Ímynd kennara nær hryðjuverkasamtökum en Hróa Hetti
Guðmundur Birkir Þorkelsson, skólameistari Framhaldsskólans á Húsavík, var ómyrkur í máli í ræðu sem hann flutti við skólaslit 17. júní sl. Hann fjallaði m.a. um kennaraverkfallið og gagnrýndi fyrrverandi stjórnvöld harðlega og leist ekki betur á núsitjandi ríkisstjórn. Hann sagði m.a. um kennaraverkfallið:
„Ég hef áður látið koma fram þá einlægu skoðun mína að skuldinni eigi að skella á leiðtoga þjóðarinnar, rískisstjórnina sem sýndi það í verki hvers hún mat starf kennara. Hún ætti og að hafa það breitt bak að hún geti borið slíka ábyrgð, en um það efast ég reyndar.
Og öllu meiri áhyggjum veldur það mér að þó ný ríkisstjórn sé tekin við völdum þá virðist ekkert hafa breyst í raunverulegri afstöðu hennar til kjaramála kennara. Því enn á að binda ákveðna lausa enda frá síðustu samningum og ríkisstjórnin er við sama heygarðshornið og allir frestir löngu útrunnir. Það er skelfilegt til þess að vita að slíkt ástand geti komið upp hvenær sem er á 1 til 2ja ára fresti og til þess má ég bara ekki hugsa.
Ég tel að við slíkar aðstæður verði kennarar að gefa frá sér verkfallsvopnið, enda er komið á daginn að það er ekkert vopn í höndum þeirra, það bítur ekki á viðsemjandanum, enda engin sjáanleg peningaleg verðmæti í hættu eins og gerist t.d hjá sjómönnum og starfsfólki flugfélaga.
Kennarar geta aldrei náð ímynd Hróa Hattar með því að beita verkfallsvopninu, miklu fremur verður það ímynd hryðjuverkasamtaka sem einskis svífast og láta sig litlu skipta þó saklausir bíði mest tjón af aðgerðum. Úrskurður gerðardóms getur enda aldrei verið óhagstæðari kennurum en núverandi ástand. Ég vona svo sannarlega að mer verði ágengt að afla þessum hugmyndum fylgis í röðum kennara.“ Sagði Guðmundur Birkir Þorkelsson.
-Víkurblaðið, 22. júní 1995
Nýjast
-
Orkey fyrst á Íslandi með sjálfbærni- vottaða framleiðslu á lífeldsneyti
Orkey hefur fengið alþjóðlega kolefnis- og sjálfbærnivottun, ISCC EU, á lífdísilframleiðslu sína á Akureyri fyrst fyrirtækja sem framleiða lífeldsneyti hérlendis. -
Heyrn er ekki munaður – hún er þátttaka
Það var ánægjulegt að sækja fund hjá Félagi eldri borgara á Akureyri (EBAK) síðastliðinn föstudag. Rétt rúmlega hundrað manns mættu – áhugasamir, upplýstir og málefnalegir. Þar skapaðist gott samtal um þau mál sem brenna mest á eldra fólki í dag. Ábendingar komu víða að og spurningarnar voru margar og skýrar. Það var sérstaklega áberandi að umræðan snerist ítrekað að sömu kjarnamálunum: skerðingum, lífeyrissjóðum en einnig að heilbrigðisþjónustu. -
Sundlaug Akureyrar lokuð 18.-22. maí – opið lengur í Glerárlaug 18. maí
Sundlaug Akureyrar verður lokuð dagana 18.-22. maí eða frá sunnudegi til fimmtudags í næstu viku. -
Byggingaréttur á lóðum á Torfunefsbryggju boðin út í maí
Byggingaréttur á tveimur lóðum við Torfunefsbryggju þar sem eru til staðar fimm byggingareitir verður boðin út nú síðar í maí. -
Sumarið er komið!
Þetta dásamlega veður sem landsmenn njóta er gleðiefni og er þá vægt tekið til orða, á heimasíðu Þingeyjarsveitar er þessari blíðu fagnað. -
Skýr og lausnamiðuð afstaða Framsóknar til veiðigjalda
Framsókn hefur tekið skýra og málefnalega afstöðu í umræðunni um veiðigjöld. Við styðjum heilshugar réttmæta kröfu samfélagsins um að sameiginleg sjávarauðlind þjóðarinnar skili arði sem gagnast samfélaginu öllu. Hins vegar skiptir máli hvernig það er gert. Óvönduð skattheimta getur skaðað atvinnulíf, dregið úr nýsköpun og veikt byggðir sem byggja afkomu sína á sjávarútvegi. -
Farsæld í brennidepli – öll eru velkomin! Sjónaukinn 2025
Í heimi þar sem hraði breytinga og flókin samfélagsmál eru daglegt brauð, skiptir máli að staldra við og beina sjónum að því sem skiptir mestu máli: farsæld fólks. Ráðstefnan Sjónaukinn 2025, sem haldin verður við Háskólann á Akureyri dagana 19. og 20. maí, leitast við að varpa ljósi á fjölbreyttar leiðir til að efla samfélagslega velferð og vellíðan. Undirtónn ráðstefnunnar er skýr: Við höfum öll hlutverki að gegna – og með samvinnu getum við skapað samfélag þar sem enginn er skilinn eftir. -
Vel heppnaður Súpufundur atvinnulífsins haldinn á Múlabergi
Í hádeginu í gær fór fram vel heppnaður Súpufundur atvinnulífsins á Múlabergi, Hótel KEA, þar sem stjórnendur um fimmtíu fyrirtækja og stofnana komu saman til að ræða framtíð atvinnulífsins á svæðinu. -
Ársfundur HSN Jákvæð þróun þrátt fyrir áskoranir í rekstri
Ársfundur Heilbrigðisstofnunar Norðurlands (HSN) fór fram í Hofi á Akureyri þriðjudaginn 13. maí 2025. Þar voru kynntar niðurstöður fyrir rekstrarárið 2024. Þrátt fyrir áskoranir í rekstri varð þó mjög jákvæð þróun í starfsemi, þjónustu og mannauðsmálum sem gefur tilefni til bjartsýni fram veginn.