Landeigendur fjalla um vernd eignarréttarins og áformuð inngrip í eignarréttinn
Landssamtök landeigenda á Íslandi (LLÍ) ætla að fjalla um vernd eignarréttarins og áformuð inngrip í eignarréttinn á málþingi að loknum aðalfundi sínum á Hótel Sögu næstkomandi fimmtudag, 16. febrúar. Aðalfundurinn hefst kl. 13.00 og gert er ráð fyrir að málþingið hefjist kl. 15:00, að aðalfundarstörfum loknum. Tveir gestir flytja framsöguerindi um umræðuefni dagsins á málþinginu: Róbert Spanó, forseti lagadeildar Háskóla Íslands, fjallar um vernd eignarréttar samkvæmt mannréttindasáttmála Evrópu og rétt landeigenda. Karl Axelsson hæstarréttarlögmaður fjallar um heimildir almenna löggjafans til inngripa í stjórnarskrárvarin eignarrétt landeigenda og hversu langt verði gengið í þeim efnum. Landssamtök landeigenda velja sér framangreind umræðuefni ekki síst í tilefni tillagna stjórnlagaráðs um nýja stjórnarskrá Íslands, þar sem gert er ráð fyrir að gengið sé freklega á eignarrétt sem varinn er í núgildandi stjórnarskrá. Samtökin hafna slíkum hugmyndum og hafa m.a gert stjórnskipunar- og eftirlitsnefnd Alþingis grein fyrir sjónarmiðum sínum. Aðalfundur og málþing landeigenda eru öllum opin og eru landeigendur sérstaklega hvattir til að mæta.
Landssamtök landeigenda á Íslandi (LLÍ) voru stofnuð í janúar 2007 til að berjast fyrir því að eignarréttur landeigenda að jörðum þeirra og landareignum sé virtur við framkvæmd laga um þjóðlendur á Íslandi, í samræmi við verndarákvæði eignarréttarins í stjórnarskrá Íslands og mannréttindasáttmála Evrópu. Samtökin beita sér gegn því að gengið sé á rétt landeigenda við setningu laga og reglugerða eða með framkvæmd valdheimilda og beita sér sömuleiðis gegn því að gengið sé á rétt landeigenda við opinberar framkvæmdir. Allir landeigendur á Íslandi eiga rétt til aðildar að samtökunum, hvort sem um er að ræða einstaklinga, lögaðila eða sveitarfélög.
Nýjast
-
Þá er vorið loksins komið
Já vorið er sú árstíð sem ég elska mest. Sennilega er það líka ljótasta árstíðin. Allt skítugt, grasið gulbrúnt, tré og runnar berir. En svo breytist allt á augabragði. Og daginn sem sólgulur fífill brosir við mér, feit hunangsfluga flýgur framhjá, eða kónguló spásserar yfir borðið sem ég sit við, þá hellist þessi barnslega gleði og tilhlökkun vegna sumars sem er í vændum yfir mig. En besta vormerkið er án efa að það birtir. -
Íshokkí í aldarfjórðung 25 ár frá stofnun kvennaliðs SA í íshokkí
„Þetta er ein hraðasta íþrótt í heimi. Ég hef lýst henni á þann veg að leikmaður er í 100 metra hlaupi á fullum hraða, gefi allt í sprettinn, með 10-15 kg aukalega á sér ásamt því að tveir menn hangi á honum. Það þarf að huga að kylfu og hvar pökkurinn er auk þess sem farið er um á örmjóu blaði. Íshokkí reynir mjög mikið á leikmenn, þeir þurfa að vera í góðu formi, sterkir og hafa gott jafnvægi,“ segir Jónína Margrét Guðbjartsdóttir. Hún var ein af þeim konum sem tók þátt í að stofna kvennalið Skautafélags Akureyrar fyrir 25 árum og er enn að, spilar með og þjálfar að auki U16 kvenna hjá félaginu -
Einstök upplifun í Grobbholti
-Sauðfjárbúið á Húsavík sem dregur að sér hundruði gesta á hverju vori -
Gamla verslunin í Vaglaskógi jöfnuð við jörðu
„Það eiga margir góðar minningar um þessa verslun,“ segir Helen Jónsdóttir en gamla góða búðin í Vaglaskógi var jöfnuð við jörðu nýverið. Allt var tekið nema hellan fékk að vera og væntir Helen þess að eitthvað verði gert á staðnum. „Vonandi verður settur upp fallegur áningarstaður þarna, með borðum og bekkjum og jafnvel skilti sem greinir frá sögu verslunarinnar.“ -
Hamrastígur og Kirkjugarðsstígur Finnur ehf bauð lægst í stígagerðina
Gengið verður til samninga við lægstbjóðenda, Finn ehf í gerð tveggja stíga á Akureyri, Hamrastígs og Kirkjugarðsstígs, en fyrirtækið átti lægsta boð í bæði verkin. -
Alþjóðaflugvöllur á Akureyri verði byggður upp
Sveitarfélögin á Norðurlandi vestra og Norðurlandi eystra skora á ríkisstjórn Íslands og Alþingi að koma rekstri, uppbyggingu og markaðssetningu Akureyrarflugvallar fyrir hjá sérstakri stjórn eða félagi, sem hefur það að markmiði að alþjóðaflugvöllurinn sé byggður upp og kynntur sem ein af gáttum Íslands -
Grafalvarleg staða í rekstri PCC Bakka rædd í atvinnuveganefnd Alþingis.
Atvinnuveganefnd Alþingis hefur verið upplýst um grafalvarlega stöðu í rekstri PCC Bakka við Húsavík, þar sem stefnt gæti í rekstrarstöðvun undir lok sumars ef ekki tekst að snúa vörn í sókn. -
Listasafnið á Akureyri Nýjar sýningar opnaðar
Sýningar Heimis Hlöðverssonar, Samlífi, og Þóru Sigurðardóttur,Tími – Rými – Efni, verða opnaðar í Listasafninu á Akureyri á laugardag 17. maí kl. 15. Á opnunardegi verður leiðsögn með Heimi kl. 15.45. -
Orkey fyrst á Íslandi með sjálfbærni- vottaða framleiðslu á lífeldsneyti
Orkey hefur fengið alþjóðlega kolefnis- og sjálfbærnivottun, ISCC EU, á lífdísilframleiðslu sína á Akureyri fyrst fyrirtækja sem framleiða lífeldsneyti hérlendis.