Hljómsveitin Mánar frá Selfossi á Græna hattinum
Hljómsveitin Mánar frá Selfossi kemur fram tónleikum á Græna hattinum á Akureyri helgina 25. og 26. september nk. Hljómsveitin kom síðast fram á Akureyri fyrir tæpum 40 árum, í Dynheimum, sem þá kallaðist Lón en nú Rýmið. Haukur Tryggvason veitingamaður á Græna hattinum sá um ásamt félögum sínum að ráða Mána á dansleik í Lóni.
Mánar dustuðu af sér rykið síðast árið 2004 þegar þeir voru fengnir til að hita upp fyrir rokksveitina Deep Purple í Laugardalshöllinni og þar komu þeir síðast fram (fyrir utan nokkrar minni uppákomur). Prógrammið sem Mánarnir flytja á Græna hattinum samanstendur af gömlum rokkperlum frá áttunda áratugnum auk frumsamdra laga af plötum þeirra.
Meðlimir hljómsveitarinnar eru þeir sömu og fyrir 40 árum, en þeir eru: Ólafur Þórarinsson, Björn Þórarinsson, Guðmundur Benediktsson, Smári Kristjánsson og Ragnar Sigurjónsson. Auk þeirra koma fram tveir hálf-Mánar, þau Unnur Birna Björnsdóttir, fiðluleikari og söngkona (dóttir Bassa orgelleikara) og Björn (Bassi) Ólafsson, slagverksleikari (sonur Labba, söngvara og gítarleikara). Tónleikarnir hefjast kl. 22.00 bæði kvöldin, en húsið opnar kl 21.00.
Nýjast
-
Alþjóðaflugvöllur á Akureyri verði byggður upp
Sveitarfélögin á Norðurlandi vestra og Norðurlandi eystra skora á ríkisstjórn Íslands og Alþingi að koma rekstri, uppbyggingu og markaðssetningu Akureyrarflugvallar fyrir hjá sérstakri stjórn eða félagi, sem hefur það að markmiði að alþjóðaflugvöllurinn sé byggður upp og kynntur sem ein af gáttum Íslands -
Grafalvarleg staða í rekstri PCC Bakka rædd í atvinnuveganefnd Alþingis.
Atvinnuveganefnd Alþingis hefur verið upplýst um grafalvarlega stöðu í rekstri PCC Bakka við Húsavík, þar sem stefnt gæti í rekstrarstöðvun undir lok sumars ef ekki tekst að snúa vörn í sókn. -
Listasafnið á Akureyri Nýjar sýningar opnaðar
Sýningar Heimis Hlöðverssonar, Samlífi, og Þóru Sigurðardóttur,Tími – Rými – Efni, verða opnaðar í Listasafninu á Akureyri á laugardag 17. maí kl. 15. Á opnunardegi verður leiðsögn með Heimi kl. 15.45. -
Orkey fyrst á Íslandi með sjálfbærni- vottaða framleiðslu á lífeldsneyti
Orkey hefur fengið alþjóðlega kolefnis- og sjálfbærnivottun, ISCC EU, á lífdísilframleiðslu sína á Akureyri fyrst fyrirtækja sem framleiða lífeldsneyti hérlendis. -
Heyrn er ekki munaður – hún er þátttaka
Það var ánægjulegt að sækja fund hjá Félagi eldri borgara á Akureyri (EBAK) síðastliðinn föstudag. Rétt rúmlega hundrað manns mættu – áhugasamir, upplýstir og málefnalegir. Þar skapaðist gott samtal um þau mál sem brenna mest á eldra fólki í dag. Ábendingar komu víða að og spurningarnar voru margar og skýrar. Það var sérstaklega áberandi að umræðan snerist ítrekað að sömu kjarnamálunum: skerðingum, lífeyrissjóðum en einnig að heilbrigðisþjónustu. -
Sundlaug Akureyrar lokuð 18.-22. maí – opið lengur í Glerárlaug 18. maí
Sundlaug Akureyrar verður lokuð dagana 18.-22. maí eða frá sunnudegi til fimmtudags í næstu viku. -
Byggingaréttur á lóðum á Torfunefsbryggju boðin út í maí
Byggingaréttur á tveimur lóðum við Torfunefsbryggju þar sem eru til staðar fimm byggingareitir verður boðin út nú síðar í maí. -
Sumarið er komið!
Þetta dásamlega veður sem landsmenn njóta er gleðiefni og er þá vægt tekið til orða, á heimasíðu Þingeyjarsveitar er þessari blíðu fagnað. -
Skýr og lausnamiðuð afstaða Framsóknar til veiðigjalda
Framsókn hefur tekið skýra og málefnalega afstöðu í umræðunni um veiðigjöld. Við styðjum heilshugar réttmæta kröfu samfélagsins um að sameiginleg sjávarauðlind þjóðarinnar skili arði sem gagnast samfélaginu öllu. Hins vegar skiptir máli hvernig það er gert. Óvönduð skattheimta getur skaðað atvinnulíf, dregið úr nýsköpun og veikt byggðir sem byggja afkomu sína á sjávarútvegi.