Kristín Anna ráðin fjármálastjóri Norðurþings
Kristín Anna Hreinsdóttir. Mynd/Norðurþing.
Kristín Anna Hreinsdóttir hefur verið ráðin í starf fjármálastjóra Norðurþings sem var auglýst þann 10. júlí s.l. og var umsóknarfrestur um starfið til og með 3. ágúst. Alls voru 10 umsækjendur um starfið. Ráðgjafi hjá Mögnum, Sigríður Ólafsdóttir, vann að úrvinnslu í ráðningarferlinu. Greint er frá þessu á vef sveitarfélagsins.
Kristín Anna hefur lokið B.S. prófi í viðskiptafræði með áherslu á reikningshald og meistaraprófi í reikningshaldi og endurskoðun (M.Acc.) frá Háskóla Íslands.
Kristín Anna býr yfir umfangsmikilli reynslu af reikningshaldi, uppgjörsvinnu, fjárhagsáætlanagerð, endurskoðun og fjármálastjórnun. Hún hefur gegnt störfum fjármálastjóra, aðalbókara, endurskoðenda og verkefnastjóra í endurskoðun og núna síðast sem forstjóri PCC Bakki Silicon.
,,Kristín hefur störf 1. október. Við bjóðum hana velkomna til starfa sem fjármálastjóri Norðurþings og hlökkum til samstarfsins," segir jafnframt í tilkynningunni.
Nýjast
-
Kristín Anna ráðin fjármálastjóri Norðurþings
Kristín Anna býr yfir umfangsmikilli reynslu af reikningshaldi, uppgjörsvinnu, fjárhagsáætlanagerð, endurskoðun og fjármálastjórnun -
Tónlistarhátíðin Kveldúlfur fer fram á Hjalteyri n.k laugardag
Tónlistarhátíðin Kveldúlfur fer fram á Hjalteyri laugardaginn 15. ágúst 2026, þar sem fjölbreyttur hópur íslensks tónlistarfólks kemur fram í einstöku umhverfi við Eyjafjörð. -
Hversu mikilvægt er það okkur að tilheyra?
Maðurinn er félagsvera og löngu þekkt staðreynd að einmannaleiki er alvarlegt böl. Við tilheyrum fjölskyldum okkar, vinnufélögum, vinum og vinkonum. Við erum félagar í íþróttafélögum, klúbbum og jafnvel hópum á Facebook. -
Rakel og Salóme Katrín í Samkomuhúsinu
Tónlistarkonurnar Rakel og Salóme Katrín koma fram í Samkomuhúsinu á Húsavík ásamt Tuma Torfasyni á morgun föstudag -
Áhöfn norsks varðskips æfði reykköfun á Húsavík
Á mánudag sl. heimsótti norska varðskipið KV Hopen Húsavík -
Áhöfn Kaldbaks fylgdist með sólmyrkvanum frá Halamiðum
Áhöfn togara Samherja, Kaldbaks EA 1 fylgdist með sólmyrkvanum frá Halamiðum, norð-vestur af Ísafjarðardjúpi. Hlé var gert á veiðum til að fylgjast með sólmyrkvanum, þessu afar sjaldgæfa náttúrufyrirbrigði. -
Heiðurstónleikar Tinu Turner á Græna hattinum
Heiðurstónleikar til minningar um Tinu Turner verða á Græna hattinum á Akureyri annað kvöld, föstudagskvöldið 14. ágúst og hefjast þeir kl. 21. -
Framkvæmdum að innan að ljúka
Frístund og félagsmiðstöð á Húsavík -
Góð verkefnastaða hjá Slippnum í sumar og fram eftir hausti
„Verkefnastaða í sumar hefur verið góð og mikið að gera. Það hefur verið þéttbókað hjá okkur og talsverð umsvif en það er vaninn yfir sumarið,“ segir Magnús Blöndal sviðsstjóri DNG vinnslubúnaðar hjá Slippnum á Akureyri. Útlitið fyrir komandi haust er einnig gott.
