Hnéskelin fór í tvennt í slysinu í Boganum í gær
Bergvin Jóhannsson nývaknaður eftir aðgerðina á Sjúkrahúsinu á Akureyri í dag.
Bergvin Jóhannsson, leikmaður 2. flokks Þórs í knattspyrnu, sem slasaðist í knattspyrnuleik gegn KA í Boganum í gær, gekkst hann undir aðgerð á fæti á Sjúkrahúsinu á Akureyri í dag. Eins og fram kom hér á vef Vikudags fyrr í dag, lenti Bergvin á stálbita í grind hússins, fyrir aftan annað markið og fékk við það mikið högg á fótinn. Hnéskelin fór í tvennt, auk þess sem það flísaðist biti úr henni en hann fékk ekki högg á höfuðið eins og sagt var í fyrri fréttinni. Í aðgerðinni þurfti að skrúfa hnéskelina saman með tveimur skrúfum og loka sárinu með átta sporum. Um algjört slys var að ræða. Bergvin bar sig vel þegar Vikudagur heyrði í honum í kvöld. Hann segir að aðgerðin hafi heppnast vel en hann mun dvelja á sjúkrahúsinu til morguns. Bergvin var að teygja sig eftir boltanum og reyna fyrirgjöf fyrir markið þegar hann fór út af vellinum á mikilli ferð og skall á stálbitanum með fyrrgreindum afleiðingum. Bergvin sagði að það hafi ekki hjálpað til að hafa verið á takkaskóm þegar hann skautaði yfir malbikskaflann sem tekur við þegar út af gervigrasinu er komið. Stoppa þurfti leikinn í 20 mínútur vegna slyssins en Bergvin var fluttur með sjúkrabifreið á Sjúkrahúsið á Akureyri. Hann segist mega fara að hreyfa sig eftir um 6 vikur, en ef ekki komi til kraftaverk, muni það taka sig um eitt ár að ná fullum bata. Það er því ljóst að Bergvin mun ekki leika knattspyrnu á komandi leiktíð en hann hafði einnig fengið tækifæri með meistaraflokki Þórs á undirbúningstímabilinu. Einnig var hann í æfingahópi U-17 ára landsliðsins, sem undirbýr sig fyrir leik í milliriðli EM í Skotlandi í næsta mánuði. Endanlegi landsliðshópurinn hefur ekki verið valinn, en hafi Bergvin átti þar möguleika, þá eru þeir úr sögunni að sinni. Bergvin á að baki leiki með U-17 ára landsliðinu en hann lék með Íslandi2 á Norðurlandamótinu sem haldið var á Akureyri sl. sumar. Þá fór hann með liðinu til Ísrael í október sl. en var varamaður í þeim leik.
Bergvin segir að nú sé ekki annað að gera en hvíla sig, reyna að ná fullum bata og koma enn sterkari til leiks á ný, þótt það verði ekki fyrr en á næsta ári. Hann huggar sig við að 2-0 sigur vannst gegn KA í leiknum í gær og sjálfur skoraði Bergvin seinna markið.
Nýjast
-
Þá er vorið loksins komið
Já vorið er sú árstíð sem ég elska mest. Sennilega er það líka ljótasta árstíðin. Allt skítugt, grasið gulbrúnt, tré og runnar berir. En svo breytist allt á augabragði. Og daginn sem sólgulur fífill brosir við mér, feit hunangsfluga flýgur framhjá, eða kónguló spásserar yfir borðið sem ég sit við, þá hellist þessi barnslega gleði og tilhlökkun vegna sumars sem er í vændum yfir mig. En besta vormerkið er án efa að það birtir. -
Íshokkí í aldarfjórðung 25 ár frá stofnun kvennaliðs SA í íshokkí
„Þetta er ein hraðasta íþrótt í heimi. Ég hef lýst henni á þann veg að leikmaður er í 100 metra hlaupi á fullum hraða, gefi allt í sprettinn, með 10-15 kg aukalega á sér ásamt því að tveir menn hangi á honum. Það þarf að huga að kylfu og hvar pökkurinn er auk þess sem farið er um á örmjóu blaði. Íshokkí reynir mjög mikið á leikmenn, þeir þurfa að vera í góðu formi, sterkir og hafa gott jafnvægi,“ segir Jónína Margrét Guðbjartsdóttir. Hún var ein af þeim konum sem tók þátt í að stofna kvennalið Skautafélags Akureyrar fyrir 25 árum og er enn að, spilar með og þjálfar að auki U16 kvenna hjá félaginu -
Einstök upplifun í Grobbholti
-Sauðfjárbúið á Húsavík sem dregur að sér hundruði gesta á hverju vori -
Gamla verslunin í Vaglaskógi jöfnuð við jörðu
„Það eiga margir góðar minningar um þessa verslun,“ segir Helen Jónsdóttir en gamla góða búðin í Vaglaskógi var jöfnuð við jörðu nýverið. Allt var tekið nema hellan fékk að vera og væntir Helen þess að eitthvað verði gert á staðnum. „Vonandi verður settur upp fallegur áningarstaður þarna, með borðum og bekkjum og jafnvel skilti sem greinir frá sögu verslunarinnar.“ -
Hamrastígur og Kirkjugarðsstígur Finnur ehf bauð lægst í stígagerðina
Gengið verður til samninga við lægstbjóðenda, Finn ehf í gerð tveggja stíga á Akureyri, Hamrastígs og Kirkjugarðsstígs, en fyrirtækið átti lægsta boð í bæði verkin. -
Alþjóðaflugvöllur á Akureyri verði byggður upp
Sveitarfélögin á Norðurlandi vestra og Norðurlandi eystra skora á ríkisstjórn Íslands og Alþingi að koma rekstri, uppbyggingu og markaðssetningu Akureyrarflugvallar fyrir hjá sérstakri stjórn eða félagi, sem hefur það að markmiði að alþjóðaflugvöllurinn sé byggður upp og kynntur sem ein af gáttum Íslands -
Grafalvarleg staða í rekstri PCC Bakka rædd í atvinnuveganefnd Alþingis.
Atvinnuveganefnd Alþingis hefur verið upplýst um grafalvarlega stöðu í rekstri PCC Bakka við Húsavík, þar sem stefnt gæti í rekstrarstöðvun undir lok sumars ef ekki tekst að snúa vörn í sókn. -
Listasafnið á Akureyri Nýjar sýningar opnaðar
Sýningar Heimis Hlöðverssonar, Samlífi, og Þóru Sigurðardóttur,Tími – Rými – Efni, verða opnaðar í Listasafninu á Akureyri á laugardag 17. maí kl. 15. Á opnunardegi verður leiðsögn með Heimi kl. 15.45. -
Orkey fyrst á Íslandi með sjálfbærni- vottaða framleiðslu á lífeldsneyti
Orkey hefur fengið alþjóðlega kolefnis- og sjálfbærnivottun, ISCC EU, á lífdísilframleiðslu sína á Akureyri fyrst fyrirtækja sem framleiða lífeldsneyti hérlendis.