Lestur er bestur
Lestur er bestur, er yfirskrift bókasafnsdagsins sem verður haldinn á morgun, þriðjudaginn 17. apríl. Það er Upplýsing, Félag bókasafns- og upplýsingafræða, sem í samvinnu við bókasöfn í landinu gengst fyrir deginum. Um 100 bókasöfn um allt land taka þátt í deginum að þessu sinni. Hvert safn fyrir sig skipuleggur sína dagskrá og verður fjölbreytt og mismunandi dagskrá á söfnunum. Í fyrra var tekinn saman listi yfir 100 bestu íslensku bækurnar sem starfsfólk bókasafna mælir með að allir lesi. Í ár hefur verið tekinn saman listi yfir 100 bestu barnabækurnar að mati bókasafnsfólks. Allt yndislegar bækur sem flestir hafa lesið sjálfir eða fyrir börnin sín. Í tilefni af bókasafnsdeginum og sumardeginum, hefur starfsfólk Amtsbókasafnsins á Akureyri tekið fram fjöldann allan af bókum sem starfsfólkið mælir með að allir lesi í sumar. Sumar þeirra eru af fyrrgreindum listum, aðrar eru gömul eða ný eftirlæti starfsfólksins. Boðið er í heimsókn á Amtsbókasafnið og ef einhverjir vilja mynd af sér með eftirlætis lesefnið sitt eru meiri líkur en minni á að starfsfólkið geti uppfyllt þá ósk.
Undirbúningsnefndin stóð fyrir þremur sameiginlegum verkefnum:
1) Stuttmyndasamkeppni framhaldsskólanema
2) Ljósmyndasamkeppni Upplýsingar
3) Einnig var besta barna- og unglingabókin valin af starfsfólki bókasafna
Úrslitin í þessum verkefnum verða kynnt á Morgunkorni Upplýsingar sem verður haldið í Þjóðarbókhlöðunni að morgni þriðjudagsins 17. apríl, kl. 8:30.
Nýjast
-
,,Erfitt að slíta sig frá þessu"
Ragnheiður í Kisukoti hættir að þjónusta ketti í Akureyrarbæ -
Sýningin „Úr fullkomnu samhengi“ í Verksmiðjunni á Hjalteyri
Myndlistarsýningin „Úr fullkomnu samhengi“ verður opnuð í Verksmiðjunni á Hjalteyri á morgun, fimmtudaginn 3. júlí kl. 16. Þar sýna þau Julie Tremble, Philippe- Aubert Gauthier og Tanya Saint- Pierre , kanadískt kvikmynda og Vídeólistafólk. Aukalega verður sérstök vídeódagskrá á opnun, með verkum eftir 7 listamenn. -
Forseti Íslands sló í gegn í Vísindaskóla unga fólksins
Forseti Íslands, frú Halla Tómasdóttir og eiginmaður hennar Björn Skúlason, slógu í gegn við útskrift Vísindaskóla unga fólksins sem lauk föstudaginn 27. júní. Þau svöruðu fjölda spurninga sem nemendur höfðu sent embættinu, allt frá spurningum um uppáhaldslit hennar til þess hvort henni þætti Alþingi starfa vel. Alls 85 börn útskrifuðust að þessu sinni og er þetta ellefta starfsár skólans. Vísindaskólinn er rekinn af Rannsóknamiðstöð HA. -
Gjörgæslan er meira en vinna - þetta verður hluti af okkur og lífi okkar
„Þú veist aldrei hvernig dagurinn verður,“ segir Ásdís Skúladóttir, gjörgæsluhjúkrunarfræðingur á SAk, þegar hún lýsir starfinu sínu. „Við erum alltaf að læra eitthvað nýtt og verkefnin eru síbreytileg. Þetta starf heldur manni á tánum – og það er einmitt það sem heillar.“ -
Getur þú bætt í þekkingarbrunn um íslenska náttúru?
Jóhann Helgi Stefánsson, sérfræðingur hjá Landi og skógi skrifar -
Kærkomin gjöf Hollvina SAk til endurhæfingardeildar
Hollvinir Sjúkrahússins á Akureyr hafa fært SAki enn eina mikilvæga gjöf – að þessu sinni til endurhæfingardeildar SAk. -
Zipline Akureyri gengur mjög vel
„Það hefur gengið mjög vel hjá okkur og samkvæmt þeim væntingum sem við höfðum,“ segir Jón Heiðar Rúnarsson sem ásamt Anitu Hafdísi Björnsdóttur rekur félagið Zipline Akureyri. Þau hófu starfsemi um mitt sumar árið 2022 og eru því á sínu fjórða sumri. Zipline Akureyri rekur ævintýra ferðaþjónustu í Glerárgili, er með alls fimm sviflínur þar sem farið er yfir Glerá. -
Ferðfólk sem sækir í kælifrí þykir svalt að koma til Akureyrar
Það er ansi heitt niður i Evrópu og hitamet sleginn eða við það að vera sleginn daglega má segja. Þeim hópi ferðafólks sem þykir norðanátt og rigning mjög eftirsóknarverð horfir í vaxandi mæli hingað ,,upp eftir" og er Akureyri svo dæmi sé tekið er efst á óskalista þeirra erlendu ferðalanga sem vilja komast í svalara loftslag. Óhætt er að fullyrða að þessi gerð af ferðafólki fengi helling fyrir sinn snúð á Akureyri í dag. -
Að byggja upp á Bakka
Hjálmar Bogi Hafliðason skrifar um atvinnuuppbyggingu á Bakka á Húsavík.
