Hlíðarskóli safnar fyrir barnadeild sjúkrahússins
Mynd tekin af heimasíðu Hlíðarskóla
Miðvikudagurinn 27. maí verður hið árlega góðgerðarhlaup Hlíðarskóla.
Nemendur skólans hlaupa upp og niður heimreið skólans, eina 500 metra og snúa þar við. Hver ferð er því kílómeter og þeir hafa klukkutíma til að fara eins margar ferðir og þeir geta gangandi eða hlaupandi.
Öllum er frjálst að styrkja þessa krakka og fá þá þannig til að leggja enn harðar að sér en þeir gera öllu jafna. Allir sem vilja leggja þeim lið er bent á að senda póst á skólastjórann, Valdimar, á e- mailið valdimar@akmennt.is og fá nánari upplýsingar.
Hægt er að heita á einstaka nemendur eða á nemendur í heild sinni.
Þetta er í fimmta skipti sem nemendur í Hlíðarskóla ákveða að leggja málefnum barna á Akureyri lið. Þeir hafa styrkt félag aðstandendur langveikra barna, krabbameinsfélag Akureyrar og nágrennis, ADHD samtökin í fyrra og fyrir tveimur árum fannst þeim vanta sárlega eitthvað fjölbreyttari leiktæki á skólalóðina og söfnuðu þá fyrir þeim.
Þetta er ótrúlega gott framtak hjá krökkunum og þeir bíða spenntir eftir þessu hlaupi á vorönninni.
Við hvetjum bæði fólk og fyrirtæki að leggja krökkunum lið. Þetta gefur þeim gríðarlega mikið.
Hlíðarskóli í Skjaldarvík, rétt utan Akureyrar, sérskóli fyrir nemendur sem þurfa annað námsumhverfi en almennir skólar bjóða upp á, ætlar enn eitt árið að standa fyrir góðgerðarhlaupi.
Þetta segir í tilkynningu
Nýjast
-
Lokaorðið Klukkan í sundlauginni
Í síðasta pistli mínum skrifaði ég um innviðaskuldir og sviðsmyndir. Gekk sá pistill þó aðallega út á það hvert ég ætlaði að borga mína innviðaskuld. Komst ég aðþeirri niðurstöðu og er ég enn á þeirri skoðun að innviðaskuldin fer í mig sjálfan. -
Hlíðarskóli safnar fyrir barnadeild sjúkrahússins
Miðvikudagurinn 27. maí verður hið árlega góðgerðarhlaup Hlíðarskóla. Nemendur skólans hlaupa upp og niður heimreið skólans, eina 500 metra og snúa þar við. Hver ferð er því kílómeter og þeir hafa klukkutíma til að fara eins margar ferðir og þeir ge... -
Akureyrarbær og Grófin Nýr samstarfssamningur
Akureyrarbær og Grófin geðrækt hafa undirritað nýjan samstarfssamning um þjónustu Grófarinnar á Akureyri til ársloka 2028. -
Eyjafjarðarsveit Viðbyggingar gamla leikskólann fá nýjan tilgang
Undanfarnar vikur hefur staðið yfir undirbúningur á brottflutningi viðbygginga gamla leikskólans en því verki er nú lokið. -
Vel heppnuð ferð ,,Stellumanna" til Færeyja
,,Ég er orðlaus, en uppfullur af gleði og þakklæti yfir þeim móttökum sem við Stellusjómenn höfum fengið hér i Færeyjum og dagurinn i Klaksvik gleymist aldrei,” sagði Sigfús Helgason í samtali við vef Vikublaðsins í dag. -
Nýir stúdentagarðar við Norðurslóð boðnir út
„Þetta eru sannarlega mikil tímamót fyrir FÉSTA og háskólasamfélagið á Akureyri. Með þessum nýju stúdentagörðum við Norðurslóð er ekki aðeins verið að bæta við húsnæði, heldur skapa umhverfi sem styður betur við námsárangur, félagslíf og líðan nemenda til framtíðar. Verkefnið hefur frá upphafi verið hugsað með það að markmiði að byggja upp nútímalegt, hlýlegt og sjálfbært samfélag fyrir stúdenta, þar sem gæði húsnæðis og nærumhverfis skipta miklu máli,“ segir Jóhannes Baldur Guðmundsson framkvæmastjóri Félagsstofnunar stúdenta á Akureyri. -
Nýir eigendur taka við Fincafresh
„Við höfðum lengi verið aðdáendur að Fincafresh þannig að þegar tækifærið bauðst að taka við rekstrinum þurftum við ekki að hugsa okkur lengi um. Að okkar mati eru þetta langbestu ávextir á Íslandi og þeim til viðbótar er félagið með mikið af öðrum frábærum sælkeravörum sem notið hafa mikilla vinsælda, t.a.m. þurrkaða ávexti, granóla, ólífuolíur, súkkulaði, hunang og fleira segir Elís Orri Guðbjartsson sem ásamt Sigrúnu Birtu Kristinsdóttur eiginkonu sinni hefur tekið við rekstri Fincafresh. Hann er 33 ára gamall Akureyringur, hún þrítugur Vesturbæingur og saman eiga þau tvo stráka, eins og þriggja ára gamla. -
Tónasmiðjan býður til afmælisveislu
Tónasmiðjan heldur upp á 20 ára starfsafmæli annan í hvítasunnu, 25. maí á Fosshótel Húsavík. Vikublaðið ræddi við stofnanda Tónasmiðjunnar, Elvar Bragason en hann lofar sannkallaðri tónlistarveislu. Anna Soffía Halldórsdóttir mun þenja nikkuna en hún stofnaði Tónasmiðjuna ásamt Elvari á sínum tíma árið 2006 -
Nýr blóðbankabíll með heimastöð á Akureyri tekin í notkun
„Þetta hefur mjög mikla og jákvæða þýðingu fyrir okkur,“ segir Hanna Vigdís Jóhannesdóttir hjúkrunarfræðingur hjá Blóðbankanum á Akureyri, Nýr blóðbankabíll hefur verið tekin í notkun, heimastöð hans verður á Akureyri og var vel tekið á móti honum nú fyrr í vikunni. Bíllinn hlaut nafnið Björg. Hann verður á ferðinni vítt og breitt um Norðurland og gefur fólki kost á að gefa blóð á sínum heimaslóðum.
