Komandi ferðasumar lofar góðu
Útlit er fyrir mikinn straum ferðamanna til Akureyrar á komandi sumri að því er fram kom í samtölum við hótelstjóra í bænum og fleiri. Sigrún Björk Jakobsdóttir hótelstjóri hjá Icelandair hótel segir að veturinn hafi verið góður og að bæði Íslendingar og útlendingar hafi verið á ferðinni. Megnið af erlendum gestum hafa verið Bretar í tveggja nátta norðurljósaferðum sem hafa verið í gangi frá október og fram í apríl, segir hún. Þokkaleg nýting er nú um páskana. Bókunarstaðan á Icelandair hótelinu er þokkaleg fyrir sumarið og við opnum viðbygginguna með 37 herbergjum 1. júní þannig að alls verða 100 herbergi í sölu frá og með þeim tíma.
Sigurbjörn Sveinsson hótelstjóri á Hótel Kea segir að útlit sé fyrir að mikið verði um útlendinga á ferðalagi um Ísland á komandi sumri og bókunarstaða á hótelinu sé með ágætum fyrir sumarið. Við erum ánægð með það, segir Sigurbjörn. Veturinn hefur hins vegar verið heldur slappari en veturinn 2010 til 2011 og fyrst og fremst er það er um að ræða að fólk í t.d. árshátíðar- og starfsmannaferðum hefur ekki skilað sér norður í sama mæli og veturinn á undan. Við höfum fengið til okkar mikið af fólki sem sækir leikhús, eða er í árshátíðarferðum, en það er minna um það í vetur en var, segir Sigurbjörn og kennir fyrst og fremst um flugfargjöldum og háu bensínverði. Fólk er ánægt með þau tilboð sem það fær frá okkur, en þykir of dýrt að koma sér á svæðið, segir hann og fyrir vikið fari það skemmra til, Suðurlandið njóti vinsælda.
Það er hvert einasta pláss fullnýtt hjá okkur um páskana, það kemst ekki ein mús fyrir í viðbót, segir Örn Amin framkvæmdastjóri Sæluhúsa á Akureyri. Á þriðjudagskvöld kom hópur Færeyinga sem gistir í Sæluhúsum, einkum fjölskyldufólk á leið á skíði. Þeir komu með Norrænu og óku yfir til Akureyrar. Við erum mjög ánægð með nýtinguna enda getur hún ekki verið betri, segir Örn. Veturinn allur hefur verið mjög góður, bæði innlendir og erlendir ferðamenn hafi nýtt sér sæluhúsin og þá segir Örn að útlit sé fyrir að sumarið verði með besta móti miðað við bókunarstöðu nú. Við erum því bjartsýn og brosum hringinn, segir hann.
Nýjast
-
Krummafótur á Grenivík 25 ára
Leikskólinn Krummafótur á Grenivík fagnaði 25 ára afmæli nýverið. Af því tilefni var opið hús í leikskólanum og var gestum og gangandi boðið upp á kaffi og afmælisköku. -
Sjúkrabílabangsar afhentir á Hlíð
Sigurbjörg Ingvadóttir notandi í dagþjálfun á Hlíð afhenti fullan poka af fallegum sjúkrabílaböngsum til sjúkraflutningamanna nú fyrir skemmstu. Sibba, eins og hún er -
B.Jensen vormòt Òðins Jón Ingi Einarsson sló 3 Akureyrarmet í flokki 13-14 ára
B.Jensen vormót Óðins var haldið í blíðskaparveðri í Sundlaug Akureyrar laugardaginn 17. Maí. Keppendur voru 62 frá Óðni auk 1 frá Sundfélaginu Rán á Dalvík. Yngstu keppendurnir voru fæddir 2016 og 2017 en þau fóru flest að taka þátt í fyrsta sinn. Það er skemmst frá því að segja að þau stóðu sig frábærlega vel þrátt fyrir að hafa velflest aldrei stungið sér af startpalli, þar sem enginn slíkur er í Glerársundlaug, þar sem grasrótarstarf Óðins fer fram. -
Ævintýragarðurinn við Oddeyrargötu 17 opnar á morgun
Í tilkynningu sem Hreinn Halldórsson, staðarhaldari, og listasmiður í Odddeyrargötu 17 sendi frá sér kemur fram að Ævintýragarðurinn hans sem er eitt að djánsum bæjarins opnar fyrir almenning 20. mai sem er á morgun þriðjudag. -
Þá er vorið loksins komið
Já vorið er sú árstíð sem ég elska mest. Sennilega er það líka ljótasta árstíðin. Allt skítugt, grasið gulbrúnt, tré og runnar berir. En svo breytist allt á augabragði. Og daginn sem sólgulur fífill brosir við mér, feit hunangsfluga flýgur framhjá, eða kónguló spásserar yfir borðið sem ég sit við, þá hellist þessi barnslega gleði og tilhlökkun vegna sumars sem er í vændum yfir mig. En besta vormerkið er án efa að það birtir. -
Íshokkí í aldarfjórðung 25 ár frá stofnun kvennaliðs SA í íshokkí
„Þetta er ein hraðasta íþrótt í heimi. Ég hef lýst henni á þann veg að leikmaður er í 100 metra hlaupi á fullum hraða, gefi allt í sprettinn, með 10-15 kg aukalega á sér ásamt því að tveir menn hangi á honum. Það þarf að huga að kylfu og hvar pökkurinn er auk þess sem farið er um á örmjóu blaði. Íshokkí reynir mjög mikið á leikmenn, þeir þurfa að vera í góðu formi, sterkir og hafa gott jafnvægi,“ segir Jónína Margrét Guðbjartsdóttir. Hún var ein af þeim konum sem tók þátt í að stofna kvennalið Skautafélags Akureyrar fyrir 25 árum og er enn að, spilar með og þjálfar að auki U16 kvenna hjá félaginu -
Einstök upplifun í Grobbholti
-Sauðfjárbúið á Húsavík sem dregur að sér hundruði gesta á hverju vori -
Gamla verslunin í Vaglaskógi jöfnuð við jörðu
„Það eiga margir góðar minningar um þessa verslun,“ segir Helen Jónsdóttir en gamla góða búðin í Vaglaskógi var jöfnuð við jörðu nýverið. Allt var tekið nema hellan fékk að vera og væntir Helen þess að eitthvað verði gert á staðnum. „Vonandi verður settur upp fallegur áningarstaður þarna, með borðum og bekkjum og jafnvel skilti sem greinir frá sögu verslunarinnar.“ -
Hamrastígur og Kirkjugarðsstígur Finnur ehf bauð lægst í stígagerðina
Gengið verður til samninga við lægstbjóðenda, Finn ehf í gerð tveggja stíga á Akureyri, Hamrastígs og Kirkjugarðsstígs, en fyrirtækið átti lægsta boð í bæði verkin.