Langþráður draumur Húsavíkinga að renna upp
Geir, Friðrik Marinó og Vilhjálmur við nýja bakaraofninn. Á myndina vantar Birgittu Bjarney sem hafði skroppið frá þegar blaðamann bar að garði. Mynd/epe.
Það kom heimafólki á Húsavík í opna skjöldu að morgni 30. september 2024 þegar það kom að læstum dyrum í Heimabakarí við Garðarsbraut. Í glugganum var miði þar sem tilkynnt var um varanlega lokun vegna rekstarörðuleika. Þá hafði bakarí verið rekið við Garðarsbraut í 100 ár.
Síðan þá hefur verið eins og eitthvað vanti á Húsavík enda Húsavíkingar vanir því að hafa bakarí sem er órjúfanlegur hluti af menningu bæjarins. Þessu var verslunar- og athafnakonan Birgitta Bjarney Svavarsdóttir sammála en ólíkt öðrum þá lét hún slag standa og gerði eitthvað í málunum sjálf ásamt eiginmanni sínum, Geir Ívarssyni og góðu fólki í kringum sig.
Tók málið í eigin hendur
Hún hafði áður fest kaup á húsæði Víkurrafs á Öskjureitnum og þar var fullkomið að opna Bakarí. Sl. mánuðir hafa verið á útopnu og nú glittir loks í ljósið við enda ganganna, komið er nafn á Bakaríið: Gilið Bakarí café enda við brún Búðarárgilsins og nú stendur til að opna dyrnar fyrir viðskiptavinum á morgun laugardag klukkan 12:00.
Blaðamaður Vikublaðsins leit við á þriðjudag áður en blaðið var sent í prentun en þar voru sveittir menn að leggja lokahönd á framkvæmdir.
Allt á útopnu
Geir sagði að það væru allar helstu innréttingar komnar á staðinn, hráefni væri komið í hús. Það væru aðeins smáatriði eftir en engu að síður ófá handtökin. Hann kvaðst þó bjartsýnn á að planið um að opna um helgina ætti hæglega að nást enda ætlar sú að verða raunin.
Þarna voru líka staddir þaulvanir bakarar, Vilhjálmur Sigmundsson sem sagðist ætla vera með svona af kantinum og Friðrik Marínó Ragnarsson bakarameistari. „Við komum til með að bjóða upp á spennandi nýjungar í bland við nostalgíu,“ segir Friðrik og bætir við að í könnun sem gerð var á samfélagsmiðlum á meðal Húsavíkinga hafi verið mikil eftirspurn eftir gamla góða kúmenhorninu. „Það þarf ekki alltaf að vera flókið til að vera gott,“ skaut Vilhjálmur þá inní og bætti við að Húsavíkingar kæmu til með að taka ástfóstri við nýja bakaríið enda væri ástríða í hverju handtaki.
Nýjast
-
Langþráður draumur Húsavíkinga að renna upp
Gilið bakarí opnar á morgun laugardag klukkan 12 -
Landssamband eldri borgara skorar á heilbrigðisráðherra að endurskoða að setja á komugjald
Landssamband eldri borgara mótmælir því harðlega að sett verði á komugjald í sjúkraþjálfun, eins og heilbrigðisráðherra hefur boðað frá 1. september næstkomandi. -
Þingiðn og Framsýn styðja við bakið á rafíþróttaaðstöðu í Fab Lab Húsavík
Í Fab Lab Húsavík er þessa dagana verið að ljúka uppsetningu á glæsilegri kennslu, hönnunar og rafíþróttaaðstöðu sem mun nýtast bæði til kennslu, þjálfunar og skapandi verkefna. Aðstaðan verður sameiginlegur vettvangur fyrir Borgarhólsskóla, Framhaldsskólann á Húsavík, íþróttafélagið Völsung, Fab Lab smiðjuna og almenning. -
Rúmlega 30 milljóna króna rannsóknarstyrkur til Háskólans á Akureyri
Háskólinn á Akureyri hefur hlotið um 200 þúsund evrur, jafnvirði um 30 milljóna króna, í alþjóðlegt rannsóknarverkefni innan Northern Periphery and Arctic (NPA) áætlunarinnar. Heildarfjármögnun verkefnisins nemur rúmlega 1 milljón evra. Rannsóknaraðilar frá Íslandi, Finnlandi og Írlandi vinna saman að þróun nýrra lausna sem eiga að bæta aðgengi að heilbrigðisþjónustu í dreifbýli og á norðurslóðum. -
Ný biðstæði leigubíla í miðbænum til reynslu
Skipulagsráð hefur samþykkt að gera tilraun með nýtt biðsvæði fyrir leigubíla í miðbæ Akureyrar. Tilraunin gildir til 1. október 2026 og er markmið hennar að bæta aðgengi að leigubílaþjónustu í miðbænum. -
„Besti bitinn“ sló í gegn í sumarbúðum fatlaðra
Sumarbúðir Íþróttasambands fatlaðra á Laugarvatni hafa verið starfræktar í fjóra áratugi og alla tíð notið mikilla vinsælda. Markmið sumarbúðanna er að bjóða fötluðum einstaklingum upp á skemmtilega samveru, hreyfingu, útivist og félagslíf í góðu og öruggu umhverfi. -
Svæði við Hrisalund verð skilgreint sem miðsvæði
Skipulagsráð Akureyrarbæjar leggur til að hafið verði formlegt ferli við breytingu á aðalskipulagi fyrir hluta Hrísalundarsvæðisins. Tillagan nær að lóðunum Hrísalundi 1, 3 og 5 og felur í sér að svæðið fái breytta landnotkun sem skapi aukin tækifæri til blandaðrar byggðar. -
Björgunarsveit kölluð út vegna strands við Húsavík
Í tilkynningu frá Björgunarsveitinni Garðari rétt í þessu kemur fram að sveitin hafi verið kölluð út þegar bátur strandaði á skeri rétt utan við Húsavík -
Skora á stjórnvöld að bregðast við vandanum á Kristnesi
„Við stefnum á að safna 5000 undirskriftum,“ segir María Pálsdóttir hælisstýra á Hælinu, setri um sögu berklanna en hún setti af stað undirskriftalista á dögunum vegna stöðunnar á Kristnesi. Þar er skorað á stjórnvöld að bjarga endurhæfingunni á Kristnesi með því að bregðast við án tafar og tryggja fjármagn til nauðsynlegs viðhalds og uppbyggingar á Kristnesi svo ekki þurfi að draga úr eða leggja niður starfsemina. Listinn er í gangi á island.is og hægt að rita undir áskorun til loka þessa mánaðar.
