Götulokanir eða lokanir á akreinum á meðan á fótboltamótum stendur
Knattspyrnumenn og konur verða áberandi í bænum næstu daga.
N1 mót KA verður haldið í fertugasta sinn á Akureyri dagana 1.-4. júlí. Á sama tíma fer Pollamótið fram á íþróttasvæði Þórs.
Bæði mótin hafa fest sig rækilega í sessi og er N1 mótið eitt stærsta fótboltamót sumarsins á Íslandi. Þá streyma til bæjarins krakkar og fjölskyldur þeirra alls staðar af landinu til að keppa fyrir sín lið. Frá því að fyrsta mótið fór fram 1987 hafa tugþúsundir barna komið saman á Akureyri, keppt fyrir sitt félag, eignast vini og skapað minningar sem margir búa að alla ævi.
Vegna þessara stórviðburða verður óhjákvæmilega nokkur röskun á umferð ökutækja um bæinn og verða ákveðnar götulokanir eða lokanir á akreinum í gildi meðan á þeim stendur. Nánari upplýsingar um það má sjá á kortunum að neðan.
Skarðshlíð verður einstefnugata til austurs og suðausturs 3. og 4. júlí, eða föstudag og laugardag, vegna Pollamótsins og bílastæðum verður fjölgað.
Þingvallastræti verður að hluta ein akrein í hvora átt 1.-4. júlí og bílastæðum fjölgað þar meðfram og víðar í nágrenninu.
Rétt er svo að minna fólk á að frítt er í Strætó og þvi ekki svo galið að notfæra sér þjónustu hans.
Nýjast
-
Götulokanir eða lokanir á akreinum á meðan á fótboltamótum stendur
N1 mót KA verður haldið í fertugasta sinn á Akureyri dagana 1.-4. júlí. Á sama tíma fer Pollamótið fram á íþróttasvæði Þórs. -
N1 mótið haldið í fertugasta sinn
N1 mótið verður haldið í fertugasta sinn á Akureyri dagana 1.–4. júlí. Áætlað er að um 1.700–1.800 keppendur frá um 40 knattspyrnufélögum taki þátt í mótinu í ár og að leiknir verði hátt í eitt þúsund leikir á fjórum dögum. -
Ástand við Hamragerði að færast í fyrra horf
Eignin að Hamragerði 15 fór á nauðungaruppboð í september síðastliðinn vegna ógreiddra dagsekta. Tiltekt fór fram á lóðinni í kjölfarið, en svo virðist sem hlutir séu að færast til fyrra horfs hvað slæma umgengni varðar. -
Leikskólinn Álfaborg Fyrsta skóflustunga að viðbyggingu
Fyrsta skóflustungan að byggingu nýrrar viðbyggingu við leikskólann Álfaborg var tekin nýverið. Við það tilefni voru samankomin starfsmenn og nemendur leikskólans sem fögnuðu þessum mikilvæga áfanga og fengu að taka þátt. -
Tengsl eru innviðir samfélagsins
Þegar talað er um innviði samfélagsins hugsum við gjarnan um vegi, skóla, heilbrigðisþjónustu, samgöngur, hjúkrunarheimili o.s.frv. Allt eru þetta nauðsynlegir innviðir sem við viljum efla og byggja upp. En við eigum það til að gleyma öðrum innviðum sem eru ekki síður mikilvægir, þótt þeir sjáist ekki á korti eða í fjárlögum. Það eru tengslin á milli fólks -
Engar lokanir á brúnni yfir Jökulsá á Fjöllum fram í miðjan ágúst
Ákveðið hefur verið að fresta frekari viðhaldsvinnu á brúnni yfir Jökulsá á Fjöllum til 17. ágúst. Mikil úrkoma hefur tafið framkvæmdir, meðal annars málun brúarinnar. Nýjustu upplýsingar um umferðartakmarkanir má ávallt finna á umferdin.is. -
Skógarböðin og Golfklúbbur Akureyrar afhenda Matargjöfum Akureyrar veglegan styrk
Skógarböðin og Golfklúbbur Akureyrar afhentu í dag Matargjöfum Akureyrar og nágrennis styrk að upphæð 500.000 krónur, sem safnaðist í góðgerðarhöggi við Skógarböðin. -
Gamli vegurinn yfir Vaðlaheiði opinn
Nú er búið að opna gamla veginn yfir Vaðlaheiði en án efa er þessi leið mörgum kær í minningabankanum og er klárt mál að fjölmargir gera sér leið yfir ,,Heiðina" og hafa þá jafnvel með sér nesti eins og tíðkaðist forðum, Mix og Congastykki jafnvel. -
Lokaorðið - Leikvellir lífsins
Ég er lánsamur maður að mínu mati. Eitt að því sem gerir mig lukkulegan er sú magnaða staðreynd að ég er orðin afi, átta sinnum hef ég fengið nýjan einstakling í fangið og kynnt mig sem afa fyrir Íslendingi sem vonandi á eftir farnast vel á lífsleiðinni.
