Hugurinn og hjartað er hjá börnum á Gaza
Ragnheiður Steindórsdóttir stjórnarmaður í Vonarbrú fékk heilablóðfall á Spáni milli jóla og nýjárs. Hún verður frá störfum á meðan endurhæfing stendur yfir en heitir á fólk að styðja félagið
Ragnheiður Steindórsdóttir stjórnarmaður í Vonarbrú fékk heilablóðfall á Spáni. Biðlar til fólks að styrkja félagið.
„Þetta sýnir best að hugur hennar og hjarta er hjá börnunum á Gaza,“ segir Kristín S. Bjarnadóttir hjúkrunarfræðingur í Sigluvík á Svalbarðsströnd sem ásamt eiginmanni sínum Birgi Haukssyni og Ragnheiði Steindórsdóttur eru í stjórn Vonarbrúar. Kristín vísar til þess að Ragnheiður fékk heilablóðfall í gönguferð á Spáni milli jóla og nýjárs. Hún lá á sjúkrahúsi í Malaga en var flutt heim til Íslands í vikunni þar sem fram undan er endurhæfing.
Ragnheiður náði á ótrúlegan hátt að bjarga sér, vakti athygli íbúa á svæðinu og fékk hjálp, en hún var ein á ferðinni þegar hún missti máttinn. Ragnheiður hefur látið sig varða málefni Palestínu varða og verið öflug í starfsemi Vonarbrúar frá því félagið var stofnað á páskadag, 20. apríl í fyrra.
Ragnheiður og Kristín styðja við þátttakendur í Reykjavíkurmaraþoni í fyrrasumar.
Kristín segir að samvinna þeirra Ragnheiðar hafi verð dýrmæt og góð það ár sem liðið er frá stofnun Vonarbrúar. „Þegar við hjónin ákváðum að stofna almennaheillafélagið Vonarbrú leituðum við til Ragnheiðar og báðum hana að koma með okkur í stjórn. Það var auðsótt mál og samstaf okkar hefur verið farsælt.“
Hetjudáð
Þegar Ragnheiður fékk heilablóðfallið var stjórnarfundur í Vonarbrú að hefjast með myndsímtali og segir Kristín að samvinnan hafi náð nýjum hæðum og vináttan dýpkað á meðan beðið var eftir sjúkrabíl. „Hún vann svo sannarlega hetjudáð þennan dag með aðdáunarverðri yfirvegun og rósemd, það var með ólíkindum,“ segir hún.
Ragnheiður greindi frá heilablóðfallinu fyrr í vikunni og kom þar fram að það myndi gleðja hana ef Vonarbrú fengi góð fjárframlög næstu vikurnar til að bæta upp fjarveru hennar, en eðlilega getur hún ekki sinnt því ómetanlega starfi við aðstoða barnafjölskyldna á Gaza meðan á endurhæfingu stendur.
„Ragnheiður var í persónulegu sambandi við fjölda fjölskyldna og veitti þeim mikla aðstoð, félags- og fjárhagslegan stuðning,“ segir Kristín.
Tugmilljónir hafa safnast
Tugir milljóna króna hafa safnast frá því starfsemin hófst og hefur allt runnið til stríðshrjáðra barnafjölskyldna. Kristín nefnir að áheit í Reykjavíkurmaraþoni á liðnu sumri hafi skilað um 5 milljónum króna. Grunnskólabörn í Hveragerði afhentu Vonarbrú 2 milljónir skömmu fyrir jól sem var afrakstur af góðgerðardegi í skólanum. „Við finnum mikinn velvilja í okkar garð og það er ómetanlegt,“ segir Kristín.
Helga Maren, yngsti nemandi skólans ásamt móður sinni - Matthea aðstoðarskólastjóri - Ragnheiður Steinsdórsdóttir frá Vonarbrú - Björgey, formaður nemendaráðs - Sævar Þór skólastjóri
Þeir sem vilja styrkja Vonarbrú geta lagt inn á þennan reikning: 0565-26-006379. Aur: @Vonarbru.
Nýjast
-
KEA og EBAK hefja samstarf um þróunarverkefni á íbúðamarkaði
KEA og EBAK – Félag eldri borgara á Akureyri, fyrir hönd óstofnaðs félags ÍBA 55+, hafa undirritað viljayfirlýsingu um samstarf um undirbúning og þróun íbúðakjarna fyrir fólk 55 ára og eldra á Akureyri. Markmið samstarfsins er að kanna forsendur fyrir uppbyggingu sjálfstæðs búsetuforms sem leggur áherslu á lífsgæði, gott aðgengi, sjálfbærni og sterk tengsl við nærsamfélagið. Verkefnið mun meðal annars byggja á hugmyndum um svokallaða lífsgæðakjarna og "íbúðir út lífið", þar sem íbúðir og sameiginleg rými styðja við virkt samfélag eldri borgara og gerir þeim kleift að búa á sínu heimili sem lengst. Gert er ráð fyrir að skipaður verði sameiginlegur undirbúningshópur sem vinni að greiningu á eftirspurn, greiðslugetu og búsetuþörfum, kanni mögulegar staðsetningar og eigi samtal við skipulagsyfirvöld. Niðurstöður þeirrar vinnu geta, ef forsendur reynast hagfelldar, leitt til stofnunar formlegs undirbúnings- og þróunarfélags sem taki til frekari þróunar og undirbúnings framkvæmda. -
Ágætis horfur fyrir sumarið en barátta við árstíðarsveiflur
„Það hefur verið vöxtur í ferðaþjónustu á svæðinu, ekki mjög ör en aukning og það er jákvætt. Millilandaflug beint til Akureyrar vegur þungt hvað þann vöxt varðar en fleiri þættir skipta einnig máli. Liðið ár kom alveg þokkaleg út, þrátt fyrir að blikur væru á lofti í byrjun þess og útlitið fyrir nýhafið ár eru ágætar,“ segir Halldór Óli Kjartansson starfandi framkvæmdastjóri Markaðsstofu Norðurlands. Nú í vikunni hefur staðið yfir stærsti viðburður íslenskrar ferðaþjónustu, Ferðaþjónustuvikan sem lauk með Mannamótum Markaðsstofa landshlutanna í gær, fimmtudag. -
Hugurinn og hjartað er hjá börnum á Gaza
Ragnheiður Steindórsdóttir stjórnarmaður í Vonarbrú fékk heilablóðfall á Spáni. Biðlar til fólks að styrkja félagið. -
Rúmlega 33 þúsund íbúar á Norðurlandi eystra
Alls voru íbúar á Akureyri 20.634 þann 1. janúar síðastliðinn samkvæmt upplýsingum á Þjóðskrá og hefur orðið nokkur fjölgun milli ára, en 1. desember árið 2024, fyrir 13 mánuðum voru þeir 20.050. -
„Mjög dýrmætt að raddir kvennanna sjálfra heyrist“
Gagnaöflun er nú lokið í samnorræna rannsóknarverkefninu Enhancing labour opportunities for Ukrainian women in rural Nordic communities, sem Rannsóknamiðstöð Háskólans á Akureyri leiðir. Verkefnið beinist að stöðu úkraínskra flóttakvenna á vinnumarkaði í dreifðari byggðum á Norðurlöndum. Að sögn Sæunnar Gísladóttur, sérfræðings hjá RHA, hefur verkefnið verið bæði lærdómsríkt og gefandi. Sæunn hefur unnið að verkefninu ásamt Mörtu Einarsdóttur, sérfræðingi hjá RHA. -
Einni milljón úthlutað til KAON úr minningarsjóð Baldvins
Einni milljón króna úthlutað til Krabbameinsfélags Akureyrar og nágrennis úr minningarsjóði Baldvins í dag, 15. janúar sem er afmælisdagur Baldvins. -
Berglind Ósk Guðmundsdóttir vill leiða lista Sjálfstæðisflokksins á Akureyri í sveitarstjórnarkosningunum næsta vor
Berglind Ósk Guðmundsdóttir, fyrrverandi alþingismaður, tilkynnti í morgun að hún gæfi kost á sér í oddvitasæti lista Sjálfstæðisflokksins í sveitarstjórnarkosningunum n.k vor. -
Úttekt gerð á skólum sveitarfélagsins
Nú er að hefjast vinna við úttekt á skólum Þingeyjarsveitar, bæði á faglegu starfi skólanna og rekstri þeirra með það að markmiði að skoða hvernig gera má gott skólastarf enn betra, skilvirkara og árangursríkara. -
Breiðir út fegurð íslensku sauðkindarinnar
Lambadagatal 2026 Ragnars Þorsteinssonar, sauðfjárbónda og ljósmyndara í Sýrnesi Aðaldal, er nú orðið 12 vetra og er afar vinsælt.
