Kemst Þór á toppinn?
Fagna Þórsarar í dag?
Þetta leggst bara vel í mig og vonandi náum við að rífa okkur upp eftir síðasta leik, segir Páll Viðar Gíslason þjálfari Þórs, en norðanmenn fá Víking frá Ólafsvík í heimsókn á Þórsvöll í dag í 1. deild karla í knattspyrnu og hefst leikurinn kl. 13:00. Víkingur hefur byrjað tímabilið vel og hefur sjö stig í öðru sæti deildarinnar eftir fyrstu þrjár umferðirnar; unnið tvo leiki og gert eitt jafntefli. Þórsarar hafa sex stig í þriðja sæti en eftir sigra í fyrstu tveimur leikjum sínum, sem báðir voru á heimavelli, mátti Þór sætta sig við 0-1 tap gegn Haukum sl. helgi á útivelli. Takist öðru hvoru liðinu að sigra á Þórsvelli í dag kemst það í toppsæti deildarinnar.
KA leikur sinn þriðja útileik í fyrstu fjórum umferðum deildarinnar er liðið sækir Fjölni heim í dag kl. 16:00. KA er með fjögur stig í sjötta sæti og Fjölnir er á svipuðum slóðum með fimm stig í fjórða sæti deildarinnar. Fjölnir burstaði ÍR, 5-0, á útivelli í síðustu umferð á meðan KA gerði 1-1 jafntefli við Víking R. á heimavelli.
Það er ljóst að við erum að fara mæta funheitu Fjölnisliði um helgina og þetta verður erfitt verkefni. Þetta er enn einn útileikurinn en við munum spila marga útileiki í fyrri umferðinni en eigum fyrir vikið fleiri heimaleiki inni í þeirri seinni. Við verðum að reyna að komast þokkalega frá þessum útileikjum og kroppa í stig, segir Gunnlaugur Jónsson þjálfari KA um leikinn í dag. Þess má geta að leikur Fjölnis og KA er sýndur beint á vefnum sporttv.is.
Nýjast
-
Getur þú bætt í þekkingarbrunn um íslenska náttúru?
Jóhann Helgi Stefánsson, sérfræðingur hjá Landi og skógi skrifar -
Kærkomin gjöf Hollvina SAk til endurhæfingardeildar
Hollvinir Sjúkrahússins á Akureyr hafa fært SAki enn eina mikilvæga gjöf – að þessu sinni til endurhæfingardeildar SAk. -
Zipline Akureyri gengur mjög vel
„Það hefur gengið mjög vel hjá okkur og samkvæmt þeim væntingum sem við höfðum,“ segir Jón Heiðar Rúnarsson sem ásamt Anitu Hafdísi Björnsdóttur rekur félagið Zipline Akureyri. Þau hófu starfsemi um mitt sumar árið 2022 og eru því á sínu fjórða sumri. Zipline Akureyri rekur ævintýra ferðaþjónustu í Glerárgili, er með alls fimm sviflínur þar sem farið er yfir Glerá. -
Ferðfólk sem sækir í kælifrí þykir svalt að koma til Akureyrar
Það er ansi heitt niður i Evrópu og hitamet sleginn eða við það að vera sleginn daglega má segja. Þeim hópi ferðafólks sem þykir norðanátt og rigning mjög eftirsóknarverð horfir í vaxandi mæli hingað ,,upp eftir" og er Akureyri svo dæmi sé tekið er efst á óskalista þeirra erlendu ferðalanga sem vilja komast í svalara loftslag. Óhætt er að fullyrða að þessi gerð af ferðafólki fengi helling fyrir sinn snúð á Akureyri í dag. -
Að byggja upp á Bakka
Hjálmar Bogi Hafliðason skrifar um atvinnuuppbyggingu á Bakka á Húsavík. -
Bíladagar
Dýrleif Skjóldal átti Lokaorðið í blaðinu s.l. fimmtudag. -
Dagsektir vegna umgengni við Hamragerði 15 ekki greiddar
Dagsektir sem lagðar voru á lóðahafa við Hamragerði 15 á Akureyri vegna umgengni á lóðinni hafa ekki verið greiddar en þær eru í innheimtu. Fjárnám hefur verið gert í eigninni og nauðungarsala hefur verið auglýst. Bílum innan lóðar hefur fækkað lítilega að undanförnu. -
Jóhann Páll heiðursdoktor við HA
Hug- og félagsvísindasvið Háskólans á Akureyri veitir Jóhanni Páli Árnasyni heiðursdoktorsnafnbót á sviði félagsvísinda næstkomandi mánudag, 30. júní -
Sérstakt ef beita þarf sveitarfélag þvingunarúrræðum til að fá fram tiltekt
Akureyrarbær hefur ekki brugðist við kröfu frá Heilbrigðisnefnd Norðurlands eystra um að hreinsa svæði við á lóð bæjarins við Krossanes. Alls eru 45 bílar í slæmu ástandi á lóðinni.
