Lokaorðið Klukkan í sundlauginni
Tryggvi Gunnarsson á Lokaorðið i blaðinu s.l fimmtudag
Í síðasta pistli mínum skrifaði ég um innviðaskuldir og sviðsmyndir. Gekk sá pistill þó aðallega út á það hvert ég ætlaði að borga mína innviðaskuld. Komst ég að
þeirri niðurstöðu og er ég enn á þeirri skoðun að innviðaskuldin fer í mig sjálfan.
Að stunda sund hefur verið eitt af mínum morgunverkum undanfarin ár, frá því löngu áður en frostlyfting í kringum naflasvæðið hjá fór að myndast hjá mér. Að fara í sund, já
maður segist fara í sund, þó svo að maður syndi lítið sem ekkert og þar af leiðandi ræktar maður ekki líkamann í lauginni, en ég hef verið duglegur við að rækta málbeinið í pottunum. Þar er ég á heimavelli að mínu viti. Ég er þó ekki viss að allir séu mér sammála. En mér er alveg sama, ég er eins og ég er.
Í gegnum árin hef ég eignast góða vini sem mæta dag eftir dag til að rækta líkamann eða málbeinið, hvort tveggja er hollt. Vinskapurinn hefur þróast út í það að við höfum stofnað hjólahóp, borðum saman siginn fisk reglulega og ekki má gleyma hinu árlega þorrablóti. Þetta eru gæðastundir með góðum félögum. En að málimálanna, sundlauginni okkar,
þvílíkt mannvirki.
Eflaust skemmtilegasta sundlaug landsins. Rennibrautirnar eru þær vinsælustu á landinu, laugarnar sjálfar frábærar, heitu pottarnir ómótstæðilegir. Það er svo sjarmerandi að sitja í pottinum ræða heimsmálin, bæjarmálin, íþróttir, málefni unga fólksins,málefni eldri borgara, skipulagsmál, umhverfismál, gervihnetti og viðhald á sundlaug Akureyrar - og þá erum við einmitt kominn að máli málanna. Stafræna klukkan í sundlauginni er ekki rétt og hefur ekki verið það svo mánuðum skiptir. Ég hef oft spurt hvort ekki sé hægt að laga þetta. Jú það er ekkert mál, hún endurstillir sig þegar „gervihnötturinn” fer yfir laugina sagði einn starfsmaður við mig fyrir ári síðan. Jú vissulega hefur þetta lagast að hluta, tíminn
er kominn í lag en þegar þetta er skrifað þann 12. maí þá sýnir klukkan að það sé 26. september.Þetta vekur upp spurningar hjá mér, en það er þó aðallega ein spurning sem fer ekki úr hausnum á mér.
Er ekki hægt að enduræsa stafrænu klukkuna með því að slökkva og kveikja á henni eða er það framtíðin að bíða eftir gervihnettinum ?
Nýjast
-
Lokaorðið Klukkan í sundlauginni
Í síðasta pistli mínum skrifaði ég um innviðaskuldir og sviðsmyndir. Gekk sá pistill þó aðallega út á það hvert ég ætlaði að borga mína innviðaskuld. Komst ég aðþeirri niðurstöðu og er ég enn á þeirri skoðun að innviðaskuldin fer í mig sjálfan. -
Hlíðarskóli safnar fyrir barnadeild sjúkrahússins
Miðvikudagurinn 27. maí verður hið árlega góðgerðarhlaup Hlíðarskóla. Nemendur skólans hlaupa upp og niður heimreið skólans, eina 500 metra og snúa þar við. Hver ferð er því kílómeter og þeir hafa klukkutíma til að fara eins margar ferðir og þeir ge... -
Akureyrarbær og Grófin Nýr samstarfssamningur
Akureyrarbær og Grófin geðrækt hafa undirritað nýjan samstarfssamning um þjónustu Grófarinnar á Akureyri til ársloka 2028. -
Eyjafjarðarsveit Viðbyggingar gamla leikskólann fá nýjan tilgang
Undanfarnar vikur hefur staðið yfir undirbúningur á brottflutningi viðbygginga gamla leikskólans en því verki er nú lokið. -
Vel heppnuð ferð ,,Stellumanna" til Færeyja
,,Ég er orðlaus, en uppfullur af gleði og þakklæti yfir þeim móttökum sem við Stellusjómenn höfum fengið hér i Færeyjum og dagurinn i Klaksvik gleymist aldrei,” sagði Sigfús Helgason í samtali við vef Vikublaðsins í dag. -
Nýir stúdentagarðar við Norðurslóð boðnir út
„Þetta eru sannarlega mikil tímamót fyrir FÉSTA og háskólasamfélagið á Akureyri. Með þessum nýju stúdentagörðum við Norðurslóð er ekki aðeins verið að bæta við húsnæði, heldur skapa umhverfi sem styður betur við námsárangur, félagslíf og líðan nemenda til framtíðar. Verkefnið hefur frá upphafi verið hugsað með það að markmiði að byggja upp nútímalegt, hlýlegt og sjálfbært samfélag fyrir stúdenta, þar sem gæði húsnæðis og nærumhverfis skipta miklu máli,“ segir Jóhannes Baldur Guðmundsson framkvæmastjóri Félagsstofnunar stúdenta á Akureyri. -
Nýir eigendur taka við Fincafresh
„Við höfðum lengi verið aðdáendur að Fincafresh þannig að þegar tækifærið bauðst að taka við rekstrinum þurftum við ekki að hugsa okkur lengi um. Að okkar mati eru þetta langbestu ávextir á Íslandi og þeim til viðbótar er félagið með mikið af öðrum frábærum sælkeravörum sem notið hafa mikilla vinsælda, t.a.m. þurrkaða ávexti, granóla, ólífuolíur, súkkulaði, hunang og fleira segir Elís Orri Guðbjartsson sem ásamt Sigrúnu Birtu Kristinsdóttur eiginkonu sinni hefur tekið við rekstri Fincafresh. Hann er 33 ára gamall Akureyringur, hún þrítugur Vesturbæingur og saman eiga þau tvo stráka, eins og þriggja ára gamla. -
Tónasmiðjan býður til afmælisveislu
Tónasmiðjan heldur upp á 20 ára starfsafmæli annan í hvítasunnu, 25. maí á Fosshótel Húsavík. Vikublaðið ræddi við stofnanda Tónasmiðjunnar, Elvar Bragason en hann lofar sannkallaðri tónlistarveislu. Anna Soffía Halldórsdóttir mun þenja nikkuna en hún stofnaði Tónasmiðjuna ásamt Elvari á sínum tíma árið 2006 -
Nýr blóðbankabíll með heimastöð á Akureyri tekin í notkun
„Þetta hefur mjög mikla og jákvæða þýðingu fyrir okkur,“ segir Hanna Vigdís Jóhannesdóttir hjúkrunarfræðingur hjá Blóðbankanum á Akureyri, Nýr blóðbankabíll hefur verið tekin í notkun, heimastöð hans verður á Akureyri og var vel tekið á móti honum nú fyrr í vikunni. Bíllinn hlaut nafnið Björg. Hann verður á ferðinni vítt og breitt um Norðurland og gefur fólki kost á að gefa blóð á sínum heimaslóðum.
