Guðmundur og Karítas fá Hvatningarverðlaunin 2017
Guðmundur og Karítas frá Reykjum í Fnjóskadal. Mynd/atthing.is
Hvatningarverðlaun Atvinnuþróunarfélags Þingeyinga í ár voru veitt þeim hjónum á Reykjum í Fnjóskadal, Guðmundi Hafsteinsyni og Karítas Jóhannesdóttur í tengslum við aðalfund félagsins sem fram fór að Stórutjörnum í gær. Þetta er í sextánda sinn sem verðlaunin eru veitt en það var fyrst gert í tengslum við aðalfund félagsins árið 2002. Þetta kemur fram í tilkynningu á heimasíðu félagsins.
„Þau Guðmundur og Karítas hafa stofnuðu nýbýlið Reyki II í Fnjóskadal 1966 og hafa búið þar síðan, fyrst með vinnu utan bús og hefðbundinn búskap og fljótlega einnig garðrækt og þá rófur og gulrætur. Gulrrótaræktin tók fljótlega yfir og fer fram í upphituðum görðum þar sem lagnakerfi hefur verið sett undir yfirborðið líkt og við þekkjum í snjóbræðsluskerfum. Eins og við vitum er á Reykjum að finna jarðhita sem hefur með þessum hugvitsamlegum hætti verið nýttur við ræktunina í þessum heitu görðum. Varan hefur verið vinsæl af neytendum í gegnum árin enda um að ræða hreina náttúruafurð sem laus er við þá fjölþættu efnanotkun sem víða tíðkast í ræktun erlendis.
Og enn standa yfir framkvæmdir og nýsköpun á Reykjum. Á síðasta ári hófu þau framleiðslu á jarðarberjum í gróðurhúsi og stefna á tvær uppskerur á ári. Hér er um að ræða vöru sem, líkt og gulræturnar, er framleidd við náttúrulegar aðstæður og laus við alla efnanotkun.
En þó að blessaður jarðhitinn sé til staðar þarf á Reykjum að glíma við ýmsar hindranir í ræktunarstarfinu. Þannig þarf að takast á við miklar frosthörkur – langt inní Fnjóskadal – einnig getur hvesst þar hressilega, svo ekki sé minnst á fannfergi. Þetta óblíða veðurfar minnti heldur betur á sig haustið 2012 með tilheyrandi tjóni á uppskeru.
Það þarf því útsjónarsemi og þrautseigju til að stunda það ræktunarstarf sem þau hjón standa fyrir. Þá er ótalið það mótlæti sem íslensk framleiðsla mætir oft hjá stóru markaðsaðilunum á matvörumarkaðnum, sem oft virðast frekar vilja flytja inn vöru af misjöfnum gæðum – oft án þess að hún sé ódýrari – en að bjóða viðskiptavinum sínum upp á vöru sem þeir vita hvaðan kemur og hvernig verður til.
Það er því full ástæða til að óska þeim hjónum til hamingju með það sem þau hafa áorkað og jafnframt óska þess að þau haldi ótrauð áfram – enda á besta aldri – því þannig er líklegra að sá sem tekur við keflinu þegar þau hafa lokið sínum spretti skili góðu verki áfram,“ segir í umsögn um verðlaunahafana.
Nýjast
-
Sundlaug Akureyrar lokuð 18.-22. maí – opið lengur í Glerárlaug 18. maí
Sundlaug Akureyrar verður lokuð dagana 18.-22. maí eða frá sunnudegi til fimmtudags í næstu viku. -
Byggingaréttur á lóðum á Torfunefsbryggju boðin út í maí
Byggingaréttur á tveimur lóðum við Torfunefsbryggju þar sem eru til staðar fimm byggingareitir verður boðin út nú síðar í maí. -
Sumarið er komið!
Þetta dásamlega veður sem landsmenn njóta er gleðiefni og er þá vægt tekið til orða, á heimasíðu Þingeyjarsveitar er þessari blíðu fagnað. -
Skýr og lausnamiðuð afstaða Framsóknar til veiðigjalda
Framsókn hefur tekið skýra og málefnalega afstöðu í umræðunni um veiðigjöld. Við styðjum heilshugar réttmæta kröfu samfélagsins um að sameiginleg sjávarauðlind þjóðarinnar skili arði sem gagnast samfélaginu öllu. Hins vegar skiptir máli hvernig það er gert. Óvönduð skattheimta getur skaðað atvinnulíf, dregið úr nýsköpun og veikt byggðir sem byggja afkomu sína á sjávarútvegi. -
Farsæld í brennidepli – öll eru velkomin! Sjónaukinn 2025
Í heimi þar sem hraði breytinga og flókin samfélagsmál eru daglegt brauð, skiptir máli að staldra við og beina sjónum að því sem skiptir mestu máli: farsæld fólks. Ráðstefnan Sjónaukinn 2025, sem haldin verður við Háskólann á Akureyri dagana 19. og 20. maí, leitast við að varpa ljósi á fjölbreyttar leiðir til að efla samfélagslega velferð og vellíðan. Undirtónn ráðstefnunnar er skýr: Við höfum öll hlutverki að gegna – og með samvinnu getum við skapað samfélag þar sem enginn er skilinn eftir. -
Vel heppnaður Súpufundur atvinnulífsins haldinn á Múlabergi
Í hádeginu í gær fór fram vel heppnaður Súpufundur atvinnulífsins á Múlabergi, Hótel KEA, þar sem stjórnendur um fimmtíu fyrirtækja og stofnana komu saman til að ræða framtíð atvinnulífsins á svæðinu. -
Ársfundur HSN Jákvæð þróun þrátt fyrir áskoranir í rekstri
Ársfundur Heilbrigðisstofnunar Norðurlands (HSN) fór fram í Hofi á Akureyri þriðjudaginn 13. maí 2025. Þar voru kynntar niðurstöður fyrir rekstrarárið 2024. Þrátt fyrir áskoranir í rekstri varð þó mjög jákvæð þróun í starfsemi, þjónustu og mannauðsmálum sem gefur tilefni til bjartsýni fram veginn. -
Auðlindirnar í þjóðareign.
Margir biðu spenntir eftir því að Alþingi tæki til starfa eftir páskafrí þingmanna og ég var þeirra á meðal. Á dagskrá þingsins voru hugmyndir um að hækka talsvert skatta sem lagðir eru á sjávarútveginn umfram aðra atvinnuvegi. Mér fannst þetta áhugaverð hugmynd og hlakkaði til að hlusta á upplýsandi umræðu um auðlindir og auðlindanýtingu. Ég kom mér því notalega fyrir við sjónvarpsskjáinn áður en Silfrið byrjaði í sjónvarpi Ríkisútvarpsins fyrsta mánudag eftir frí þingmanna. -
Fimm tilboð í göngubrú
Fimm tilboð bárust í byggingu á nýrri steinsteyptri göngubrú í götustæði Borgarbrautar, auk stígagerðar að aðliggjandi stígum, uppsetningu á grjótkörfum, stoðveggjum og uppsetningu á lýsingu.