Jólaverslunin heldur meiri en í fyrra
Jólaverslun í matvöruverslunum virðist vera aðeins meiri nú fyrir jólin en í fyrra. Um það eru verslunarstjórar í þremur verslunum á Akureyri sammála. Framundan eru stórir dagar í verslunum, vaxandi þungi færist yfir nú um helgina og má búast við miklum fjölda viðskiptavina í matvöruverslunum alla næstu viku, þá síðstu fyrir jól.
Það hefur gengið mjög vel fram til þessa og mjög stórir dagar framundan, það má búast við að mikið verði að gera hér hjá okkur næstu daga, segir Þórhalla Þórhallsdóttir verslunarstjóri í Hagkaup. Hún segir verslun það sem af er heldur meiri en var á sama tíma í fyrra, fleiri viðskiptavinir hafi lagt leið sína í verslunina. Mér fannst fólk byrja að huga að jólunum fyrr en oft áður, það vill dreifa álaginu yfir lengri tíma sem er skynsamlegt, segir Þórhalla. Hún kveðst ekki verða vör við annað en hópur fóllks hafi þó nokkra peninga á milli handanna og telur að fjölmiðlar dragi oft upp neikvæða mynd af ástandinu, sem smiti út frá sér. Við verðum ekki vör við annað en að fólk sem hingað kemur sé jákvætt og þyki þessir desemberdagar dásamlegir, segir hún.
Jón Ævar Sveinbjörnsson verslunarstjóri í Bónus við Langholt segir að viðskiptavinum hafi fjölgað og að ívið meira hafi verið keypt nú miðað við sama tíma í fyrra. Þetta er nokkuð áþekkt og í fyrra, en heldur meira þó. Við höfum fengið fleiri viðskiptavini en áður og margir koma um langan veg, segir Jón Ævar. Hann segir að veður og færð næstu daga skipti verulegu máli, en alkunna sé að fólk úr nágrannabyggðum leggi leið sína til Akureyrar að versla fyrir jól. Við getum ekki verið annað en bjartsýn, það eru stórir dagar framundan, segir hann.
Sigurður Örn Kristjánsson verslunarstjóri í Nettó tekur í sama streng og segir jólaverslun heldur meiri en á sama tíma í fyrra. Árlegir Kaupdagar KEA sem jafnan eru í byrjun desember og veita góðan afslátt dragi mikinn fjölda viðskiptavina að, sumir komi langt að til að nýta sér tilboðin sem í gangi séu. Það hefur gengið ótrúlega vel og við eigum von á að næstu daga verði fjöldi manns á ferðinni í versluninni. Fólk kann að meta jólahúsið okkar, sem við setjum upp í desember, en þar bjóðum við upp á hefðbundnar jólakjötvörur, segir Sigurður. Hann segir að sér sýnst sem viðskiptavinir kaupi meira fyrir jólin nú en undanfarin ár og þá hafi viðskiptavinum einnig fjölgað. Við getum ekki annað en verið sátt við það, segir hann.
Nýjast
-
Einstök upplifun í Grobbholti
-Sauðfjárbúið á Húsavík sem dregur að sér hundruði gesta á hverju vori -
Gamla verslunin í Vaglaskógi jöfnuð við jörðu
„Það eiga margir góðar minningar um þessa verslun,“ segir Helen Jónsdóttir en gamla góða búðin í Vaglaskógi var jöfnuð við jörðu nýverið. Allt var tekið nema hellan fékk að vera og væntir Helen þess að eitthvað verði gert á staðnum. „Vonandi verður settur upp fallegur áningarstaður þarna, með borðum og bekkjum og jafnvel skilti sem greinir frá sögu verslunarinnar.“ -
Hamrastígur og Kirkjugarðsstígur Finnur ehf bauð lægst í stígagerðina
Gengið verður til samninga við lægstbjóðenda, Finn ehf í gerð tveggja stíga á Akureyri, Hamrastígs og Kirkjugarðsstígs, en fyrirtækið átti lægsta boð í bæði verkin. -
Alþjóðaflugvöllur á Akureyri verði byggður upp
Sveitarfélögin á Norðurlandi vestra og Norðurlandi eystra skora á ríkisstjórn Íslands og Alþingi að koma rekstri, uppbyggingu og markaðssetningu Akureyrarflugvallar fyrir hjá sérstakri stjórn eða félagi, sem hefur það að markmiði að alþjóðaflugvöllurinn sé byggður upp og kynntur sem ein af gáttum Íslands -
Grafalvarleg staða í rekstri PCC Bakka rædd í atvinnuveganefnd Alþingis.
Atvinnuveganefnd Alþingis hefur verið upplýst um grafalvarlega stöðu í rekstri PCC Bakka við Húsavík, þar sem stefnt gæti í rekstrarstöðvun undir lok sumars ef ekki tekst að snúa vörn í sókn. -
Listasafnið á Akureyri Nýjar sýningar opnaðar
Sýningar Heimis Hlöðverssonar, Samlífi, og Þóru Sigurðardóttur,Tími – Rými – Efni, verða opnaðar í Listasafninu á Akureyri á laugardag 17. maí kl. 15. Á opnunardegi verður leiðsögn með Heimi kl. 15.45. -
Orkey fyrst á Íslandi með sjálfbærni- vottaða framleiðslu á lífeldsneyti
Orkey hefur fengið alþjóðlega kolefnis- og sjálfbærnivottun, ISCC EU, á lífdísilframleiðslu sína á Akureyri fyrst fyrirtækja sem framleiða lífeldsneyti hérlendis. -
Heyrn er ekki munaður – hún er þátttaka
Það var ánægjulegt að sækja fund hjá Félagi eldri borgara á Akureyri (EBAK) síðastliðinn föstudag. Rétt rúmlega hundrað manns mættu – áhugasamir, upplýstir og málefnalegir. Þar skapaðist gott samtal um þau mál sem brenna mest á eldra fólki í dag. Ábendingar komu víða að og spurningarnar voru margar og skýrar. Það var sérstaklega áberandi að umræðan snerist ítrekað að sömu kjarnamálunum: skerðingum, lífeyrissjóðum en einnig að heilbrigðisþjónustu. -
Sundlaug Akureyrar lokuð 18.-22. maí – opið lengur í Glerárlaug 18. maí
Sundlaug Akureyrar verður lokuð dagana 18.-22. maí eða frá sunnudegi til fimmtudags í næstu viku.