Hélt að við gætum loksins gert Glerárdalinn að fólkvangi
Ennfremur segir í bréfi Ingimars. "Ég verð að segja að mér finnst þetta með ólíkindum! Hélt að almennt væru flestir bæjarbúar sammála um, að nú þegar við getum loksins lagað sárið í mynni dalsins, gætum við loksins gert dalinn að fólkvangi, eins og lengi hefur verið stefnt að. Svæðið sem ætlað er undir lón er árgilið ofan við verndarsvæðið (Glerárgil eða Glerárgljúfur), er svæði sem hefur sem betur fer sloppið við alla röskun. Virkjun og uppstöðulón á þessu svæði myndi raska þessu svæði verulega, draga úr gildi þess sem útivistarsvæði auk þess að hafa áhrif á þann hluta Glerárgils sem þegar nýtur verndunar. Ávinningurinn af þessari framkvæmd er hins vegar óverulegur, talað um að með því að fórna þessu svæði fengjum við rafmagn sem dugar 15% af núverandi rafmagnsnotkun Akureyrar. Ég hef ástæðu til að efast um hagkvæmni þessarar virkjunar, sérstaklega ef umhverfiskostnaður verður tekinn með í reikninginn. Við verðum að horfa fram á veginn og hætta að taka lítt hugsaðar ákvarðanir sem varða framtíð afkomenda okkar. Út frá öryggissjónarmiði finnst mér þetta umhugsunarvert, að staðsetja uppistöðulón fyrir ofan bæinn. Ég minni á að stífla Djúpadalsvirkjunar Fallorku gaf sig í desember 2006 og litlu munaði að manntjón yrði í því flóði. Ég hef engar forsendur til að ætla að slíkt geti ekki gerst aftur!"
Ingimar sendir jafnframt niðurstöður starfshóps sem hann átti sæti í árið 2004 varðandi framtíðarskipulag Glerárdals. "Vil að lokum skora á ykkur að hugsa þetta mál vandlega. Að mínu mati hníga öll rök að því að hafna þessu. Við erum að tala um óverulega rafmagnsframleiðslu en mikla röskun á óröskuðu umhverfi."
Í niðurstöðum starfshópsins kemur m.a. fram að allt það svæði sem geti talist vera uppland Akureyrar: Hlíðarfjall, Glerárdalur, Súlumýrar og nærsvæði, sem nú eru nýtt til ýmissa hluta, þurfi að skoða sem heild. Ennfremur að svæðið verði lýst fólkvangur og að strax verði hafist handa við deiliskipulag þess. Skipulagið miðist við að nýting svæðisins verði sjálfbær, þannig að hún takmarki ekki möguleika komandi kynslóða á að nýta svæðið eins og nú er hægt að gera.
Nýjast
-
Byggingaréttur á lóðum á Torfunefsbryggju boðin út í maí
Byggingaréttur á tveimur lóðum við Torfunefsbryggju þar sem eru til staðar fimm byggingareitir verður boðin út nú síðar í maí. -
Sumarið er komið!
Þetta dásamlega veður sem landsmenn njóta er gleðiefni og er þá vægt tekið til orða, á heimasíðu Þingeyjarsveitar er þessari blíðu fagnað. -
Skýr og lausnamiðuð afstaða Framsóknar til veiðigjalda
Framsókn hefur tekið skýra og málefnalega afstöðu í umræðunni um veiðigjöld. Við styðjum heilshugar réttmæta kröfu samfélagsins um að sameiginleg sjávarauðlind þjóðarinnar skili arði sem gagnast samfélaginu öllu. Hins vegar skiptir máli hvernig það er gert. Óvönduð skattheimta getur skaðað atvinnulíf, dregið úr nýsköpun og veikt byggðir sem byggja afkomu sína á sjávarútvegi. -
Farsæld í brennidepli – öll eru velkomin! Sjónaukinn 2025
Í heimi þar sem hraði breytinga og flókin samfélagsmál eru daglegt brauð, skiptir máli að staldra við og beina sjónum að því sem skiptir mestu máli: farsæld fólks. Ráðstefnan Sjónaukinn 2025, sem haldin verður við Háskólann á Akureyri dagana 19. og 20. maí, leitast við að varpa ljósi á fjölbreyttar leiðir til að efla samfélagslega velferð og vellíðan. Undirtónn ráðstefnunnar er skýr: Við höfum öll hlutverki að gegna – og með samvinnu getum við skapað samfélag þar sem enginn er skilinn eftir. -
Vel heppnaður Súpufundur atvinnulífsins haldinn á Múlabergi
Í hádeginu í gær fór fram vel heppnaður Súpufundur atvinnulífsins á Múlabergi, Hótel KEA, þar sem stjórnendur um fimmtíu fyrirtækja og stofnana komu saman til að ræða framtíð atvinnulífsins á svæðinu. -
Ársfundur HSN Jákvæð þróun þrátt fyrir áskoranir í rekstri
Ársfundur Heilbrigðisstofnunar Norðurlands (HSN) fór fram í Hofi á Akureyri þriðjudaginn 13. maí 2025. Þar voru kynntar niðurstöður fyrir rekstrarárið 2024. Þrátt fyrir áskoranir í rekstri varð þó mjög jákvæð þróun í starfsemi, þjónustu og mannauðsmálum sem gefur tilefni til bjartsýni fram veginn. -
Auðlindirnar í þjóðareign.
Margir biðu spenntir eftir því að Alþingi tæki til starfa eftir páskafrí þingmanna og ég var þeirra á meðal. Á dagskrá þingsins voru hugmyndir um að hækka talsvert skatta sem lagðir eru á sjávarútveginn umfram aðra atvinnuvegi. Mér fannst þetta áhugaverð hugmynd og hlakkaði til að hlusta á upplýsandi umræðu um auðlindir og auðlindanýtingu. Ég kom mér því notalega fyrir við sjónvarpsskjáinn áður en Silfrið byrjaði í sjónvarpi Ríkisútvarpsins fyrsta mánudag eftir frí þingmanna. -
Fimm tilboð í göngubrú
Fimm tilboð bárust í byggingu á nýrri steinsteyptri göngubrú í götustæði Borgarbrautar, auk stígagerðar að aðliggjandi stígum, uppsetningu á grjótkörfum, stoðveggjum og uppsetningu á lýsingu. -
Feðgar útskrifast með stúdentspróf
Upp er runninn síðasti kennsludagur þessarar vorannar 2025. Í mörg horn hefur verið að líta síðustu daga fyrir bæði kennara og nemendur enda þarf að ljúka við hin ýmsu verkefni og einnig eru próf í mörgum námsáföngum. Fram undan eru námsmatsdagar og punkturinn verður síðan settur yfir i-ið með brautskráningu í Menningarhúsinu Hofi laugardaginn 24. maí.