Góð þátttaka í göngu um Kristnesskóg
Þáttaka í skógargöngu um Kristnesskóg var mjög góð. Myndir aðsendar
„Gangan var frábær, þetta var notaleg stund og ég er glaður yfir áhuganum,“ segir Ingi Jóhannsson framkvæmdastjóri Skógræktarfélags Eyfirðinga sem efndi til skógargöngu um Kristnesskóg. Þátttakendur voru á bilinu 70 til 80 talsins.
Gestgjafar voru nýir eigendur skógarins, ábúendur á Kristnesi, þau Beate Stormo og Helgi Þórsson. Skógurinn er tæplega 100 ára gamall og var í fyrstu í eigu Kristnesspítala, millilenti síðar hjá Skógrækt ríkisins en nú hafa þau Helgi og Beate tekið við keflinu.
Grenisprota te sló í gegn
„Eflaust hefur umræða um örlög Kristnesspítala haft einhver áhrif og dregið að sér fólk, en Beate bauð upp á grenisprotate sem hefur örugglega líka átt sinn þátt í að laða að,“ segir Ingólfur. Teið hafi bragðast einkar vel, en það er gert að norskri fyrirmynd en með íslensku ívafi. „Ég var bara alveg gáttaður á hversu gott það er.“ Inga líkaði vel tilbreyting frá hefðbundnu ketilkaffi, sem gjarnan er í boði í skógargöngum. „Þetta setti skemmtilegan svip á gönguna.“
Beate Stormo með grenisprotate í vinnslu
Lionsklúbburinn í Eyjafjarðarsveit sá um að malbika stíg um Kristnesskóg fyrir nokkrum árum og við hann eru bekkir og borð. Fólk getur því valið þann kost að taka stuttan og þægilegan hring, en aðrir fóru lengri leið, enda stígar um allan skóg sem hægt er að að ganga um.
Merkileg saga
Eiríkur ráðsmaður á Hælinu hafði forgöngu um skógrækt umhverfis spítalann og hafði sér til halds og trausts, Jón Rögnvaldsson fyrsta formann Skógræktarfélags Eyfirðinga sem þá var nýlega kominn heim frá námi í garðyrkju og skógrækt í Bandaríkjunum. Fyrst var hugað að garði við spítalann, því næst var gróðursett í skjólbelti og loks hafist handa við að planta í skóginn. „Flatirnar voru upplagðar til að spila krikket en það var líka hugað að tjörnum og öðru sem prýddi herragarða Evrópu þess tíma,“ segir Ingólfur. „Sagan er merkileg og henni þarf að halda á lofti.“
Lerkitrén í bakgrunni eru vörður í hönnun Jóns Rögnvaldssonar á Hælislóðinni, hönnun sem myndi sóma sér í hvaða hallargarði Evrópu sem er.
Nýjast
-
Vaxtartækifæri í markaðssókn og gervigreind
Á Norðurlandi eystra sjá fyrirtæki sérstök vaxtartækifæri í markaðssókn og gervigreind og virðast tilbúin að nýta þau. Á sama tíma halda nýsköpun og fjárfestingargeta sér nokkuð vel í samanburði við höfuðborgarsvæðið. -
Góð þátttaka í göngu um Kristnesskóg
„Gangan var frábær, þetta var notaleg stund og ég er glaður yfir áhuganum,“ segir Ingi Jóhannsson framkvæmdastjóri Skógræktarfélags Eyfirðinga sem efndi til skógargöngu um Kristnesskóg. Þátttakendur voru á bilinu 70 til 80 talsins. -
Nýtt apótek opnar í Sunnuhlíð
Bæjarstjórn Akureyrar gerir ekki athugasemd við að lyfsöluleyfi fyrir nýja lyfjabúð að Sunnuhlíð 12, sama húsnæði og HSN er í, verði veitt. -
Stjórn SSNE skorar á stjórnvöld að tryggja framtíð millilandaflugs á Norðurlandi
Ný stjórn SSNE kom saman til síns fyrsta fundar í gær, þar var m.a. samþykkt eftirfarandi ályktun um uppbyggingu millilandaflugs um Akureyrarflugvöll. -
Eimskip gerist bakhjarl Driftar EA
Eimskip og Drift EA hafa gert með sér samstarfssamkomulag sem miðar að því að efla frumkvöðlastarf, nýsköpun og uppbyggingu nýrra fyrirtækja á Norðurlandi. Með samkomulaginu verður Eimskip bakhjarl Driftar EA og tekur þannig virkan þátt í að styrkja stuðningsumhverfi sprota- og vaxtarfyrirtækja á svæðinu. -
K 16 bauð lægst i byggingu stúdentagarða
Fimm tilboð bárust í byggingu nýrra stúdentagarða við Norðurslóð og átti fyrirtækið K16 ehf lægsta boð. -
Götulokanir eða lokanir á akreinum á meðan á fótboltamótum stendur
N1 mót KA verður haldið í fertugasta sinn á Akureyri dagana 1.-4. júlí. Á sama tíma fer Pollamótið fram á íþróttasvæði Þórs. -
N1 mótið haldið í fertugasta sinn
N1 mótið verður haldið í fertugasta sinn á Akureyri dagana 1.–4. júlí. Áætlað er að um 1.700–1.800 keppendur frá um 40 knattspyrnufélögum taki þátt í mótinu í ár og að leiknir verði hátt í eitt þúsund leikir á fjórum dögum. -
Ástand við Hamragerði að færast í fyrra horf
Eignin að Hamragerði 15 fór á nauðungaruppboð í september síðastliðinn vegna ógreiddra dagsekta. Tiltekt fór fram á lóðinni í kjölfarið, en svo virðist sem hlutir séu að færast til fyrra horfs hvað slæma umgengni varðar.
