Spegill þjóðar – fréttamyndir Gunnars V. Andréssonar í 50 ár
Það er ekki á hverjum degi sem bæjarstjóri og borgarstjóri opna sýningu. Það gerist á Minjasafninu á Akureyri 19. febrúar kl. 16 þegar bæjarstjóri Akureyrar, Ásthildur Sturludóttir og borgarstjóri Reykjavíkur Heiða Björg Hilmisdóttir opna sýninguna Spegill þjóðar – fréttamyndir Gunnars V. Andréssonar í 50 ár.
Á sýningunni Spegill þjóðar birtast augnablik úr sögunni. Augnablik sem fest eru á filmu og um leið í þjóðarminnið af fréttaljósmyndaranum Gunnari V. Andréssyni á 50 ára ferli hans sem fréttaljósmyndara frá 1966 til 2018. Glöggir lesendur dagblaðanna Tímanns, Vísis, DV (Dagblaðinu Vísi), Fréttablaðsins eða fréttavefsins visir.is, kannast við skammstöfunina GVA undir myndefni miðlanna. Þessar myndir eru ómetanleg heimild um íslenskt þjóðlíf, sveipaðar tíðaranda hvers skeiðs fyrir og sýna glöggt breytingarnar sem urðu á íslensku samfélagi. Það er langur vegur á milli bóndans í Reykjavík að stíga með mjólkurbrúsana sína upp í strætó 1979 og mynda sem gefa innsýn inn í eftirmála efnahagshrunsins 2008.
Gunnar er blaðamaður án orða. Ávallt mættur þar sem eitthvað fréttnæmt var að gerast með frásagnargildi ljósmyndarinnar að leiðarljósi frekar en fagurfræðilegt gildi hennar. En í flestum myndum sínum tekst honum að tvinna þetta tvennt saman.
Sýningin er úrval mynda af sýningu Ljósmyndasafns Reykjavíkur, Samferðamaður. Til viðbótar var bætt við nokkrum myndum frá Akureyri eða sem snerta sérstaklega sögu þessa landshluta.
Hluti af sýningaropnun er ljósmyndafyrirlestur Gunnars og Sigmundar Ernis Rúnarssonar. Þeir félagar gáfu út á síðasta ári bókina Spegill þjóðar sem tilnefnd var til íslensku bókmenntaverðlaunanna. Í spjalli sínu fara þeir yfir valdar myndir úr ljósmyndasögu Gunnars.
Fyrirlesturinn hefst kl. 17.
Nýjast
-
Spegill þjóðar – fréttamyndir Gunnars V. Andréssonar í 50 ár
Það er ekki á hverjum degi sem bæjarstjóri og borgarstjóri opna sýningu. Það gerist á Minjasafninu á Akureyri 19. febrúar kl. 16 þegar bæjarstjóri Akureyrar, Ásthildur Sturludóttir og borgarstjóri Reykjavíkur Heiða Björg Hilmisdóttir opna sýninguna Spegill þjóðar – fréttamyndir Gunnars V. Andréssonar í 50 ár. -
Samningur um sleðabraut í Hlíðarfjalli
Akureyrarbær og Kambagil ehf. hafa undirritað samning um afnot af landi til reksturs sleðabrautar milli Hlíðarfjalls og Hálanda. -
Erla Björnsdóttir gegnir embætti forstjóra SAk. þar til nýr hefur verið skipaður
Í tilkynningu á vef stjórnarráðsins kemur fram að Erla Björnsdóttir, framkvæmdastjóri mannauðssviðs sjúkrahússins hafi verið skipuð í embætti forstjóra SAk þar til nýr forstjóri hefur verið skipaður. Staðan verður auglýst fljótlega en skipunartími forstjóra SAk rennur út 31 ágúst n.k. -
Hildigunnur Svavarsdóttir hætt sem forstjóri SAk!
Samkvæmt heimildum sem Vikublaðið treystir 100% tilkynnti Hildigunnur Svavarsdóttir forstjóri SAk í pósti til starfsmanna SAk nú skömmu eftir hádegið að hún hefði óskað eftir þvi við ráðherra að láta af störfum sem forstjóri SAk. frá og með deginum í dag. -
Óperusyngjandi örverufræðingurinn sem á heima hér og hvar og alls staðar
Vísindafólkið okkar er mánaðarleg kynning á rannsakendum. Oddur Þór Vilhelmsson, prófessor við Auðlindadeild, er vísindamanneskja febrúarmánaðar. -
Meirihlutinn skilaði auðu í stefnumörkun atvinnumála
Við lestur á mjög góðu viðtali við framkvæmdastjóra hér í bæ staldraði ég sérstaklega við þessi orð: „Ég væri þó til í að sjá meiri stefnumótun frá bæjaryfirvöldum um það hvernig við styrkjum atvinnulífið á svæðinu til framtíðar og vinnum að sameiginlegum hagsmunum.“ -
Bjarg íbúðafélag - opið fyrir umsóknir
Eins og áður hefur komið fram er Bjarg íbúðafélag að byggja 16 leiguíbúðir við Langamóa 1 og 3 í Móahverfi á Akureyri. Vakin er athygli á að nú er opið fyrir umsóknir í Langamóa 3 en úthlutanir munu hefjast eftir páska, í apríl 2026. -
Lífið, maður minn, lífið
Nýr dagur, nýir möguleikar. Verður dagurinn góður eða slæmur? Hver dagur er í okkar höndum og það er okkar að vinna sem best úr honum. Mörg smáatriði koma upp á hverjum degi og þau eru kannski svo smá að við áttum okkur ekki á því hvað þau eru mikilvæg. Nýr dagur býður upp á mörg tækifæri og það er í okkar höndum að gera hann góðan eða slæman. -
Er markaðurinn á Akureyri einnig að þróast í átt að kaupendamarkaði?
Húsnæðismál eru mér mjög hugleikin og ég hef gaman af því að fylgjast með umræðunni og stöðunni á markaðnum. Ég hef ítrekað varað við litlu framboði á nýju húsnæði við afgreiðslu á húsnæðisáætlunum síðustu ár enda hefur framboðið verið langt undir íbúðaþörf eins og sjá má á myndum úr húsnæðisáætlunum 2025 og 2026 og spyrja má hvort það hafi orðið til þess að sumir íbúar hafi einfaldlega flutt búsetu sína yfir sveitarfélagsmörkin.
