleiki er alvarlegt böl. Við tilheyrum fjölskyldum okkar, vinnufélögum, vinum og vinkonum. Við erum félagar í íþróttafélögum, klúbbum og jafnvel hópum á Facebook. -
Rakel og Salóme Katrín í Samkomuhúsinu
Tónlistarkonurnar Rakel og Salóme Katrín koma fram í Samkomuhúsinu á Húsavík ásamt Tuma Torfasyni á morgun föstudag -
Áhöfn norsks varðskips æfði reykköfun á Húsavík
Á mánudag sl. heimsótti norska varðskipið KV Hopen Húsavík -
Áhöfn Kaldbaks fylgdist með sólmyrkvanum frá Halamiðum
Áhöfn togara Samherja, Kaldbaks EA 1 fylgdist með sólmyrkvanum frá Halamiðum, norð-vestur af Ísafjarðardjúpi. Hlé var gert á veiðum til að fylgjast með sólmyrkvanum, þessu afar sjaldgæfa náttúrufyrirbrigði. -
Heiðurstónleikar Tinu Turner á Græna hattinum
Heiðurstónleikar til minningar um Tinu Turner verða á Græna hattinum á Akureyri annað kvöld, föstudagskvöldið 14. ágúst og hefjast þeir kl. 21. -
Framkvæmdum að innan að ljúka
Frístund og félagsmiðstöð á Húsavík -
Góð verkefnastaða hjá Slippnum í sumar og fram eftir hausti
„Verkefnastaða í sumar hefur verið góð og mikið að gera. Það hefur verið þéttbókað hjá okkur og talsverð umsvif en það er vaninn yfir sumarið,“ segir Magnús Blöndal sviðsstjóri DNG vinnslubúnaðar hjá Slippnum á Akureyri. Útlitið fyrir komandi haust er einnig gott. -
Drift EA - Vilja tengja rótgróin fyrirtæki og frumkvöðla
Drift EA hefur formlega sett af stað verkefnið Ignite Nordic á Íslandi, nýtt samstarfsverkefni sem hefur það að markmiði að að efla nýsköpun með því að tengja frumkvöðla, fyrirtæki og opinbera aðila og skapa þannig ný tækifæri til samstarfs, atvinnuuppbyggingar og verðmætasköpunar, ekki síst á landsbyggðinni.
