Grænmetislasagne og skyrkaka
Anna Rósa Magnúsdóttir er hér mætt með girnilegar uppskriftir í matarkrók vikunnar. Ég ætla að bjóða upp á uppskrift af grænmetislasagne sem ég hef nýlega eignast og varð strax einn af mínum uppáhaldsréttum. Ég bauð upp á þennan rétt í matarboði fyrir stuttu og þá var haft á orði að þetta væri með því betra sem gestir höfðu smakkað. Ekki láta hugfallast þó að uppskriftin sé löng en þetta er mjög einfalt í framkvæmd. Í eftirrétt ætla ég að bjóða upp á skyrköku með appelsínuhlaupi en eftir allt þetta grænmeti hlýtur að vera í lagi að leyfa sér smá, segir Anna Rósa.
Grænmetislasagne með ostrusósu, engiferi og kókos
3 msk. olía
1 kg blandað grænmeti, skorið í bita t.d. laukur, paprika, blómkál, spergilkál, baunir, kúrbítur, gulrætur, sætar kartöflur eða hvað sem hver vill
lasagneblöð
ostur
kókosflögur
Ostrusósa
4 dl ostrusósa
½ dl tómatssósa
½ dl sætt sinnep
2 msk. balsamik edik
2 msk. hunang
1 msk. paprikuduft
½ msk karrí
1 tsk. rósapipar
2 msk. rifið engifer
5 hvítlauksgeirar
½ chili aldin
Allt hráefnið sett í matvinnsluvél og maukað vel.
Kókossósa
300 ml kókosmjólk
2 hvítlauksgeirar
2 tsk. múskat
salt
pipar
sósujafnari
Setjið allt nema sósujafnara í pott og hleypið suðunni upp. Þykkið þá sósuna með sósujafnara.
Steikið grænmetið í olíu á pönnu í ca. 2 mín. Hellið ostrusósunni á pönnuna og látið krauma í aðrar 2 mín. Leggið lasagneblöð í botnin á eldföstu móti. Setjið þunnt lag af kókossósunni yfir lasagneblöðin og dreifið hluta af grænmetinu yfir kókossósuna. Leggið lasagneblöð yfir grænmetið og endurtakið þannig að það verði 3-4 lög af grænmeti. Dreifið rifnum osti yfir. Bakið við 190°C í 20 mín. Þegar 5 mín. eru eftir af eldunartímanum er rétturinn tekinn út og kókosflögum dreift yfir, svo aftur inn í ofninn restina af tímanum.
Skyrkaka með appelsínuhlaupi
1 pk homblest kex
3-4 msk. smjör
2 egg
2 dl sykur
500 g hreint skyr
¼ l rjómi
1 tsk. vanilludropar
Homblest kexið er mulið og bræddu smjörinu blandað saman við kexmulninginn og þjappað í botn á formi. Þeyta saman egg og sykur og skyrinu síðan bætt út í og þeytt við. Þeyta rjóma og vanilludropa í annarri skál og blanda varlega saman við skyrblönduna. Síðan er þessu hellt yfir kexið.
Appelsínuhlaup
2 plötur matarlím
30 g sykur
½ dl vatn
1 stór appelsína eða 2 litlar
½ sítróna
Matarlímið er sett í bleyti. Sjóða saman vatn og sykur og setja síðan matarlímið út í. Pressa safa úr appelsínum og sítrónu og hella í gegnum sigti út í sykurlöginn. Kæla um stund og hella svo hlaupinu yfir skyrkökuna.
Nýjast
-
,,Erfitt að slíta sig frá þessu"
Ragnheiður í Kisukoti hættir að þjónusta ketti í Akureyrarbæ -
Sýningin „Úr fullkomnu samhengi“ í Verksmiðjunni á Hjalteyri
Myndlistarsýningin „Úr fullkomnu samhengi“ verður opnuð í Verksmiðjunni á Hjalteyri á morgun, fimmtudaginn 3. júlí kl. 16. Þar sýna þau Julie Tremble, Philippe- Aubert Gauthier og Tanya Saint- Pierre , kanadískt kvikmynda og Vídeólistafólk. Aukalega verður sérstök vídeódagskrá á opnun, með verkum eftir 7 listamenn. -
Forseti Íslands sló í gegn í Vísindaskóla unga fólksins
Forseti Íslands, frú Halla Tómasdóttir og eiginmaður hennar Björn Skúlason, slógu í gegn við útskrift Vísindaskóla unga fólksins sem lauk föstudaginn 27. júní. Þau svöruðu fjölda spurninga sem nemendur höfðu sent embættinu, allt frá spurningum um uppáhaldslit hennar til þess hvort henni þætti Alþingi starfa vel. Alls 85 börn útskrifuðust að þessu sinni og er þetta ellefta starfsár skólans. Vísindaskólinn er rekinn af Rannsóknamiðstöð HA. -
Gjörgæslan er meira en vinna - þetta verður hluti af okkur og lífi okkar
„Þú veist aldrei hvernig dagurinn verður,“ segir Ásdís Skúladóttir, gjörgæsluhjúkrunarfræðingur á SAk, þegar hún lýsir starfinu sínu. „Við erum alltaf að læra eitthvað nýtt og verkefnin eru síbreytileg. Þetta starf heldur manni á tánum – og það er einmitt það sem heillar.“ -
Getur þú bætt í þekkingarbrunn um íslenska náttúru?
Jóhann Helgi Stefánsson, sérfræðingur hjá Landi og skógi skrifar -
Kærkomin gjöf Hollvina SAk til endurhæfingardeildar
Hollvinir Sjúkrahússins á Akureyr hafa fært SAki enn eina mikilvæga gjöf – að þessu sinni til endurhæfingardeildar SAk. -
Zipline Akureyri gengur mjög vel
„Það hefur gengið mjög vel hjá okkur og samkvæmt þeim væntingum sem við höfðum,“ segir Jón Heiðar Rúnarsson sem ásamt Anitu Hafdísi Björnsdóttur rekur félagið Zipline Akureyri. Þau hófu starfsemi um mitt sumar árið 2022 og eru því á sínu fjórða sumri. Zipline Akureyri rekur ævintýra ferðaþjónustu í Glerárgili, er með alls fimm sviflínur þar sem farið er yfir Glerá. -
Ferðfólk sem sækir í kælifrí þykir svalt að koma til Akureyrar
Það er ansi heitt niður i Evrópu og hitamet sleginn eða við það að vera sleginn daglega má segja. Þeim hópi ferðafólks sem þykir norðanátt og rigning mjög eftirsóknarverð horfir í vaxandi mæli hingað ,,upp eftir" og er Akureyri svo dæmi sé tekið er efst á óskalista þeirra erlendu ferðalanga sem vilja komast í svalara loftslag. Óhætt er að fullyrða að þessi gerð af ferðafólki fengi helling fyrir sinn snúð á Akureyri í dag. -
Að byggja upp á Bakka
Hjálmar Bogi Hafliðason skrifar um atvinnuuppbyggingu á Bakka á Húsavík.
