Gagnrýnir harðlega byggð í Kotárborgum
Fyrirhugað er að reisa íbúðarhverfi í Kotárborgum. Mynd/Þröstur Ernir
Byggingaráform á klöppunum á Kotárborgum á Akureyri, svæðinu á milli Háskólans og leikskólans Pálmholts, hafa minnkað nokkuð frá fyrri tillögum Akureyrarbæjar. Gert var ráð fyrir 260 nýjum íbúðum á svæðinu en nú stendur til að reisa 100-150 íbúðir á reit fast við Gerðahverfi og svo ótilteknum fjölda íbúða fyrir háskólann á miðjum klöppunum.
Íbúar í Gerðahverfi og nálægum svæðum hafa verið uggandi yfir fyrirhuguðum framkvæmdum í Kotárborgum og spruttu upp heitar umræður um málið fyrir ári síðan þegar Akureyrarbær kynnti nýtt aðalskipulag.
Snævarr Örn Georgsson, verkfræðingur og húseigandi í Kambargerði, gerir alvarlegar athugasemdir við fyrirhugaðar framkvæmdir á svæðinu. Hann segir að þrátt fyrir að gert sé ráð fyrir færri íbúðum nú en í fyrri tillögum sé enn um of mikla byggð að ræða.
„Þetta eyðileggur útivistargildi og framtíðarverðmæti klappanna. Þessir tveir skipulögðu byggingarreitir skilja eftir autt svæði á milli sín sem freistandi væri að nýta undir byggð í framtíðinni og eftir sitjum við með mjóa rönd meðfram Glerá sem nýtist lítið sem ekkert,“ segir Snævarr og bætir við: „Ekki einu sinni þéttingarsinnunum í Reykjavík dettur í hug að þrengja svona að Elliðaánum þó að þörfin fyrir byggingarland þar sé mun meiri en á Akureyri." Athugasemdafrestur er til kl. 16:00 á föstudaginn.
Nánar verður rætt við Snævarr og fjallað ítarlegra um málið í Vikudegi sem kemur út á morgun.
Nýjast
-
Byggingaréttur á lóðum á Torfunefsbryggju boðin út í maí
Byggingaréttur á tveimur lóðum við Torfunefsbryggju þar sem eru til staðar fimm byggingareitir verður boðin út nú síðar í maí. -
Sumarið er komið!
Þetta dásamlega veður sem landsmenn njóta er gleðiefni og er þá vægt tekið til orða, á heimasíðu Þingeyjarsveitar er þessari blíðu fagnað. -
Skýr og lausnamiðuð afstaða Framsóknar til veiðigjalda
Framsókn hefur tekið skýra og málefnalega afstöðu í umræðunni um veiðigjöld. Við styðjum heilshugar réttmæta kröfu samfélagsins um að sameiginleg sjávarauðlind þjóðarinnar skili arði sem gagnast samfélaginu öllu. Hins vegar skiptir máli hvernig það er gert. Óvönduð skattheimta getur skaðað atvinnulíf, dregið úr nýsköpun og veikt byggðir sem byggja afkomu sína á sjávarútvegi. -
Farsæld í brennidepli – öll eru velkomin! Sjónaukinn 2025
Í heimi þar sem hraði breytinga og flókin samfélagsmál eru daglegt brauð, skiptir máli að staldra við og beina sjónum að því sem skiptir mestu máli: farsæld fólks. Ráðstefnan Sjónaukinn 2025, sem haldin verður við Háskólann á Akureyri dagana 19. og 20. maí, leitast við að varpa ljósi á fjölbreyttar leiðir til að efla samfélagslega velferð og vellíðan. Undirtónn ráðstefnunnar er skýr: Við höfum öll hlutverki að gegna – og með samvinnu getum við skapað samfélag þar sem enginn er skilinn eftir. -
Vel heppnaður Súpufundur atvinnulífsins haldinn á Múlabergi
Í hádeginu í gær fór fram vel heppnaður Súpufundur atvinnulífsins á Múlabergi, Hótel KEA, þar sem stjórnendur um fimmtíu fyrirtækja og stofnana komu saman til að ræða framtíð atvinnulífsins á svæðinu. -
Ársfundur HSN Jákvæð þróun þrátt fyrir áskoranir í rekstri
Ársfundur Heilbrigðisstofnunar Norðurlands (HSN) fór fram í Hofi á Akureyri þriðjudaginn 13. maí 2025. Þar voru kynntar niðurstöður fyrir rekstrarárið 2024. Þrátt fyrir áskoranir í rekstri varð þó mjög jákvæð þróun í starfsemi, þjónustu og mannauðsmálum sem gefur tilefni til bjartsýni fram veginn. -
Auðlindirnar í þjóðareign.
Margir biðu spenntir eftir því að Alþingi tæki til starfa eftir páskafrí þingmanna og ég var þeirra á meðal. Á dagskrá þingsins voru hugmyndir um að hækka talsvert skatta sem lagðir eru á sjávarútveginn umfram aðra atvinnuvegi. Mér fannst þetta áhugaverð hugmynd og hlakkaði til að hlusta á upplýsandi umræðu um auðlindir og auðlindanýtingu. Ég kom mér því notalega fyrir við sjónvarpsskjáinn áður en Silfrið byrjaði í sjónvarpi Ríkisútvarpsins fyrsta mánudag eftir frí þingmanna. -
Fimm tilboð í göngubrú
Fimm tilboð bárust í byggingu á nýrri steinsteyptri göngubrú í götustæði Borgarbrautar, auk stígagerðar að aðliggjandi stígum, uppsetningu á grjótkörfum, stoðveggjum og uppsetningu á lýsingu. -
Feðgar útskrifast með stúdentspróf
Upp er runninn síðasti kennsludagur þessarar vorannar 2025. Í mörg horn hefur verið að líta síðustu daga fyrir bæði kennara og nemendur enda þarf að ljúka við hin ýmsu verkefni og einnig eru próf í mörgum námsáföngum. Fram undan eru námsmatsdagar og punkturinn verður síðan settur yfir i-ið með brautskráningu í Menningarhúsinu Hofi laugardaginn 24. maí.