Íbúar Grenilundar hjóla af krafti í alþjóðlegri keppni
Hópurinn sem keppti fyir hönd Grenilundar. Mynd/Grenivík.is
Íbúar Grenilundar tóku þátt í alþjóðlegu hjólakeppninni Road Worlds for Seniors sem fram fór í október. Keppnin er árleg og tengir saman hjúkrunarheimili og þjónustumiðstöðvar víðs vegar um heiminn með því markmiði að hvetja eldri borgara til hreyfingar, samkeppni og samveru. Greint er frá þessu á vef Grenivíkur.
,,Árangurinn í ár var frábær íbúar Grenilundar hjóluðu samanlagt 1.993 kílómetra á keppnistímabilinu! Þetta er stórglæsilegt afrek og endurspeglar mikinn áhuga, dugnað og samheldni okkar fólks hér á heimilinu," segir í tilkynningunni.
Þar segir jafnframt að Grenilundur hafi verið meðal 268 liða frá 13 löndum og endaði í 34. sæti í liðakeppninni sem er frábær árangur sérstaklega miðað við stærð heimilisins. Heildarfjöldi þátttakenda var 7.802.
Þá ber einnig að nefna að einn af öflugustu keppendum Grenilundar hjólaði heila 1.177 kílómetra og hafnaði í 15. sæti í karlaflokki á heimsvísu! ,,Slíkt afrek er sannarlega til eftirbreytni og hvatning fyrir alla," segir í tilkynningunni. Að keppninni lokinni voru afhentar viðurkenningar og rjómaterta með kaffinu.
,,Við erum afar stolt af öllum íbúum sem tóku þátt hvort sem það var með því að hjóla daglega, hvetja aðra eða skapa góða stemningu í kringum keppnina. Keppnin hefur sýnt hversu mikill kraftur, lífsgleði og keppnisskap býr á Grenilundi."
Fleiri myndir má skoða á vef Grenivíkur.
Nýjast
-
Tónleikar með Hymnodiu & Kammerkór Norðurlands í Akureyrarkrikju
Kór og orgel sameinast í hátíðlegum og ljóðrænum tónum í Akureyrarkirkju sunnudaginn 9. nóvember. Kórarnir Hymnodia og Kammerkór Norðurlands sameinast í söng undir stjórn Guðmundar Óla Gunnarssonar en Eyþór Ingi Jónsson mun spila á orgel. -
Álögur á heimili og fyrirtæki hafa aukist verulega á kjörtímabilinu
Það er hlutverk sveitarfélaga að tryggja sanngjarna skattlagningu sem endurspeglar raunverulega stöðu íbúa og atvinnulífs. -
Íbúar Grenilundar hjóla af krafti í alþjóðlegri keppni
Keppnin er árleg og tengir saman hjúkrunarheimili og þjónustumiðstöðvar víðs vegar um heiminn með því markmiði að hvetja eldri borgara til hreyfingar, samkeppni og samveru -
Skipulagsráð tekur jákvætt í að starfs- mannabústaðir rísi á athafnalóð
Erindi um hvort heimilt sé að nýta efri hæðir í húsi sem byggt verður á lóð við Baldursnes 11 fyrir rekstur starfsmannaíbúða til tímabundinnar búsetu, alls 28 íbúða hefur borist til skipulagsráðs Akureyrar. Lóðarhafi við Baldursnes er að því er fram kemur í erindinu öflugur verktaki á Akureyri „og hefur oft á tíðum mikla þörf vinnuafl sem ekki fyrirfinnst hér á Eyjafjarðarsvæðinu,“ eins og það er orðað. -
Sláturtíð lokið á Húsavík Aukning í haust vegna lokunar á Blönduósi
Sláturtíð lauk á Húsavík, 31 október s.l. og var alls 88.277 fjár slátrað að þessu sinni, 79.330 lömbum, 8.847 fullorðnum og 100 geitum. Þetta er samtals 2.580 fleira en var árið 2024. -
Akureyri er jólabærinn
Jólatorgið á Ráðhústorgi verður opnað laugardaginn 29. nóvember þegar ljósin á jólatrénu verða tendruð við hátíðlega athöfn. -
Engin ákvörðun um lóð við Norðurtanga
Skipulagsráð Akureyrar hefur hafnað erindi frá fyrirtækinu Ásco ehf sem sótti um iðnaðar- og athafnalóð undir starfsemi sína við Norðurtanga 7 á Akureyri. -
Litir lífs Myndlistarsýning Aðalsteins Þórssonar í Mjólkurbúðinni
Dagana 6. til 17. nóvember má sjá, inn um glugga Mjólkurbúðarinnar í Listagilinu á Akureyri, myndlistarmanninn Aðalstein Þórsson mála sjö málverk. -
Píanókvartettinn Negla heldur tónleika í Hofi
Píanókvartettinn Negla heldur tónleika í Hömrum í Menningarhúsinu Hofi sunnudaginn 9. nóvember kl 16.
