Gert ráð fyrir rekstrarafgangi í fjárhagsáætlun næsta árs
Svalbarðseyri. Mynd: Hörður Geirsson.
Fjárhagsáætlun Svalbarðsstrandarhrepps fyrir næsta ár var samþykkt á fundi sveitarstjórnar nýlega. Í henni er gert ráð fyrir rekstrarafgangi að fjárhæð 776.000 krónur. Tekjur A-hluta (aðalsjóðs) eru áætlaðar 216 milljónir króna, þar af eru útsvarstekjur 122 milljónir króna, tekjur af fasteignaskatti 21,5 milljónir króna og framlög Jöfnunarsjóðs 55,5 milljónir króna.
Samanlagðar tekjur A- og B-hluta (samstæðu) eru áætlaðar 221,6 milljónir króna, rekstrargjöld A- og B-hluta 211,7 milljónir króna og afskriftir á árinu verða um 13 milljónir króna. Fjármagnsliðir eru áætlaðir jákvæðir um 4 milljónir króna. Fyrirhuguð fjárfesting í varanlegum rekstrarfjármunum er 20 milljónir og fyrirhuguð fjárfesting í eignarhlutum í félögum er 569.000 krónur. Handbært fé í árslok 2012 er áætlað 167 milljónir króna og langtímaskuldir sveitarfélagins eru um 12 milljónir.
Samkvæmt áætluninni verða laun og launatengd gjöld um 61% af rekstrarútgjöldum sveitarfélagsins sem er nokkru lægra hlutfall en árin 2010 og 2011. Skatttekjur verða um 64% af heildartekjum en framlög Jöfnunarsjóðs sveitarfélaga um 25%. Veltufé frá rekstri er áætlað 6,5%, veltufjárhlutfall er áætlað 9,65 og eiginfjárhlutfall er áætlað 0,94.
Í tengslum við gerð fjárhagsáætlunar fyrir árið 2012 voru teknar ákvarðanir um breytingar á gjaldskrám og álagningu á árinu 2012. Breytingarnar taka gildi 1. janúar 2012. Lóðarleiga lækkar úr 2% í 1,75% en álagning fasteignaskatts er óbreytt. Niðurgreiðsla daggæslu í heimahúsi hækkar í 7.250,- kr. á klst. á mánuði. Greitt er fyrir 8 klst. á dag að hámarki. Aðrar gjaldskrár hækka um 5%, að frátöldum gjaldskrám þar sem kveðið er á um tengingu viðvísitölu. Þetta kemur fram á vef Svalbarðsstrandarhrepps.
Nýjast
-
Íshokkí í aldarfjórðung 25 ár frá stofnun kvennaliðs SA í íshokkí
„Þetta er ein hraðasta íþrótt í heimi. Ég hef lýst henni á þann veg að leikmaður er í 100 metra hlaupi á fullum hraða, gefi allt í sprettinn, með 10-15 kg aukalega á sér ásamt því að tveir menn hangi á honum. Það þarf að huga að kylfu og hvar pökkurinn er auk þess sem farið er um á örmjóu blaði. Íshokkí reynir mjög mikið á leikmenn, þeir þurfa að vera í góðu formi, sterkir og hafa gott jafnvægi,“ segir Jónína Margrét Guðbjartsdóttir. Hún var ein af þeim konum sem tók þátt í að stofna kvennalið Skautafélags Akureyrar fyrir 25 árum og er enn að, spilar með og þjálfar að auki U16 kvenna hjá félaginu -
Einstök upplifun í Grobbholti
-Sauðfjárbúið á Húsavík sem dregur að sér hundruði gesta á hverju vori -
Gamla verslunin í Vaglaskógi jöfnuð við jörðu
„Það eiga margir góðar minningar um þessa verslun,“ segir Helen Jónsdóttir en gamla góða búðin í Vaglaskógi var jöfnuð við jörðu nýverið. Allt var tekið nema hellan fékk að vera og væntir Helen þess að eitthvað verði gert á staðnum. „Vonandi verður settur upp fallegur áningarstaður þarna, með borðum og bekkjum og jafnvel skilti sem greinir frá sögu verslunarinnar.“ -
Hamrastígur og Kirkjugarðsstígur Finnur ehf bauð lægst í stígagerðina
Gengið verður til samninga við lægstbjóðenda, Finn ehf í gerð tveggja stíga á Akureyri, Hamrastígs og Kirkjugarðsstígs, en fyrirtækið átti lægsta boð í bæði verkin. -
Alþjóðaflugvöllur á Akureyri verði byggður upp
Sveitarfélögin á Norðurlandi vestra og Norðurlandi eystra skora á ríkisstjórn Íslands og Alþingi að koma rekstri, uppbyggingu og markaðssetningu Akureyrarflugvallar fyrir hjá sérstakri stjórn eða félagi, sem hefur það að markmiði að alþjóðaflugvöllurinn sé byggður upp og kynntur sem ein af gáttum Íslands -
Grafalvarleg staða í rekstri PCC Bakka rædd í atvinnuveganefnd Alþingis.
Atvinnuveganefnd Alþingis hefur verið upplýst um grafalvarlega stöðu í rekstri PCC Bakka við Húsavík, þar sem stefnt gæti í rekstrarstöðvun undir lok sumars ef ekki tekst að snúa vörn í sókn. -
Listasafnið á Akureyri Nýjar sýningar opnaðar
Sýningar Heimis Hlöðverssonar, Samlífi, og Þóru Sigurðardóttur,Tími – Rými – Efni, verða opnaðar í Listasafninu á Akureyri á laugardag 17. maí kl. 15. Á opnunardegi verður leiðsögn með Heimi kl. 15.45. -
Orkey fyrst á Íslandi með sjálfbærni- vottaða framleiðslu á lífeldsneyti
Orkey hefur fengið alþjóðlega kolefnis- og sjálfbærnivottun, ISCC EU, á lífdísilframleiðslu sína á Akureyri fyrst fyrirtækja sem framleiða lífeldsneyti hérlendis. -
Heyrn er ekki munaður – hún er þátttaka
Það var ánægjulegt að sækja fund hjá Félagi eldri borgara á Akureyri (EBAK) síðastliðinn föstudag. Rétt rúmlega hundrað manns mættu – áhugasamir, upplýstir og málefnalegir. Þar skapaðist gott samtal um þau mál sem brenna mest á eldra fólki í dag. Ábendingar komu víða að og spurningarnar voru margar og skýrar. Það var sérstaklega áberandi að umræðan snerist ítrekað að sömu kjarnamálunum: skerðingum, lífeyrissjóðum en einnig að heilbrigðisþjónustu.