Landsbankinn efnir til opinna funda á ný
Fundurinn á Akureyri verður haldinn miðvikudaginn 29. febrúar.
Landsbankinn mun á næstu vikum efna til átta opinna funda um allt land til að eiga samræður við viðskiptavini og samfélagið um stöðu bankans, stefnu hans og framtíð. Á síðasta ári stóð Landsbankinn fyrir níu slíkum fundum sem ríflega 800 manns sóttu. Að þessu sinni verður, auk þess að fjalla um málefni bankans, lögð megináhersla á atvinnusköpun og frumkvæði í atvinnulífinu og með í för verða Nýsköpunarsjóður og fulltrúar ungra og spennandi fyrirtækja sem fjalla munu um reynslu sína af uppbyggingu á síðustu árum. Fyrirtækin eru úr ýmsum greinum og endurspegla fjölbreytni í nýsköpun í landinu.
Landsbankinn mun á þessu ári leggja þunga áherslu á fjóra þætti í starfsemi sinni og verða þeir kynntir á fundunum. Landsbankinn hefur skilgreint sig sem hreyfiafl í atvinnulífi og vill beita sér af krafti fyrir uppbyggingu á því sviði, bankinn vill auka við og efla upplýsingagjöf og vera opinn banki, starfsmenn vilja veita framúrskarandi persónulega þjónustu og síðast en ekki síst hafa Landsbankanum verið sett háleit markmið um innleiðingu samfélagslegrar ábyrgðar í daglegri starfsemi. Fyrsti opni fundurinn verður haldinn þriðjudaginn 14. febrúar á Sauðárkróki. Síðan verða haldnir fundir í Fjarðabyggð, Reykjanesbæ, Kópavogi, Snæfellsbæ, á Ísafirði, Selfossi og loks á Akureyri miðvikudaginn 29. febrúar.
Þau fyrirtæki sem þátt munu taka í fundaröð bankans eru; m.a. Valorka (þróun sjávarhverfla til orkuframleiðslu - www.valorka.is), Gagnavarslan (ráðgjöf á sviði upplýsingavörslu - www.gagnavarslan.is), Atlantik (ferðaþjónusta - www.atlantik.is), Grindavík Experience (ferðaþjónustuklasi - www.grindavik-experience.is), Ferðaþjónustan Mjóeyri (mjoeyri.is), Kerecis (lækningavörufyrirtæki - www.kerecis.is), Steinunn (fatahönnun - www.steinunn.com), kvikmyndafyrirtækið Caoz (framleiðslufyrirtæki á sviði teiknimynda - www.caoz.is), framleiðslufyrirtækið Saltverk (framleiðsla á kristalsjávarsalti - www.saltverk.is) og Sjávarleður (framleiðsla á hágæða fiskileðri - www.atlanticleather.is) og fleiri munu bætast í hópinn, segir í fréttatilkynningu.
Nýjast
-
Ævintýragarðurinn við Oddeyrargötu 17 opnar á morgun
Í tilkynningu sem Hreinn Halldórsson, staðarhaldari, og listasmiður í Odddeyrargötu 17 sendi frá sér kemur fram að Ævintýragarðurinn hans sem er eitt að djánsum bæjarins opnar fyrir almenning 20. mai sem er á morgun þriðjudag. -
Þá er vorið loksins komið
Já vorið er sú árstíð sem ég elska mest. Sennilega er það líka ljótasta árstíðin. Allt skítugt, grasið gulbrúnt, tré og runnar berir. En svo breytist allt á augabragði. Og daginn sem sólgulur fífill brosir við mér, feit hunangsfluga flýgur framhjá, eða kónguló spásserar yfir borðið sem ég sit við, þá hellist þessi barnslega gleði og tilhlökkun vegna sumars sem er í vændum yfir mig. En besta vormerkið er án efa að það birtir. -
Íshokkí í aldarfjórðung 25 ár frá stofnun kvennaliðs SA í íshokkí
„Þetta er ein hraðasta íþrótt í heimi. Ég hef lýst henni á þann veg að leikmaður er í 100 metra hlaupi á fullum hraða, gefi allt í sprettinn, með 10-15 kg aukalega á sér ásamt því að tveir menn hangi á honum. Það þarf að huga að kylfu og hvar pökkurinn er auk þess sem farið er um á örmjóu blaði. Íshokkí reynir mjög mikið á leikmenn, þeir þurfa að vera í góðu formi, sterkir og hafa gott jafnvægi,“ segir Jónína Margrét Guðbjartsdóttir. Hún var ein af þeim konum sem tók þátt í að stofna kvennalið Skautafélags Akureyrar fyrir 25 árum og er enn að, spilar með og þjálfar að auki U16 kvenna hjá félaginu -
Einstök upplifun í Grobbholti
-Sauðfjárbúið á Húsavík sem dregur að sér hundruði gesta á hverju vori -
Gamla verslunin í Vaglaskógi jöfnuð við jörðu
„Það eiga margir góðar minningar um þessa verslun,“ segir Helen Jónsdóttir en gamla góða búðin í Vaglaskógi var jöfnuð við jörðu nýverið. Allt var tekið nema hellan fékk að vera og væntir Helen þess að eitthvað verði gert á staðnum. „Vonandi verður settur upp fallegur áningarstaður þarna, með borðum og bekkjum og jafnvel skilti sem greinir frá sögu verslunarinnar.“ -
Hamrastígur og Kirkjugarðsstígur Finnur ehf bauð lægst í stígagerðina
Gengið verður til samninga við lægstbjóðenda, Finn ehf í gerð tveggja stíga á Akureyri, Hamrastígs og Kirkjugarðsstígs, en fyrirtækið átti lægsta boð í bæði verkin. -
Alþjóðaflugvöllur á Akureyri verði byggður upp
Sveitarfélögin á Norðurlandi vestra og Norðurlandi eystra skora á ríkisstjórn Íslands og Alþingi að koma rekstri, uppbyggingu og markaðssetningu Akureyrarflugvallar fyrir hjá sérstakri stjórn eða félagi, sem hefur það að markmiði að alþjóðaflugvöllurinn sé byggður upp og kynntur sem ein af gáttum Íslands -
Grafalvarleg staða í rekstri PCC Bakka rædd í atvinnuveganefnd Alþingis.
Atvinnuveganefnd Alþingis hefur verið upplýst um grafalvarlega stöðu í rekstri PCC Bakka við Húsavík, þar sem stefnt gæti í rekstrarstöðvun undir lok sumars ef ekki tekst að snúa vörn í sókn. -
Listasafnið á Akureyri Nýjar sýningar opnaðar
Sýningar Heimis Hlöðverssonar, Samlífi, og Þóru Sigurðardóttur,Tími – Rými – Efni, verða opnaðar í Listasafninu á Akureyri á laugardag 17. maí kl. 15. Á opnunardegi verður leiðsögn með Heimi kl. 15.45.