Hjól atvinnulífsins eru farin að snúast eftir gott frí.
Snæfellið við bryggju í morgun. Myndir Facebooksíða Samherja
Hafist var handa í morgun við að landa úr Snæfelli EA 310, frystitogara Samherja, en skipið kom til hafnar á Akureyri í gærkvöldi.
Aflinn var um það bil 460 tonn og uppistaða hans var grálúða og gulllax, veiðiferðin tók réttan mánuð. Þaulvant löndunargengi sér um að koma afurðunum frá skipi í gáma til útflutnings.
Það er sem sagt líflegt við togarabryggjuna á Akureyri á fyrsta almenna vinnudegi eftir páskahátíðina.
Aflinn að mestu grálúða og gulllax
Sá sem póstar hér viðurkennir að hann hefur ekki hugmynd um það hvernig gulllax eða grálúða líta út og eitthvað segir mér að svo sé etv um marga aðra. Með hjálp frá Wikipedia, frjálsa alfræðiritinu má komast að þvi og ýmsu öðru reyndar.
Gulllax (fræðiheiti: Argentina silus) er fisktegund í Norður-Atlantshafi. Hann lifir á 100-1400 metra dýpi, yfirleitt miðsævis og á leir- og sandbotni. Hann hefur langan bol, stutta sterklega stirtlu og djúpsýldan sporð. Augun eru stór en kjafturinn lítill, hann hefur einn stuttan bakugga og veiðiugga á stirtlu. Gulllaxinn er gulllitaður á hliðunum, dökkur á baki og ljós á kviði. Hreistrið er mjög stórt en laust, og dettur því auðveldlega af þegar hann er veiddur í botnvörpu. Hann virðist því vera grár þegar hann hefur verið veiddur.
Aðalfæða gulllax eru helst smákrabbadýr eins og ljósáta og marflær en einnig pílormar, smokkfiskar, ýmsar marglyttu-, möttuldýra- kambhveljutegundir og smáfiskar.
Grálúða
Grálúða (fræðiheiti Reinhardtius hippoglossoides) er flatfiskur af flyðruætt. Grálúða hrygnir seinni hluta vetrar á hafsvæðinu milli Íslands og Grænlands. Eftir hrygningu heldur hluti stofnsins norður og austur fyrir Ísland í ætisleit. Grálúðan lifir aðallega á smáfiski og krabbadýrum og finnst oft á 350-1.600 m dýpi í köldum sjó. Aðalveiðisvæði grálúðu eru hins vegar djúpt úti af Vestfjörðum. Grálúða er aðallega veidd með botnvörpu. Erfitt er að aldursgreina aflann en grálúða er yfirleitt 1-4 kg á þyngd.
Grálúða við Austur-Grænland, Ísland og Færeyjar er talin vera sami stofninn.
Nýjast
-
Völsungar skipta um þjálfara
Patrick De Wilde, þjálfari karlaliðs Völsungs hefur látið af störfum -
Hjól atvinnulífsins eru farin að snúast eftir gott frí.
Hafist var handa í morgun við að landa úr Snæfelli EA 310, frystitogara Samherja, en skipið kom til hafnar á Akureyri í gærkvöldi. -
Vísindaskóli unga fólksins útskrifar sérfræðinga í sólmyrkva og lífi á Norðurslóðum
Opnað verður fyrir umsóknir í Vísindaskóla unga fólksins strax eftir páska. Vísindaskólinn fer fram dagana 22. til 26. júní og er þetta í tólfta skiptið sem skólinn er starfræktur fyrir börn á aldrinum 11-13 ára. Á síðasta ári hlaut skólinn viðurkenningu Rannís fyrir framúrskarandi vísindamiðlun. Að sögn framkvæmdaaðila skólans var þessi viðurkenning mikilvæg staðfesting á því að starfsemin skipti máli fyrir unga fólkið á svæðinu. -
RÍKISSTJÓRNIN KOMI HREINT FRAM Í EVRÓPUSAMBANDSMÁLINU – RÝNT Í LANDBÚNAÐINN
Ég held að í megindráttum sé flestum ljóst hvað sé að finna í pokahorni Evrópusambandsins; að aðild að sambandinu krefjist þess að umsóknarríki undirgangist laga- og regluverk ESB svo og dómsvald. Þar innan veggja er enda engin þörf á neinni bókun 35 til þess að tryggja innlendum dómstólum heilmild til þess að rýna í það hvar landamæri innlenda og evrópska dómsvaldsins liggi. Innandyra hjá ESB er einfaldlega valtað yfir öll þau ríki sem krefjast frávika og má þá þýskur stjórnlagadómstóll eða franska stjórnarskráin sín einskis eins og dæmin sanna. -
Flugvél í vandræðum og neyðarstig virkjað
Klukkan 16:00 í dag var flugslysaáætlun fyrir Akureyrarflugvöll virkjuð á neyðarstigi vegna einkaflugvélar sem var að taka á loft frá Akureyrarflugvelli og átti í vélarvandræðum. Um borð voru 11 einstaklingar en frá þessu segir í tilkynningu frá Lögreglunni á Norðurlandi eystra . -
„Ég er rosalega stolt af mér fyrir að hafa látið vaða“
Keppti á stóru Hyrox móti í Kaupmannahöfn -
Eyjafjarðarsveit - Nýr þjónustusamningur um mötuneyti Hrafnagilsskóla
Eyjafjarðarsveit og matreiðslumeistarinn Snæbjörn H. Kristjánsson hafa undirritað nýjan samning um matseld fyrir mötuneyti Hrafnagilsskóla í kjölfar opins útboðs. Snæbjörn hefur jafnframt hefur sinnt þjónustunni við gott orðspor undanfarin ár. Gildir nýr samningur fyrir tímabilið 2026–2029 með möguleika á framlengingu. -
Lokaorðið - Traustur vinur getur gert kraftaverk
Maður velur sér vini en ekki ættingja, sagði einhver, einhvern tímann, einhversstaðar. Það er margt til í því. Nú hef ég aldrei haft í hyggju að skipta út mínum ættingjum, þeir eru upp til hópa vandað fólk og flestir auk þess reglulega skemmtilegir. Ég á einnig marga góða og skemmtilega vini. Ég hef sankað þeim að mér á lífsins göngu. -
Hópur eldri sjómanna heimsótti þýskar hafnarborgir
„Þetta var dásamleg ferð í alla staði og gaf þeirri í fyrra ekki neitt eftir,“ segir Sigfús Ólafur Helgason einn af skipuleggjendum ferðar tæplega 40 eldri sjómanna til hafnarborganna Bremenhaven og Cuxhaven í Þýsklandi. Í fyrravetur heimsótti hópur sjómanna frá Akureyri hafnarborgirnar Hull og Grimsby í Bretlandi og var góður rómur gerður að. Næsta verður haldið til Færeyja í maí næstkomandi og verða þátttakendur um 40 talsins. Þá er þegar farið að leggja drög að ferð sjómanna til Aberdeen í Skotlandi.
