Handverkskonur á Húsavík á hrakhólum með húsnæði
Stöllur í Kaðlín, þær Sigrún, Hugrún, Svanhvít, Begga, Guðrún, Elín Jónasdóttir og Elín Kjartansdóttir. Mynd: JS
Það fer hver að verða síðastur að heimsækja handverkskonurnar í Kaðlín í höfuðstöðvum þeirra í Pakkhúsinu við Sölku á Húsavík, því þær fara þaðan út um áramótin. Eigandi hússins, Börkur Emilsson veitingamaður, hyggst nota rýmið í annað og þær Kaðlínarkonur hafa því verið á höttunum eftir nýju húsnæði í bænum síðustu vikurnar.
Kaðlín verður opin fyrir jólin og til áramóta og þar er örugglega að finna flottustu jólagjafirnar í öllum bænum og er sjón sögu ríkari.
„Við sjáum að sjálfsögðu eftir þessu fína húsnæði, en hér höfum við verið frá árinu 2001. Við erum á besta stað í bænum og sjálft húsið er eins og sniðið fyrir okkur, þannig að það verður erfitt að finna eitthvað sambærilegt.“ Segja þær. Og hafa sem sagt leitað dyrum og dyngjum en árangurslaust, því allt húsnæði sem ekki er í notkun er frátekið fyrir ferðaþjónustu af einhverju tagi.
En sem betur fer er búið að redda sumrinu en þá er aðalvertíðin í sölu á handverki. Bærinn hljóp þar undir bagga og skýtur skjólshúsi undir Kaðlín á neðri hæð Samkomuhússins frá 1. maí og út september. Hvað þá tekur við liggur svo ekki fyrir.
Þær stöllur hafa samt ekki lagt árar í bát og beina þeim tilmælum til fólks sem veit af heppilegu húsnæði að hafa endilega samband. Og að sjálfsögðu hvöttu þær Þingeyinga til að líta við í Pakkhúsinu þessa síðustu daga Kaðlínar þar. JS
Nýjast
-
Gamla verslunin í Vaglaskógi jöfnuð við jörðu
„Það eiga margir góðar minningar um þessa verslun,“ segir Helen Jónsdóttir en gamla góða búðin í Vaglaskógi var jöfnuð við jörðu nýverið. Allt var tekið nema hellan fékk að vera og væntir Helen þess að eitthvað verði gert á staðnum. „Vonandi verður settur upp fallegur áningarstaður þarna, með borðum og bekkjum og jafnvel skilti sem greinir frá sögu verslunarinnar.“ -
Hamrastígur og Kirkjugarðsstígur Finnur ehf bauð lægst í stígagerðina
Gengið verður til samninga við lægstbjóðenda, Finn ehf í gerð tveggja stíga á Akureyri, Hamrastígs og Kirkjugarðsstígs, en fyrirtækið átti lægsta boð í bæði verkin. -
Alþjóðaflugvöllur á Akureyri verði byggður upp
Sveitarfélögin á Norðurlandi vestra og Norðurlandi eystra skora á ríkisstjórn Íslands og Alþingi að koma rekstri, uppbyggingu og markaðssetningu Akureyrarflugvallar fyrir hjá sérstakri stjórn eða félagi, sem hefur það að markmiði að alþjóðaflugvöllurinn sé byggður upp og kynntur sem ein af gáttum Íslands -
Grafalvarleg staða í rekstri PCC Bakka rædd í atvinnuveganefnd Alþingis.
Atvinnuveganefnd Alþingis hefur verið upplýst um grafalvarlega stöðu í rekstri PCC Bakka við Húsavík, þar sem stefnt gæti í rekstrarstöðvun undir lok sumars ef ekki tekst að snúa vörn í sókn. -
Listasafnið á Akureyri Nýjar sýningar opnaðar
Sýningar Heimis Hlöðverssonar, Samlífi, og Þóru Sigurðardóttur,Tími – Rými – Efni, verða opnaðar í Listasafninu á Akureyri á laugardag 17. maí kl. 15. Á opnunardegi verður leiðsögn með Heimi kl. 15.45. -
Orkey fyrst á Íslandi með sjálfbærni- vottaða framleiðslu á lífeldsneyti
Orkey hefur fengið alþjóðlega kolefnis- og sjálfbærnivottun, ISCC EU, á lífdísilframleiðslu sína á Akureyri fyrst fyrirtækja sem framleiða lífeldsneyti hérlendis. -
Heyrn er ekki munaður – hún er þátttaka
Það var ánægjulegt að sækja fund hjá Félagi eldri borgara á Akureyri (EBAK) síðastliðinn föstudag. Rétt rúmlega hundrað manns mættu – áhugasamir, upplýstir og málefnalegir. Þar skapaðist gott samtal um þau mál sem brenna mest á eldra fólki í dag. Ábendingar komu víða að og spurningarnar voru margar og skýrar. Það var sérstaklega áberandi að umræðan snerist ítrekað að sömu kjarnamálunum: skerðingum, lífeyrissjóðum en einnig að heilbrigðisþjónustu. -
Sundlaug Akureyrar lokuð 18.-22. maí – opið lengur í Glerárlaug 18. maí
Sundlaug Akureyrar verður lokuð dagana 18.-22. maí eða frá sunnudegi til fimmtudags í næstu viku. -
Byggingaréttur á lóðum á Torfunefsbryggju boðin út í maí
Byggingaréttur á tveimur lóðum við Torfunefsbryggju þar sem eru til staðar fimm byggingareitir verður boðin út nú síðar í maí.