Nýir eigendur taka við Fincafresh
Markmiðið okkar er einfalt — við viljum gera góða upplifun enn betri, segja þau Elís Orri Guðbjartsson og Sigrún Birta Kristinsdóttir sem hafa tekið við rekstri Fincafresh.
„Við höfðum lengi verið aðdáendur að Fincafresh þannig að þegar tækifærið bauðst að taka við rekstrinum þurftum við ekki að hugsa okkur lengi um. Að okkar mati eru þetta langbestu ávextir á Íslandi og þeim til viðbótar er félagið með mikið af öðrum frábærum sælkeravörum sem notið hafa mikilla vinsælda, t.a.m. þurrkaða ávexti, granóla, ólífuolíur, súkkulaði, hunang og fleira segir Elís Orri Guðbjartsson sem ásamt Sigrúnu Birtu Kristinsdóttur eiginkonu sinni hefur tekið við rekstri Fincafresh. Hann er 33 ára gamall Akureyringur, hún þrítugur Vesturbæingur og saman eiga þau tvo stráka, eins og þriggja ára gamla.
Elís Orri segir að grunnur félagsins liggi í þeirri hugsjón að með því að versla beint af spænskum smábændum fáist bæði ferskari og gæðameiri ávexti en þekkist hérlendis. „Þegar ávextirnir berast viðskiptavinum okkar hafa aðeins liðið nokkrir dagar frá því að þeir voru handtíndir af trjánum í Andalúsíu. Þar sem við erum einungis með árstíðabundna ávexti breytist úrvalið svo jafnt og þétt yfir árið. Appelsínurnar eru t.d. að detta úr árstíð núna og plómur, ferskjur, nektarínur, mangó og kleinuhringjaferskjur að koma inn — tímabil sem okkur skilst að sé alltaf sérstaklega vinsælt.“
Auka úrval af sælkeravörum
Hann segir að félagið verði áfram rekið á þessum sama góða grunni og verslað verði við sömu smábændurna. Grunnreksturinn taki því ekki neinum breytingum, „en þó viljum við auka við úrvalið í sælkeravörunum og bæta þjónustuna,“ segir hann. Og nefnir að þau hafi strax fengið þónokkrar ábendingar frá viðskiptavinum um vörur sem þeir myndu vilja geta verslað af okkur. „Við tökum öllum ábendingum að sjálfsögðu fagnandi.“
„Eftir tæplega fjögur ár af blóð, svita, tárum og mjög, mjög, mjög mörgum ávöxtum höfum við Bessi og Bor ákveðið að segja staðar numið og afhenda öðrum keflið. Það sem byrjaði sem lítið samfélagsverkefni um að bjóða nágrönnum okkar og nærsveitungum ferska árstíðabundna ávexti hefur hefur heldur betur undið upp á sig og erum við með hundruði vikulega viðskiptavina nær alls staðar af á landinu í dag. Við erum stoltir af því sem við afrekuðum og bjuggum til. Fincafresh er fallegt samfélag einstaklinga og fyrirtækja sem vilja aðeins það besta,“ segja þeir Bessi og Bor, stofnendur Fincafresh. Elís Orri er með þeim á myndinni
Nýjast
-
Nýir stúdentagarðar við Norðurslóð boðnir út
„Þetta eru sannarlega mikil tímamót fyrir FÉSTA og háskólasamfélagið á Akureyri. Með þessum nýju stúdentagörðum við Norðurslóð er ekki aðeins verið að bæta við húsnæði, heldur skapa umhverfi sem styður betur við námsárangur, félagslíf og líðan nemenda til framtíðar. Verkefnið hefur frá upphafi verið hugsað með það að markmiði að byggja upp nútímalegt, hlýlegt og sjálfbært samfélag fyrir stúdenta, þar sem gæði húsnæðis og nærumhverfis skipta miklu máli,“ segir Jóhannes Baldur Guðmundsson framkvæmastjóri Félagsstofnunar stúdenta á Akureyri. -
Nýir eigendur taka við Fincafresh
„Við höfðum lengi verið aðdáendur að Fincafresh þannig að þegar tækifærið bauðst að taka við rekstrinum þurftum við ekki að hugsa okkur lengi um. Að okkar mati eru þetta langbestu ávextir á Íslandi og þeim til viðbótar er félagið með mikið af öðrum frábærum sælkeravörum sem notið hafa mikilla vinsælda, t.a.m. þurrkaða ávexti, granóla, ólífuolíur, súkkulaði, hunang og fleira segir Elís Orri Guðbjartsson sem ásamt Sigrúnu Birtu Kristinsdóttur eiginkonu sinni hefur tekið við rekstri Fincafresh. Hann er 33 ára gamall Akureyringur, hún þrítugur Vesturbæingur og saman eiga þau tvo stráka, eins og þriggja ára gamla. -
Tónasmiðjan býður til afmælisveislu
Tónasmiðjan heldur upp á 20 ára starfsafmæli annan í hvítasunnu, 25. maí á Fosshótel Húsavík. Vikublaðið ræddi við stofnanda Tónasmiðjunnar, Elvar Bragason en hann lofar sannkallaðri tónlistarveislu. Anna Soffía Halldórsdóttir mun þenja nikkuna en hún stofnaði Tónasmiðjuna ásamt Elvari á sínum tíma árið 2006 -
Nýr blóðbankabíll með heimastöð á Akureyri tekin í notkun
„Þetta hefur mjög mikla og jákvæða þýðingu fyrir okkur,“ segir Hanna Vigdís Jóhannesdóttir hjúkrunarfræðingur hjá Blóðbankanum á Akureyri, Nýr blóðbankabíll hefur verið tekin í notkun, heimastöð hans verður á Akureyri og var vel tekið á móti honum nú fyrr í vikunni. Bíllinn hlaut nafnið Björg. Hann verður á ferðinni vítt og breitt um Norðurland og gefur fólki kost á að gefa blóð á sínum heimaslóðum. -
Ölduhverfi í Eyjafjarðarsveit Framkvæmdir á góðu skriði
Mynd er komin á framkvæmdir við Ölduhverfi. Efsta gatan sem sést á myndinni er Bogalda. Í þeirri götu eru fjögur raðhús, tíu einbýli og eitt fjórbýli. Þar fyrir neðan er gatan Suðuralda. Í þeirri götu eru raðhús á tveim hæðum, samtals 25 íbúðir. -
Orkuveitan og Sjóböðin Kauptilboð í allan hlutinn
Orkuveita Húsavíkur hefur fengið kauptilboð í hlut sinn í Sjóböðunum, en stjórn hafði áður ákveðið að kanna möguleika á sölu á hlut sínum. Orkuveitan á 13,79% hlut í Sjóböðunum og barst kauptilboðið í allan hlutinn. Stjórn Orkuveitu Húsavíkur samþykkti á fundi nýverið fyrirliggjandi tilboð með fyrirvara að ákvæði kaupsamningsins varðandi aðra sölu á hlutum í Sjóböðunum haldi. -
Zontaklúbbur Þórunnar hyrnu veitir styrk
Zontaklúbbur Þórunnar hyrnu styrkir nemendasjóð VMA um 500 þúsund krónu en upphæðinni er ætlað að styrkja efnaminni stúlkur/konur til kaupa á námsgögnum á skólaárinu 2026/2027. -
Að loknum kosningum - takk fyrir okkur!
Síðastliðinn laugardag greiddu 1.709 Akureyringar Samfylkingunni atkvæði sitt í kosningum til bæjarstjórnar næstu fjögur árin. Flokkurinn bætti við sig bæjarfulltrúa, fór úr einum slíkum í tvo milli kosninga og bætti við sig u.þ.b. 5% í fylgi. Við erum eini flokkurinn sem fyrir var á fleti í bæjarstjórn Akureyrar sem náði slíkum árangri. -
Kæra verðandi bæjarstjórn,
Takk fyrir síðast. Þegar þið komuð í heimsókn til okkar í Aðalstræti 14 í apríl fyrir kosningar áttum við mjög gott samtal um það hvernig bærinn gæti stutt betur við þolendur ofbeldis og þau samtök sem vinna með þeim. Eftir það samtal hefur þó eitt setið eftir hjá okkur sem við hefðum viljað ræða betur.
