Kveldúlfur, ný tónlistarhátíð á Hjalteyri
Ný tónlistarhátíð, Kveldúlfur verður haldin á Hjalteyri á morgun laugardag.
Kveldúlfur er ný tónlistarhátíð sem verður haldin á Hjalteyri á morgun laugdaginn 12. júlí. Skipuleggjendur hátíðarinnar eru þau Sara Bjarnason verkefnastjóri og Vikar Mar bóndi á Ytri Bakka og listmálari.
„Á Hjalteyri er öflugt listalíf og við sem stöndum að hátíðinni viljum efla það enn frekar með þessu framtaki,“ segir Sara. Fjöldi tónlistamanna kemur fram, Júníus Meyvant, Kött Grá Pje, Lúpína, Katla Vigdís og Skúli mennski. Kött Grá Pje, eða Atli Sigþórsson, er Akureyringur og hefur sterka tengingu við Hjalteyri þar sem móðir hans á litla verbúð sem hann sækir í reglulega til að stilla sig af.
Kjöraðstæður
Sara segir Hjalteyri hentar einkar vel til viðburðahalds og ekki spurning að þar sé gott að efna til tónlistarhátíðar. „Þessi mikla menning sem þar þrífst, hráar verksmiðjurnar, þetta fallega bæjarstæði og landfræðileg lega Hjalteyrar mynda saman kjöraðstæður til viðburðahalds. Fjarlægðin frá bæði Akureyri og Dalvík er álíka löng og fyrir Kópavogsbúa sem sækja tónleika í miðborg Reykjavíkur. Stutt skrepp,“ segir hún.
Sara Bjarnason verkefnastjóri
Árleg hátíð ef vel tekst til
Ef vel tekst til og heimafólk verður ánægt með framtakið segir hún að stefnt sé að því að gera Kveldúlf að árlegum viðburði. „Það skiptir okkur höfuðmáli að vinna þetta af virðingu við byggðina í kring og höfum þess vegna boðið Hjalteyringum frímiða á hátíðina,“ segir Sara.
Á hátíðinni verður ávaxta- og grænmetismarkaður, opnar vinnustofur listafólks, möguleiki á að fá sér húðflúr á staðnum, varðeldur og ýmislegt fleira. Miðasala er í fullum gangi en afar takmarkaður fjöldi er í boði á þennan menningarviðburð.
Miðasala fer fram á tix.is
Vikar Mar bóndi á Ytri Bakka og listmálari
Nýjast
-
Kveldúlfur, ný tónlistarhátíð á Hjalteyri
Kveldúlfur er ný tónlistarhátíð sem verður haldin á Hjalteyri á morgun laugdaginn, 12. júlí. Skipuleggjendur hátíðarinnar eru þau Sara Bjarnason verkefnastjóri og Vikar Mar bóndi á Ytri Bakka og listmálari. -
Dýrey flutti starfsemi að Baldursnesi 2
„Þörfin fyrir að stækka við okkur húsnæði var löngu tímabær. Eftir mikla leit og vangaveltur varð húsnæði við Baldursnes 2 fyrir valinu, enda hentar það okkar starfsemi einkar vel. Þar getum við sameinað spítala fyrir bæði gæludýr og stór dýr. Við erum hæst ánægð með flutninginn í nýtt húsnæði sem og okkar viðskiptavinir,“ segir Helga Berglind Ragnarsdóttir dýralæknir og einn eigandi Dýralæknaþjónustu Eyjafjarðar, Dýrey. -
Mjölhúsið og síldarverksmiðjan á Raufarhöfn heyra brátt sögunni til
Í maí sl. gerði Hringrás ehf. tilboð í niðurrif hluta húseignanna, þ.e. mjölhúsið og verksmiðjuhúsið -
Gefur okkur færi á að sækja fram og auka starfsemina -Segir Jón Ingvi Árnason sparisjóðsstjóri Sparisjóðs Höfðhverfinga.
„Við verðum betur í stakk búinn til að sækja fram, að auka okkar starfsemi og efla hana,“ segir Jón Ingvi Árnason sparisjóðsstjóri Sparisjóðs Höfðhverfinga. Stjórnir Sparisjóðs Höfðhverfinga hf. og Sparisjóðs Strandamanna hf. hafa undirritað samrunaáætlun um sameingingu sjóðanna og tekur hún mið af stöðu sjóðanna í upphafi árs. Sameinaður sparisjóður fær nafni Smári sparisjóður en verður áfram markaðsettur undir merkjum Sparisjóðanna. -
Að fá rafræn skilríki fyrir fatlaða barnið sitt!!!
Hrafnhildur Jónsdóttir á Akureyri, móðir tveggja fatlaðra drengja skrifar pistil á Facebookvegg sinn í morgun sem hefur vakið mikla athygli. Hrafnhildur gaf samþykki fyrir birtingu pistils hennar hér. -
Jöfnuður er lykilorðið – svar framkvæmdastjóra sveitarfélaga á landsbyggðinni
Sjö bæjar- og sveitarstjórar skrifa um grunntilgang Jöfnunarsjóðs sveitarfélaga -
Ja þessir unglingar
Um 70 manns frá EBAK Félagi eldri borgara á Akureyri, EBAK heimsóttu Kjarnaskóg í vikunni, líkt og þau gera alla þriðjudaga sumarlangt til að ganga sér til gleði. -
Hugleiðingar hafnarstjóra
Sigurður Pétur Ólafsson hafnastjóri skrifaði hugleiðingar sínar á Facebookarvegg sinn í gærkvöldi, vefurinn fékk leyfi til að birta þær ásamt myndum sem fylgdu með. -
Listasafnið á Akureyri: Hekla Björt Helgadóttir með gjörning á Listasumri
Laugardaginn 12. júlí kl. 15 verður boðið upp á gjörning Heklu Bjartar Helgadóttur í Listasafninu á Akureyri í tengslum við þátttöku hennar í samsýningu norðlenskra listamanna, Mitt rými. Viðburðurinn er hluti af Listasumri á Akureyri
