Heiðurstónleikar Tinu Turner á Græna hattinum
Heiðurstónleikar Tinu Turner á Græna hattinum annað kvöld Myndir Aðsendar
Heiðurstónleikar til minningar um Tinu Turner verða á Græna hattinum á Akureyri annað kvöld, föstudagskvöldið 14. ágúst og hefjast þeir kl. 21.
Bryndís Ásmunds mun þar fara á kostum í túlkun sinni á Tinu sem ásamt frábærri hljómsveit flytja okkur öll hennar bestu og vinsælustu lög eins og Nutbush City Limit, River Deep Moutain High, Proud Mary, Private Dancer, What´s love got do with it, Simply The Best svo einhver séu nefnd.
„Tina Turner lést 24. maí 2023 og nú rúmum þremur árum síðar, langar okkur að heiðra minningu hennar og þann ótrúlega tónlistarferil sem hún skildi eftir sig,“ segir Bryndís um tónleikana og bætir við að þeir séu sér sérstaklega hjartfólgnir.
Einstök kona
„Það er líka ákveðin saga á bak við þessa tónleika. Þeir áttu upphaflega að fara fram í júní en á meðan ég var stödd í Búdapest þurfti ég óvænt að gangast undir bráðaaðgerð og varð því að fresta þeim. Núna er ég komin aftur á fullt og er eingöngu að koma til Íslands í þessa ferð til að stíga á svið og flytja tónlist Tinu. Það gerir þessa tónleika enn persónulegri fyrir mig – þetta verður sannkölluð hylling til konu sem var einstök, bæði sem listamaður og persóna.“
Með Bryndísi á sviðinu verða hennar traustu hljómsveitarmeðlimir og stórskotalið til margra ára:
Einar Þór Jóhannsson – gítar, Vignir Þór Stefánsson – hljómborð, Steinar Sigurðarson – saxófónn,
Birgir Kárason – bassi og Ólafur Hólm Einarsson – trommur.
Nýjast
-
Áhöfn Kaldbaks fylgdist með sólmyrkvanum frá Halamiðum
Áhöfn togara Samherja, Kaldbaks EA 1 fylgdist með sólmyrkvanum frá Halamiðum, norð-vestur af Ísafjarðardjúpi. Hlé var gert á veiðum til að fylgjast með sólmyrkvanum, þessu afar sjaldgæfa náttúrufyrirbrigði. -
Heiðurstónleikar Tinu Turner á Græna hattinum
Heiðurstónleikar til minningar um Tinu Turner verða á Græna hattinum á Akureyri annað kvöld, föstudagskvöldið 14. ágúst og hefjast þeir kl. 21. -
Framkvæmdum að innan að ljúka
Frístund og félagsmiðstöð á Húsavík -
Góð verkefnastaða hjá Slippnum í sumar og fram eftir hausti
„Verkefnastaða í sumar hefur verið góð og mikið að gera. Það hefur verið þéttbókað hjá okkur og talsverð umsvif en það er vaninn yfir sumarið,“ segir Magnús Blöndal sviðsstjóri DNG vinnslubúnaðar hjá Slippnum á Akureyri. Útlitið fyrir komandi haust er einnig gott. -
Drift EA - Vilja tengja rótgróin fyrirtæki og frumkvöðla
Drift EA hefur formlega sett af stað verkefnið Ignite Nordic á Íslandi, nýtt samstarfsverkefni sem hefur það að markmiði að að efla nýsköpun með því að tengja frumkvöðla, fyrirtæki og opinbera aðila og skapa þannig ný tækifæri til samstarfs, atvinnuuppbyggingar og verðmætasköpunar, ekki síst á landsbyggðinni. -
Göngustígar í Krossanesborgum lagfærðir
Unnið hefur verið að lagfæringum á göngustígum í Krossanesborgum í sumar og er stefnt að því að halda framkvæmdum áfram næsta sumar. -
Slösuðum ferðamanni bjargað úr gili
Björgunarsveitir á NA landi voru boðaðar út vegna ferðamanns sem hafði hrasað illa á göngu við Hafragilsfoss skammt frá Dettifossi. Ljóst var í upphafi að nokkuð verkefni væri að koma hinum slasaða úr gilinu sem hann var í og var því jafnframt óskað eftir þyrlu Landhelgisgæslunar í verkefnið. -
Börn á Húsavík gerðu sinn eigin sólmyrkva
Síðdegis í dag, kl 16:47 eða nákvæmlega 48 klukkustundum fyrir sólmyrkva stóðu Hagsmunasamtök barna á Húsavík fyrir áhugaverðum viðburði á Húsavík. -
Fjölnýtingarhús við Þeistareyki risið af grunni
Unnið hefur verið að byggingu fjölnýtingarhússins við Þeistareyki í júní og það er farið að taka á sig endanlega mynd. Húsið verður fyrst um sinn hvítt en síðar klætt með grænni klæðningu, sambærilegri þeirri sem prýðir aðrar byggingar á svæðinu.
