K 16 bauð lægst i byggingu stúdentagarða
Fimm tilboð bárust í byggingu nýrra stúdentagarða við Norðurslóð og átti fyrirtækið K16 ehf lægsta boð
Fimm tilboð bárust í byggingu nýrra stúdentagarða við Norðurslóð og átti fyrirtækið K16 ehf lægsta boð.
Boðin eru eftirfarandi:
|
Tilboðsgjafi |
Tilboð |
% af áætlun |
|
K16 ehf |
4.499.044.168,- |
94.8% |
|
BB-Byggingar |
4.656.013.655,- |
98.1% |
|
Eykt |
4.764.042.787,- |
100.4% |
|
Ístak |
5.045.774.814,- |
106.3% |
|
GG-Verk |
5.445.686.503,- |
114.7% |
Kostnaðaráætlun fyrir verkið er kr. 4.747.396.319,- Inni í tilboðum er vinna vegna jarðvinnu og aðstöðu, burðarvirki, lagnir, raflagnir, frágangur innanhúss, utanhúss og á lóð og aukaverk.
Fyrir utan tilboð er kaup og uppsetning á lyftum, aðgangsstýringar- og öryggiskerfum, netbúnaður og lausabúnaður.
Samið við K16
Jóhannes Baldur Guðmundsson framkvæmastjóri Félagsstofnunar stúdenta á Akureyri segir að stjórn hafi farið yfir tilboðin og samþykkt að ganga til samninga við lægstbjóðenda, K16 ehf uppfyllt fyrirtækið þær kröfur sem settar voru á bjóðendur í útboðinu, „K16 ehf uppfyllti kröfur og verður því gengið til samninga við þá um þetta afar flotta verkefni. K16 ehf er reynslumikill verktaki og er ég afar spenntur að hefja samstarfið með þeim,“ segir Jóhannes.
Hann segir að í undirbúningi þessa verkefnis, sem hófst formlega 2021 var meðal annars greint hver eftirspurn stúdenta síðustu ára var eftir íbúðum og hver þróun á Norðurlöndunum hafi verið. „Niðurstaðan var að auka þyrfti minna húsnæði og minnka framboð á stærra húsnæði, en eftirspurn eftir 3ja herbergja íbúðum hefur verið að minnka en á FÉSTA mest af þeim,“ segir Jóhannes.
Selja íbúðir við Kjalarsíður og Skarðshlíð
Stjórn FÉSTA hafi því tekið þá ákvörðun að fara í byggingu nýrra námsgarða og um leið aðlaga eignasafn sitt samkvæmt eftirspurn síðustu ára, þannig að nýir námsgarðar væru ekki hrein viðbót við núverandi framboð, heldur yrðu Kjalarsíða 1A og Skarðshlíð 46 seld, bæði til að auka framboð á minni húsnæði á skynsaman hátt, en einnig að losa eigið fé sem hægt væri að nýta í nýju stúdentagarðana, til að minnka skuldsetningu og þ geta boðið hagstæðari leigu á nýju stúdentagörðunum.“
Jóhannes segir að samkvæmt áætlunum í útboðinu sé gert ráð fyrir að amk helmingur stúdentagarðanna verði klárir fyrir skólaárið 2028-29, eða eftir 2 ár og framkvæmum ljúki og allt verði klárt fyrir skólaárið 2029-2030.
Þær framkvæmdir sem hafnar eru á og við lóðina Norðurslóð 3-5-7 er á vegum Norðurorku, en þau eru að undirbúa þessar framkvæmdir með því að leggja stofnlagnir að lóðinni og færa lagnir sem þveruðu lóðina.
Nýjast
-
Eimskip gerist bakhjarl Driftar EA
Eimskip og Drift EA hafa gert með sér samstarfssamkomulag sem miðar að því að efla frumkvöðlastarf, nýsköpun og uppbyggingu nýrra fyrirtækja á Norðurlandi. Með samkomulaginu verður Eimskip bakhjarl Driftar EA og tekur þannig virkan þátt í að styrkja stuðningsumhverfi sprota- og vaxtarfyrirtækja á svæðinu. -
K 16 bauð lægst i byggingu stúdentagarða
Fimm tilboð bárust í byggingu nýrra stúdentagarða við Norðurslóð og átti fyrirtækið K16 ehf lægsta boð. -
Götulokanir eða lokanir á akreinum á meðan á fótboltamótum stendur
N1 mót KA verður haldið í fertugasta sinn á Akureyri dagana 1.-4. júlí. Á sama tíma fer Pollamótið fram á íþróttasvæði Þórs. -
N1 mótið haldið í fertugasta sinn
N1 mótið verður haldið í fertugasta sinn á Akureyri dagana 1.–4. júlí. Áætlað er að um 1.700–1.800 keppendur frá um 40 knattspyrnufélögum taki þátt í mótinu í ár og að leiknir verði hátt í eitt þúsund leikir á fjórum dögum. -
Ástand við Hamragerði að færast í fyrra horf
Eignin að Hamragerði 15 fór á nauðungaruppboð í september síðastliðinn vegna ógreiddra dagsekta. Tiltekt fór fram á lóðinni í kjölfarið, en svo virðist sem hlutir séu að færast til fyrra horfs hvað slæma umgengni varðar. -
Leikskólinn Álfaborg Fyrsta skóflustunga að viðbyggingu
Fyrsta skóflustungan að byggingu nýrrar viðbyggingu við leikskólann Álfaborg var tekin nýverið. Við það tilefni voru samankomin starfsmenn og nemendur leikskólans sem fögnuðu þessum mikilvæga áfanga og fengu að taka þátt. -
Tengsl eru innviðir samfélagsins
Þegar talað er um innviði samfélagsins hugsum við gjarnan um vegi, skóla, heilbrigðisþjónustu, samgöngur, hjúkrunarheimili o.s.frv. Allt eru þetta nauðsynlegir innviðir sem við viljum efla og byggja upp. En við eigum það til að gleyma öðrum innviðum sem eru ekki síður mikilvægir, þótt þeir sjáist ekki á korti eða í fjárlögum. Það eru tengslin á milli fólks -
Engar lokanir á brúnni yfir Jökulsá á Fjöllum fram í miðjan ágúst
Ákveðið hefur verið að fresta frekari viðhaldsvinnu á brúnni yfir Jökulsá á Fjöllum til 17. ágúst. Mikil úrkoma hefur tafið framkvæmdir, meðal annars málun brúarinnar. Nýjustu upplýsingar um umferðartakmarkanir má ávallt finna á umferdin.is. -
Skógarböðin og Golfklúbbur Akureyrar afhenda Matargjöfum Akureyrar veglegan styrk
Skógarböðin og Golfklúbbur Akureyrar afhentu í dag Matargjöfum Akureyrar og nágrennis styrk að upphæð 500.000 krónur, sem safnaðist í góðgerðarhöggi við Skógarböðin.
