Lokaorðið - Vinabeiðnir
Heiðrún átti Lokaorðið í blaðinu s.l fimmtudag
Ég þreytist ekki á að vara fólk við svikatilraunum af ýmsu tagi. Svikahrappar finna sífellt nýjar leiðir til að reyna að nappa af okkur. Að öllu jöfnu eru þetta ekki einstaklingar heldur hluti af alþjóðlegri skipulagðri glæpastarfsemi.
Ein svikaaðferð er vel þekkt. Einhver, yfirleitt tilbúinn prófill, reynir að vingast við fólk á netinu, t.d. í gegnum facebook, skilaboð eða hvaðeina. Þessir aðilar kunna sitt fag og eru góðir í að byggja upp traust. Takist það líður ekki á löngu þar til þeir fara að biðja um greiða. Hver sem hann er þá leiðir það alltaf til þess að það þarf að senda þeim pening. Fyrir sjúkrakostnaði eða lán til að brúa bil þar til hann fær háar fjárhæðir sem hann bíður eftir.
Flestir átta sig á þessu og eru fyrir löngu búnir að slíta sambandinu. Aðrir, því miður, eru góðviljaðir og trúa engu slæmu upp á þennan nýjan vin. Eitt sinn hringdi eldri kona í mig. Ég hafði deginum áður verið i útvarpinu að vara við svikum. Hún sagði að Vilhjálmur prins væri orðinn vinur sinn. Hann hefði sent henni vinabeiðni á facebook. Og þau höfðu verið í sambandi þar.
Hún var þó aðeins komin í smá vafa því hann vantaði pening, og var að biðja hana um að senda sér pening. Ég reyndi að halda aftur að hlátrinum, hélt að þetta væri einhver vinur minn að grínast í mér. En konan var svo einlæg og virkilega góðhjörtuð. Ég fór yfir með henni að það væri engar líkur á því að Vilhjálmur hefði tíma í að tala við ókunnugt fólk á netinu, auk þess væru örugglega afar strangar öryggisreglur í bresku konungshöllinni.
Benti henni jafnframt á að þessi fjölskylda væri afar vel aflögufær, auk þess sem hún væri að stórum hluta fjármögnum af enskum skattgreiðendum. Konan virtist sannfærð og þakkaði mér fyrir, þetta væri auðvitað einhver vitleysa. Svo var eins og það snerist í henni í lok samtals. Hún sagðist alls ekki vera viss, hann væri alveg eins og prinsinn og hún væri nokkuð viss um ég hefði rangt fyrir mér. Við það kvaddi hún og ég heyrði ekki meira frá henni.
Á þessum sama tíma kom upp orðrómur, samkvæmt bresku pressunni, að prinsinn væri að hitta aðra konu en hana Kötu sína. Án þess að vita það með vissu er ég nokkuð viss um að það var þó ekki þessi eldri vinkona mín, hún var of góðhjörtuð. Í vikunni fékk ég sjálf vinabeiðni frá Vilhjálmi prins á facebook. Þarna er hann alþýðulegur og virkar svo hreinn og beinn. Þetta getur ekki verið einhver vitleysa. Ég er aðeins að sofa á því hvort ég eigi að samþykkja vinabeiðnina og láta á þetta reyna. Það er vissulega gaman að eignast nýja vini.
Prinsinn er að leita vina á Facebook
Tala nú ekki um vini í útlöndum. Kannski fengi ég heimboð í höllina. Ég hef ekki áður fengið jafn spennandi vinabeiðni.
Ég vil síður missa af góðum tækifærum.
Held ég láti á þetta reyna.
Getur maður einhvern tímann verið alveg viss í sinni sök?
Nýjast
-
Lokaorðið - Vinabeiðnir
Ég þreytist ekki á að vara fólk við svikatilraunum af ýmsu tagi. Svikahrappar finna sífellt nýjar leiðir til að reyna að nappa af okkur. Að öllu jöfnu eru þetta ekki einstaklingar heldur hluti af alþjóðlegri skipulagðri glæpastarfsemi. -
Varaflstöðvar fyrir 32 milljónir króna
Heilbrigðisráðherra hefur ákveðið að úthluta heilbrigðisstofnunum á landsbyggðinni samtals 77 milljónum króna til endurnýjunar á tækjabúnaði. -
Ofbeldi og eldra fólk
Ofbeldi hefur margar birtingarmyndir. All oft sést á fólki sem beitt er líkamlegu ofbeldi en alls ekki alltaf. Ofbeldinu er þá beint að þeim hluta líkamans sem oftast er falinn með fatnaði. Slíkt er þá gert meðvitað svo ekki komist upp um það. Ekki síður alvarlegt er andlegt ofbeldi. -
Enn ekki brugðist við kröfum um tiltekt
Ekki hefur verið brugðist við kröfu um tiltekt á lóðinni Setbergi á Svalbarðsströnd og dagsektir eru því áfram lagðar á í samræmi við ákvörðun stjórnar Heilbrigðiseftirlits Norðurlands eystra frá því í október árið 2024. -
Tjaldsvæðisreitur - Lágmarksverð fyrir byggingarétt tæplega 300 milljónir króna
„Við rennum svolítið blint í sjóinn, þetta er ný aðferð hjá okkur og við vitum auðvitað ekki hvað kemur út úr þessu útboði,“ segir Pétur Ingi Haraldsson skipulagsfulltrúi Akureyrarbæjar. Samþykkt hefur verið að leita eftir kauptilboðum í byggingarrétt þriggja lóða fyrir íbúðarhús á svokölluðum Tjaldsvæðisreit. Frestur til að sækja um lóðirnar rennur út á hádegi þann 12. febrúar næstkomandi. Ekki verður hægt að bjóða eingöngu í eina lóð heldur eru þær boðnar út sem ein heild. -
Eyjafjarðarsveit Íslendingar 90% gesta á tjaldsvæði
Íslendingar eru yfirgnæfandi fjöldi gesta á tjaldsvæði Eyjafjarðarsveitar í Hrafnagilshverfi. Þetta sýnir tölfræðin frá síðasta ári. -
Uppstilling hjá Samfylkingu í Norðurþingi fyrir sveitarstjórnarkosningar 16. maí n.k.
Félagsfundur Samfylkingarinnar í Norðurþingi samþykkti einróma tillögu stjórnar um að viðhöfð verði uppstilling sem aðferð við val á framboðslista flokksins í Norðurþingi fyrir sveitarstjórnarkosningar þann 16. maí 2026. -
KEA og EBAK hefja samstarf um þróunarverkefni á íbúðamarkaði
KEA og EBAK – Félag eldri borgara á Akureyri, fyrir hönd óstofnaðs félags ÍBA 55+, hafa undirritað viljayfirlýsingu um samstarf um undirbúning og þróun íbúðakjarna fyrir fólk 55 ára og eldra á Akureyri. Markmið samstarfsins er að kanna forsendur fyrir uppbyggingu sjálfstæðs búsetuforms sem leggur áherslu á lífsgæði, gott aðgengi, sjálfbærni og sterk tengsl við nærsamfélagið. Verkefnið mun meðal annars byggja á hugmyndum um svokallaða lífsgæðakjarna og "íbúðir út lífið", þar sem íbúðir og sameiginleg rými styðja við virkt samfélag eldri borgara og gerir þeim kleift að búa á sínu heimili sem lengst. Gert er ráð fyrir að skipaður verði sameiginlegur undirbúningshópur sem vinni að greiningu á eftirspurn, greiðslugetu og búsetuþörfum, kanni mögulegar staðsetningar og eigi samtal við skipulagsyfirvöld. Niðurstöður þeirrar vinnu geta, ef forsendur reynast hagfelldar, leitt til stofnunar formlegs undirbúnings- og þróunarfélags sem taki til frekari þróunar og undirbúnings framkvæmda. -
Ágætis horfur fyrir sumarið en barátta við árstíðarsveiflur
„Það hefur verið vöxtur í ferðaþjónustu á svæðinu, ekki mjög ör en aukning og það er jákvætt. Millilandaflug beint til Akureyrar vegur þungt hvað þann vöxt varðar en fleiri þættir skipta einnig máli. Liðið ár kom alveg þokkaleg út, þrátt fyrir að blikur væru á lofti í byrjun þess og útlitið fyrir nýhafið ár eru ágætar,“ segir Halldór Óli Kjartansson starfandi framkvæmdastjóri Markaðsstofu Norðurlands. Nú í vikunni hefur staðið yfir stærsti viðburður íslenskrar ferðaþjónustu, Ferðaþjónustuvikan sem lauk með Mannamótum Markaðsstofa landshlutanna í gær, fimmtudag.
