Hallbjörn ráðinn verkefnastjóri vegna stækkunar Könnunarsafnsins
Hallbjörn Þórsson verkefnastjóri fyrir framan Cape Hotel á Húsavík. Mynd: epe
Hallbjörn Þórsson hefur verið ráðinn verkefnisstjóri vegna fyrirhugaðrar stækkunar Könnunarsafnsins á Húsavík.
Stefnt er að opnun nýrrar viðbyggingar safnsins árið 2019, en þá verða 50 ár frá því að menn tóku sín fyrstu skref á tunglinu. Aðal sýningarmunur hinnar nýju byggingar verður eftirlíking í fullri stærð af tunglferjunni sem Neil Armstrong og Buzz Aldrin lentu á tunglinu árið 1969.
Einnig verður þar vísindasýning fyrir börn og kvikmynda- og fyrirlestrarsalur. Þá verður í nýju byggingunni sýning um landkönnuðinn Vilhjálm Stefánsson, en sú sýning er unnin í samstarfi við Stofnun Vilhjálms Stefánssonar á Akureyri og The Explorers Club í New York.
Hallbjörn hefur starfað um árabil í ferða- og veitingageiranum, m.a. sem kokkur á veitingahúsinu Fjörunni á Húsavík. hjá Sel-Hóteli við Mývatn og hjá Fosshótel á Húsavík. Á árunum 2000 til 2007 rak hann þrjá veitingastaði í Færeyjum. Sambýliskona hans er Helena Eydís Ingólfsdóttir verkefnisstjóri hjá Þekkingarneti Þingeyinga.
Fjármögnun verkefnisins er nú í gangi og er þegar búið að tryggja rúmlega þriðjung hennar. Stefnt er að því að hefja framkvæmdir í byrjun næsta árs en tunglfarinn Charlie Duke mun taka fyrstu skólflustunguna ásamt skólabörnum úr Þingeyjarsýslum, þegar hann heimsækir safnið í sumar.
Nýjast
-
Alþjóðaflugvöllur á Akureyri verði byggður upp
Sveitarfélögin á Norðurlandi vestra og Norðurlandi eystra skora á ríkisstjórn Íslands og Alþingi að koma rekstri, uppbyggingu og markaðssetningu Akureyrarflugvallar fyrir hjá sérstakri stjórn eða félagi, sem hefur það að markmiði að alþjóðaflugvöllurinn sé byggður upp og kynntur sem ein af gáttum Íslands -
Grafalvarleg staða í rekstri PCC Bakka rædd í atvinnuveganefnd Alþingis.
Atvinnuveganefnd Alþingis hefur verið upplýst um grafalvarlega stöðu í rekstri PCC Bakka við Húsavík, þar sem stefnt gæti í rekstrarstöðvun undir lok sumars ef ekki tekst að snúa vörn í sókn. -
Listasafnið á Akureyri Nýjar sýningar opnaðar
Sýningar Heimis Hlöðverssonar, Samlífi, og Þóru Sigurðardóttur,Tími – Rými – Efni, verða opnaðar í Listasafninu á Akureyri á laugardag 17. maí kl. 15. Á opnunardegi verður leiðsögn með Heimi kl. 15.45. -
Orkey fyrst á Íslandi með sjálfbærni- vottaða framleiðslu á lífeldsneyti
Orkey hefur fengið alþjóðlega kolefnis- og sjálfbærnivottun, ISCC EU, á lífdísilframleiðslu sína á Akureyri fyrst fyrirtækja sem framleiða lífeldsneyti hérlendis. -
Heyrn er ekki munaður – hún er þátttaka
Það var ánægjulegt að sækja fund hjá Félagi eldri borgara á Akureyri (EBAK) síðastliðinn föstudag. Rétt rúmlega hundrað manns mættu – áhugasamir, upplýstir og málefnalegir. Þar skapaðist gott samtal um þau mál sem brenna mest á eldra fólki í dag. Ábendingar komu víða að og spurningarnar voru margar og skýrar. Það var sérstaklega áberandi að umræðan snerist ítrekað að sömu kjarnamálunum: skerðingum, lífeyrissjóðum en einnig að heilbrigðisþjónustu. -
Sundlaug Akureyrar lokuð 18.-22. maí – opið lengur í Glerárlaug 18. maí
Sundlaug Akureyrar verður lokuð dagana 18.-22. maí eða frá sunnudegi til fimmtudags í næstu viku. -
Byggingaréttur á lóðum á Torfunefsbryggju boðin út í maí
Byggingaréttur á tveimur lóðum við Torfunefsbryggju þar sem eru til staðar fimm byggingareitir verður boðin út nú síðar í maí. -
Sumarið er komið!
Þetta dásamlega veður sem landsmenn njóta er gleðiefni og er þá vægt tekið til orða, á heimasíðu Þingeyjarsveitar er þessari blíðu fagnað. -
Skýr og lausnamiðuð afstaða Framsóknar til veiðigjalda
Framsókn hefur tekið skýra og málefnalega afstöðu í umræðunni um veiðigjöld. Við styðjum heilshugar réttmæta kröfu samfélagsins um að sameiginleg sjávarauðlind þjóðarinnar skili arði sem gagnast samfélaginu öllu. Hins vegar skiptir máli hvernig það er gert. Óvönduð skattheimta getur skaðað atvinnulíf, dregið úr nýsköpun og veikt byggðir sem byggja afkomu sína á sjávarútvegi.