ÍSÍ hlutist til um að gætt sé jafnræðis við úthlutun landsmóta
Stjórn Hestamannafélagsins Funa í Eyjafjarðarsveit hyggst ekki kæra til ÍSÍ þá ákvörðun stjórnar Landssambands hestamanna að setja landsmótin 2014 og 2016 niður á Hellu og Vindheimamelum í Skagafirði en Funi sótti um bæði mótin. Valur Ásmundsson formaður Funa segir hins vegar að félagið muni óska eftir því að ÍSÍ hlutist til um að gætt sé jafnræðis við úthlutun landsmóta.
Valur segir að það sé í gangi ákveðin hagsmunapólitík þegur kemur að því að ákveða landsmótsstað. Við höfum ekki blandað okkur í þá pólitík, heldur höfum við boðið fram okkar svæði en fáum alltaf á baukinn. Skíðalandsmót og ungmennafélagsmót eru dæmi um mót sem færð eru á milli landssvæða og okkur finnst að þannig eigi því einnig að vera farið með landsmót hestamanna og um það snýst okkar barátta. Við höfum orðið varir við mikil viðbrögð við okkar umsókn og fundið fyrir miklum stuðningi. Öll þessi umræða mun kalla á enn frekari viðbrögð. Þetta kerfi sem er í gangi er hvergi bundið í lög og þetta er mál sem þarf að skoða á næsta landsþingi.
Valur segir það er umhugsunarefni fyrir hestamenn á norðausturhorninu ef öllu því fjármagni sem ríkið setur í Landsmótsundirbúning er fyrst og fremst ráðstafað á tveimur svæðum sem eru síst betri en Melgerðismelar. Hann segir að Funi hafi mikinn áhuga á því að taka á móti þessum stóra viðburði sem landsmótið er. Þetta sé hins vegar hagsmunamál fyrir marga aðila á Norðurlandi. Við höfum engan áhuga á því að standa í slag við önnur hestamannafélög og svona togstreita þarf ekki að myndast af LH vinnur faglega og með hagsmuni allra hestamanna fyrir brjósti, án tillits til búsetu, sagði Valur.
Nýjast
-
Nýtt upphaf í fjölnýtingu jarðhitaafurða á Þeistareykjum
Nýja húsnæðið sem Landsvirkjun reisir verður á svokallaðri fjölnýtingarlóð milli skiljustöðvar og aflstöðvar Landsvirkjunar, og mun GeoSilica fá beinan aðgang að auðlindastraumum frá jarðvarmavinnslunni. -
Assgolli fínt! – Múmínkastalinn frægi tilbúinn
Múmínkastalinn í Ævintýralundi í Kjarnaskógi er tilbúinn. Ævintýraþyrst börn á öllum aldri velkomin að líta við. -
Myndlistarsýning: Fjallið Kerling séð frá Fujian héraði
Laugardaginn 5. júlí kl 18.00 opnar myndlistarmaðurinn Aðalsteinn Þórsson sýningu á nýjum verkum í Dyngjunni - listhúsi í Eyjafjarðarsveit -
Neistinn tendraður í Kveikjunni Norðlensk fyrirtæki sameinast um nýsköpun innan fyrirtækja að sænskri fyrirmynd
Upphafsviðburður Kveikjunnar á vegum Driftar EA fór fram á dögunum í Messanum við Ráðhústorg á Akureyri. Þar komu saman fulltrúar ellefu fyrirtækja úr fjölbreyttum greinum atvinnulífsins og hófu formlega þátttöku sína í verkefninu. -
Sparisjóðir sameinast
Stjórnir Sparisjóðs Höfðhverfinga hf. og Sparisjóðs Strandamanna hf. hafa undirritað samrunaáætlun um sameiningu sjóðanna en hún tekur mið af stöðu sjóðanna í upphafi árs. -
PWC styður áfram við bakið á Völsungi
PwC og Völsungur hafa skrifað undir áframhaldandi samstarfssamning sín á milli -
Vilja lóð undir iðnaðarmannaíbúðir
Hnjúkur efh. hefur óskað eftir að fá úthlutað eða leigða lóð á Akureyri til að reisa á iðnaðarmanníbúðir. -
Sótt um rekstur ölstofu í fyrrum apóteki
Sótt hefur verið um leyfi til reksturs ölstofu á neðstu hæð Hafnarstrætis 95 við göngugötuna á Akureyri. Þar hefur um árabil verið rekið apótek,m.a. Stjörnuapótek í eina tíð og síðar Apótekarinn, en því var lokað nú nýverið. -
Blood Harmony spilar á tónleikum á Minjasafninu í kvöld.
Blood Harmony er samstarfsverkefni systkinanna Arnar, Aspar og Bjarkar Eldjárn sem hófst snemma árs 2020 þegar heimsfaraldurinn skall á og sökum hans voru þau flutt í heimahagana fyrir norðan.
