Nýir stúdentagarðar við Norðurslóð boðnir út
Sannarlega mikil tímamót fyrir FÉSTA og háskólasamfélagið á Akureyri nú þegar búið er að bjóða út byggingu þriggja stúdentagarða við Norðurslóð. Myndir Aðsendar
„Þetta eru sannarlega mikil tímamót fyrir FÉSTA og háskólasamfélagið á Akureyri. Með þessum nýju stúdentagörðum við Norðurslóð er ekki aðeins verið að bæta við húsnæði, heldur skapa umhverfi sem styður betur við námsárangur, félagslíf og líðan nemenda til framtíðar. Verkefnið hefur frá upphafi verið hugsað með það að markmiði að byggja upp nútímalegt, hlýlegt og sjálfbært samfélag fyrir stúdenta, þar sem gæði húsnæðis og nærumhverfis skipta miklu máli,“ segir Jóhannes Baldur Guðmundsson framkvæmastjóri Félagsstofnunar stúdenta á Akureyri.
FÉSTA hefur óskað eftir tilboðum í byggingu nýrra stúdentagarða við Norðurslóð 3 -5 -7 á háskólasvæðinu á Akureyri Heildarstærð er um 6700 m2. Samtals eru 62 litlar íbúðir og 64 einstaklingsherbergi ásamt stoðrýmum og aðstöðu starfsfólks.
Mikill áhugi fyrir verkinu
„Mjög ánægjulegt er að sjá mjög mikinn áhuga verktaka á þessu verkefni og útboðinu og er ég spenntur fyrir því að sjá hver niðurstaða tilboðanna verða þegar þau verða opnuð í júní,“ segir Jóhannes en helstu verkþættir útboðsins eru jarðvinna, uppsteypa þriggja húsa upp á 4 til 5 hæðir sem og allur frágangur að utan sem innan auk lóðafrágangs.
Jóhannes segir að mikil ánægja ríki nú þegar hönnunarferlinu sé lokið og verkið komið á næsta stig.Samstarfið við Nordic Office of Architecture og aðra hönnuði hafi verið farsælt og niðurstaðan endurspegli bæði metnað og skýra framtíðarsýn fyrir stúdentahúsnæði á Akureyri.
Horfum ekki bara á fermetrana
„Eitt af því sem skiptir okkur miklu máli í þessu verkefni er að horfa ekki eingöngu á fermetrana sjálfa, heldur hvernig umhverfi við erum að skapa fyrir fólk sem er á mikilvægu tímabili í lífi sínu. Stúdentaárin snúast ekki bara um nám heldur líka um öryggi, samfélag, tengslamyndun og að hafa aðstöðu þar sem hægt er að einbeita sér að framtíðinni. Við lögðum áherslu á að hönnunin styðji við það markmið. Að húsnæðið verði hlýlegt, aðlaðandi og falli vel inn í umhverfið á Norðurslóð, á sama tíma og það uppfylli þær kröfur sem nútímastúdentar gera til húsnæðis og sameiginlegra rýma,“ segir Jóhannes.
Nýtt og öflugt stúdentasamfélag
Ég tel að góðir stúdentagarðar geti haft raunveruleg áhrif á líðan, félagslega þátttöku og jafnvel námsárangur nemenda. Þess vegna hefur verið lögð mikil áhersla á að verkefnið sé hugsað út frá mannlegum þörfum, ekki eingöngu tæknilegum kröfum. Það er mjög ánægjulegt að sjá verkefni sem þetta verða að veruleika og það er mikil tilhlökkun hjá FÉSTA að sjá nýtt og öflugt stúdentasamfélag rísa við Norðurslóð.
Nýjast
-
Nýir stúdentagarðar við Norðurslóð boðnir út
„Þetta eru sannarlega mikil tímamót fyrir FÉSTA og háskólasamfélagið á Akureyri. Með þessum nýju stúdentagörðum við Norðurslóð er ekki aðeins verið að bæta við húsnæði, heldur skapa umhverfi sem styður betur við námsárangur, félagslíf og líðan nemenda til framtíðar. Verkefnið hefur frá upphafi verið hugsað með það að markmiði að byggja upp nútímalegt, hlýlegt og sjálfbært samfélag fyrir stúdenta, þar sem gæði húsnæðis og nærumhverfis skipta miklu máli,“ segir Jóhannes Baldur Guðmundsson framkvæmastjóri Félagsstofnunar stúdenta á Akureyri. -
Nýir eigendur taka við Fincafresh
„Við höfðum lengi verið aðdáendur að Fincafresh þannig að þegar tækifærið bauðst að taka við rekstrinum þurftum við ekki að hugsa okkur lengi um. Að okkar mati eru þetta langbestu ávextir á Íslandi og þeim til viðbótar er félagið með mikið af öðrum frábærum sælkeravörum sem notið hafa mikilla vinsælda, t.a.m. þurrkaða ávexti, granóla, ólífuolíur, súkkulaði, hunang og fleira segir Elís Orri Guðbjartsson sem ásamt Sigrúnu Birtu Kristinsdóttur eiginkonu sinni hefur tekið við rekstri Fincafresh. Hann er 33 ára gamall Akureyringur, hún þrítugur Vesturbæingur og saman eiga þau tvo stráka, eins og þriggja ára gamla. -
Tónasmiðjan býður til afmælisveislu
Tónasmiðjan heldur upp á 20 ára starfsafmæli annan í hvítasunnu, 25. maí á Fosshótel Húsavík. Vikublaðið ræddi við stofnanda Tónasmiðjunnar, Elvar Bragason en hann lofar sannkallaðri tónlistarveislu. Anna Soffía Halldórsdóttir mun þenja nikkuna en hún stofnaði Tónasmiðjuna ásamt Elvari á sínum tíma árið 2006 -
Nýr blóðbankabíll með heimastöð á Akureyri tekin í notkun
„Þetta hefur mjög mikla og jákvæða þýðingu fyrir okkur,“ segir Hanna Vigdís Jóhannesdóttir hjúkrunarfræðingur hjá Blóðbankanum á Akureyri, Nýr blóðbankabíll hefur verið tekin í notkun, heimastöð hans verður á Akureyri og var vel tekið á móti honum nú fyrr í vikunni. Bíllinn hlaut nafnið Björg. Hann verður á ferðinni vítt og breitt um Norðurland og gefur fólki kost á að gefa blóð á sínum heimaslóðum. -
Ölduhverfi í Eyjafjarðarsveit Framkvæmdir á góðu skriði
Mynd er komin á framkvæmdir við Ölduhverfi. Efsta gatan sem sést á myndinni er Bogalda. Í þeirri götu eru fjögur raðhús, tíu einbýli og eitt fjórbýli. Þar fyrir neðan er gatan Suðuralda. Í þeirri götu eru raðhús á tveim hæðum, samtals 25 íbúðir. -
Orkuveitan og Sjóböðin Kauptilboð í allan hlutinn
Orkuveita Húsavíkur hefur fengið kauptilboð í hlut sinn í Sjóböðunum, en stjórn hafði áður ákveðið að kanna möguleika á sölu á hlut sínum. Orkuveitan á 13,79% hlut í Sjóböðunum og barst kauptilboðið í allan hlutinn. Stjórn Orkuveitu Húsavíkur samþykkti á fundi nýverið fyrirliggjandi tilboð með fyrirvara að ákvæði kaupsamningsins varðandi aðra sölu á hlutum í Sjóböðunum haldi. -
Zontaklúbbur Þórunnar hyrnu veitir styrk
Zontaklúbbur Þórunnar hyrnu styrkir nemendasjóð VMA um 500 þúsund krónu en upphæðinni er ætlað að styrkja efnaminni stúlkur/konur til kaupa á námsgögnum á skólaárinu 2026/2027. -
Að loknum kosningum - takk fyrir okkur!
Síðastliðinn laugardag greiddu 1.709 Akureyringar Samfylkingunni atkvæði sitt í kosningum til bæjarstjórnar næstu fjögur árin. Flokkurinn bætti við sig bæjarfulltrúa, fór úr einum slíkum í tvo milli kosninga og bætti við sig u.þ.b. 5% í fylgi. Við erum eini flokkurinn sem fyrir var á fleti í bæjarstjórn Akureyrar sem náði slíkum árangri. -
Kæra verðandi bæjarstjórn,
Takk fyrir síðast. Þegar þið komuð í heimsókn til okkar í Aðalstræti 14 í apríl fyrir kosningar áttum við mjög gott samtal um það hvernig bærinn gæti stutt betur við þolendur ofbeldis og þau samtök sem vinna með þeim. Eftir það samtal hefur þó eitt setið eftir hjá okkur sem við hefðum viljað ræða betur.
