Heppnin
Dýrleif Skjóldal átti Lokaorðið í blaðinu s.l sunnudag
Ég er ein af þeim heppnu í þessu lífi. Fædd á besta stað í heimi og hef búið þar megnið af mínu lífi. Ég var svo heppin að fá leyfi frá foreldrum mínum að fara sem skiptinemi ef ég gæti borgað það sjálf. Það kostaði 2 milljónir. Þá bara hætti ég eftir prófin í janúar í MA og fór að vinna á ÙA og með allri vinnu sem gafst var ég búin að safna 2.2 milljónum àður en ég fór af stað. Ferðin greidd og ég klár í ævintýrið.
Að fara ein út í heim, til að búa hjá ókunnugu fólki í eitt ár og ganga í skóla þar sem talað var mál sem maður skildi ekki var áskorun sem ég var meira en til í.
Mér var úthlutað fjölskyldu í Steinkjer í Noregi. Hún samanstóð af mömmu Grete, pabba Sören, Kari systur og Pål bróður. Fjölskylda sem var mjög ólík minni eigin, en gott fólk sem lifði lífi í föstum skorðum. Ég gekk í framhaldsskólann þar og var á málabraut í bekk 1.1. Heppni mín sá meðal annars til þess að norsku kennarinn minn var giftur Íslendingi og þau bjuggu í húsinu á móti okkur. Árið 1980 var ekki til Norsk-ìslensk orðabók, og því varð ég að notast við dansk-ìslenska við norskunámið. Þegar allt um þraut í þýðingu gat ég skottast yfir götuna og leitað hjálpar.
Með Kari systur eignaðist ég góðar vinkonur og krökkunum í bekknum var ég fljót að kynnast.
Og síðan eru liðin 45 ár!
Alla tíð síðan höfum við haldið vináttunni gangandi. Alla tíð síðan hef ég litið svo á að ég eigi fjölskyldu og nána vini í Noregi. Og ég hef reynt að gera mitt til að gefa öðrum unglingnum kost á slíku ævintýri með því að opna mitt heimili og hjarta fyrir skiptinemum víðs vegar að. Af þeim öllum hef ég lært mikið, bæði þegar vel og illa gengur.
Ég hvet ykkur sem eruð með laust rúm til bjóða nema pláss í ykkar fjölskyldu. Ég hvet alla unglinga á aldrinum 16-18 ára að fara sem skiptinema. Ekkert nám sem þið farið í hér heima mun þroska ykkur meira á einu ári.
Verið hugrökk, opnið hug ykkar og hjarta. Opnið heimili ykkar eins og Sören og Grete gerðu fyrir mig forðum. Sören lést fyrir mörgum árum og Grete í síðustu viku. Ég er og verð þeim ævinlega þakklát.
Blessuð sé minning þeirra!
Dilla
Nýjast
-
Heppnin
Ég er ein af þeim heppnu í þessu lífi. Fædd á besta stað í heimi og hef búið þar megnið af mínu lífi. Ég var svo heppin að fá leyfi frá foreldrum mínum að fara sem skiptinemi ef ég gæti borgað það sjálf. Það kostaði 2 milljónir. Þá bara hætti ég eftir prófin í janúar í MA og fór að vinna á ÙA og með allri vinnu sem gafst var ég búin að safna 2.2 milljónum àður en ég fór af stað. Ferðin greidd og ég klár í ævintýrið. -
Vilja lítinn sparkvöll í Hrísey
„Við teljum að sparkvöllur muni bæta aðstöðu til útivistar og hreyfingar fyrir börn og íbúa eyjarinnar,“ segir í erindi frá Ungmennafélaginu Narfa til hverfisráðs Hríseyjar. Á fundi félagsins fyrr á árinu var ákveðið að setja efst á stefnuskrá að koma upp litlum sparkvelli á svæði ofan við íþróttamiðstöðina. -
M – Listi Samfélagsins í Norðurþingi lagður fram
Framboðslisti M – Lista Samfélagsins í Norðurþingi var samþykktur 15. mars 2026. Listinn er settur fram með það að markmiði að sameina öflugt og reynslumikið fólk úr ólíkum áttum samfélagsins til að vinna að hagsmunum íbúa sveitarfélagsins, eins og segir í tilkynningu framboðinu. -
Elísa Kristinsdóttir UFA/Fjallahlaupaþjálfun með glæsilegan sigur í 75 km utanvegahlaupi
Íslenska hlaupakonan Elísa Kristinsdóttir sem keppir fyrir UFA/Fjallahlaupaþjálfun náði í dag stórkostlegum árangri þegar hún sigraði í 75 km utanvegahlaupinu Chanti Ultra Trail 75 með yfirburðum. Elísa kom í mark heilum níu mínútum á undan einni fremstu utanvegahlaupakonu heims, Judith Wyder, sem fyrirfram var talin sigurstranglegust í hlaupinu. Með frammistöðu sinni setti Elísa jafnframt nýtt brautarmet og bætti fyrra met um tæpar 40 mínútur – sem telst gríðarleg bæting á jafn krefjandi braut. -
Skemmtilegast að skapa eitthvað nýtt og sjá hvað aðrir skapa úr því
„Það skemmtilegasta og besta við að lita garn er að skapa eitthvað nýtt og einstakt og sjá í framhaldinu hvað aðrir hafa skapað úr því. Viðskiptavinirnir eru duglegir að sýna mér þær flíkur sem þeir skapa og ég elska það,“ segir Salóme Sigurðardóttir eigandi verslunarinnar Dottir Garnverslun við Tryggvabraut 22 á Akureyri. Þar stundar hún einnig handlitun á garni undir nafninu Dottir Dyeworks. Slagorðið er handlituð hamingja. Verslunin var opnuð í byrjun október og gengur vel. „Það er góður stígandi hjá okkur og alltaf aukning á milli mánaða sem lofar góðu.“ -
Örverur koma til hjálpar við niðurbrot á plasti
Í meistaraverkefni sínu við Auðlindadeild rannsakaði Radek niðurbrot á plasti með örverum úr íslenskum jarðvegi. Helstu niðurstöður rannsóknarinnar geta haft víðtæk áhrif og hafa vakið athygli innanlands og á alþjóðavísu enda notkun örvera í niðurbroti á plasti talin ein af mikilvægustu lausnunum við ört vaxandi plastmengunarvanda heimsins. Nýjustu niðurstöður verkefnisins bárust vorið 2025 og hafa verið samþykktar til birtingar í alþjóðlega vísindatímaritinu Frontiers sem er stórt skref hvað varðar alþjóðlega viðurkenningu á niðurstöðunum. -
Uppfært. Stabat mater samloka og Sjö orð Krists á krossinum Tónleikunum er frestað vegna ófærðar s.l. daga
Eins og ekki hefur farið framhjá fólk hefur verið ríkjandi ótíð s.l daga sem hefur mikil áhrif á samgöngur og þvi miður er það svo að fyrirhuguðum tónleikum sem halda átti í dag sunnudag hefur verið frestað. Vel var látið af fyrstu tónleikum Tónlistarfélags Akureyrar á árinu, en þeir fóru fram í Akureyrarkirkju sunnudaginn 15. mars. Um var að ræða flutning á verkinu Stabat mater (Móðirin stóð) eftir Giovanni Battista Pergolesi (1710-1736). . Verkið var flutt af strengjasveit. Um 80 manns mættu í kirkjuna og hlýddu á flutninginn. -
Spörum okkur ekki til óbóta
Hefði uppbygging íþróttamannvirkja verið skipulögð með þeim hætti sem hefur verið gert ef við hefðum verið í meirihluta á kjörtímabilinu? Nei. Var frekari uppbygging löngu tímabær? Já, tvímælalaust. Uppbygging íþróttamannvirkja má aldrei ráðast af skammtímahugsun eða hálfkáki. Hún verður þvert á móti að byggja á skýrri framtíðarsýn. Líta þarf á heildarmyndina frá upphafi: Hvernig eiga íþróttamannvirki í eigu Akureyrarbæjar að nýtast komandi kynslóðum? Hvaða starfsemi á að fara fram í hverju húsi? Hver á að bera ábyrgð á daglegum rekstri þeirra? Bærinn sjálfur verður því að gegna virku hlutverki þegar kemur að þarfagreiningu og stefnumótun fyrir slíka uppbyggingu, þó vissulega í nánu samráði við íþróttahreyfinguna. -
„Það er svo mikilvægt að rækta mennskuna í okkur“
-Segir Ingunn St. Svavarsdóttir – Yst, listamaður Norðurþings en hún stendur fyrir opnun á sýningarþrennu Allt er þá þrennt er um helgina
