Jólagarðurinn og Breiðablik fengu umhverfisverðlaun Eyjafjarðarsveitar
Benedikt, Ragnheiður og Brynhildur.
Umhverfisverðlaun Eyjafjarðarsveitar árið 2011 voru afhent í dag og fór athöfnin fram á skrifstofu sveitarstjórnar á Hrafnagili. Verðlaunin að þessu sinni fengu íbúðarhúsið Breiðablik og Jólagarðurinn. Eigendur Breiðbliks eru þau Eiríkur Sveinsson og Rannveig Ingvarsdóttir en eigendur Jólagarðsins þau Ragnheiður Hreiðarsdóttir og Benedikt Grétarsson.
Í umsögn dómnefndar um Breiðablik segir m.a. að Eiríkur og Rannveig hafi flutt í sveitina fyrir tíu árum og síðan þá hafi þau ræktað lóð sína af mikilli eljusemi og hirt hana vel. Áður en þau tóku til við sína uppbyggingu og ræktun var þetta svæði einungis harður melur. Í dag er garðurinn þeirra vel hirtur, með fjölbreyttu gróðurúrvali og fallegri aðkomu.
Í umsögn dómnefndar um Jólagarðinn segir að hann hafi verið stofnaður árið 1995 og hafi vaxið og dafnað mikið síðan. Þangað komi árlega þúsundir gesta og því skapist töluvert álag á umhverfi staðarins. Umgengni hafi hins vegar verið til fyrirmyndar og megi efalítið þakka það eigendunum sem af mikilli eljusemi hafi unnið ötullega að uppbyggingu staðarins frá upphafi. Garðurinn sem umlykur Jólahúsið sjálft sé vel hirtur, þar eru bekkir sem hægt er að setjast á og njóta umhverfisins.
Nýjast
-
Einstök upplifun í Grobbholti
-Sauðfjárbúið á Húsavík sem dregur að sér hundruði gesta á hverju vori -
Gamla verslunin í Vaglaskógi jöfnuð við jörðu
„Það eiga margir góðar minningar um þessa verslun,“ segir Helen Jónsdóttir en gamla góða búðin í Vaglaskógi var jöfnuð við jörðu nýverið. Allt var tekið nema hellan fékk að vera og væntir Helen þess að eitthvað verði gert á staðnum. „Vonandi verður settur upp fallegur áningarstaður þarna, með borðum og bekkjum og jafnvel skilti sem greinir frá sögu verslunarinnar.“ -
Hamrastígur og Kirkjugarðsstígur Finnur ehf bauð lægst í stígagerðina
Gengið verður til samninga við lægstbjóðenda, Finn ehf í gerð tveggja stíga á Akureyri, Hamrastígs og Kirkjugarðsstígs, en fyrirtækið átti lægsta boð í bæði verkin. -
Alþjóðaflugvöllur á Akureyri verði byggður upp
Sveitarfélögin á Norðurlandi vestra og Norðurlandi eystra skora á ríkisstjórn Íslands og Alþingi að koma rekstri, uppbyggingu og markaðssetningu Akureyrarflugvallar fyrir hjá sérstakri stjórn eða félagi, sem hefur það að markmiði að alþjóðaflugvöllurinn sé byggður upp og kynntur sem ein af gáttum Íslands -
Grafalvarleg staða í rekstri PCC Bakka rædd í atvinnuveganefnd Alþingis.
Atvinnuveganefnd Alþingis hefur verið upplýst um grafalvarlega stöðu í rekstri PCC Bakka við Húsavík, þar sem stefnt gæti í rekstrarstöðvun undir lok sumars ef ekki tekst að snúa vörn í sókn. -
Listasafnið á Akureyri Nýjar sýningar opnaðar
Sýningar Heimis Hlöðverssonar, Samlífi, og Þóru Sigurðardóttur,Tími – Rými – Efni, verða opnaðar í Listasafninu á Akureyri á laugardag 17. maí kl. 15. Á opnunardegi verður leiðsögn með Heimi kl. 15.45. -
Orkey fyrst á Íslandi með sjálfbærni- vottaða framleiðslu á lífeldsneyti
Orkey hefur fengið alþjóðlega kolefnis- og sjálfbærnivottun, ISCC EU, á lífdísilframleiðslu sína á Akureyri fyrst fyrirtækja sem framleiða lífeldsneyti hérlendis. -
Heyrn er ekki munaður – hún er þátttaka
Það var ánægjulegt að sækja fund hjá Félagi eldri borgara á Akureyri (EBAK) síðastliðinn föstudag. Rétt rúmlega hundrað manns mættu – áhugasamir, upplýstir og málefnalegir. Þar skapaðist gott samtal um þau mál sem brenna mest á eldra fólki í dag. Ábendingar komu víða að og spurningarnar voru margar og skýrar. Það var sérstaklega áberandi að umræðan snerist ítrekað að sömu kjarnamálunum: skerðingum, lífeyrissjóðum en einnig að heilbrigðisþjónustu. -
Sundlaug Akureyrar lokuð 18.-22. maí – opið lengur í Glerárlaug 18. maí
Sundlaug Akureyrar verður lokuð dagana 18.-22. maí eða frá sunnudegi til fimmtudags í næstu viku.