Fyrsti golfvöllurinn í Þingeyjarsveit formlega vígður
Félagið Lundsgolf ehf. annast rekstur golfvallarins en það er í eigu Þórólfs Guðnasonar og Herdísar Jónsdóttur, ábúenda í Lundi. Stofnaður hefur verið golfklúbbur um völlinn sem heitir GLF - Golfklúbburinn Lundur Fnjóskadal. Opnunarhátíðin fór fram í Stekk, nýreistu húsnæði við suðurenda vallarins og á hana mættu rúmlega 200 manns í blíðskaparveðri, þar á meðal gestir af bæjunum í sveitinni, úr sumarhúsabyggðinni í Lundsskógi, sveitarstjórnarmenn, gestir frá öðrum golfklúbbum, framkvæmdastjóri GSÍ, aðilar frá íþróttasamtökum, fjölmiðlamenn og fleiri.
Að lokinni athöfn í Stekk klippti Þórólfur Guðnason á borða yfir gangstígnum inn á vallarsvæðið. Síðan gengu kylfingar og aðrir gestir að 1. teig og þar sló Brynjar Sæmundsson golfvallarhönnuður fyrsta höggið á vellinum. Með formlegum hætti voru fimm hópar ræstir til að spila hring á vellinum, síðan var hann opinn öllum það sem eftir lifði laugardags og einnig á sunnudag.
Ákveðið hefur verið að hafa sérstakt kynningarverð á vellinum í haust, það kostar 1.000 kr. að fara hringinn og 1.500 kr. fyrir hjón. Unglingar 13-16 ára greiða 500 kr. og frítt fyrir 12 ára og yngri. Stekkur verður opinn kl. 17 - 20 virka daga kl. 10 - 18 um helgar og þar er hægt að fá veitingar.
Nýjast
-
Alþjóðaflugvöllur á Akureyri verði byggður upp
Sveitarfélögin á Norðurlandi vestra og Norðurlandi eystra skora á ríkisstjórn Íslands og Alþingi að koma rekstri, uppbyggingu og markaðssetningu Akureyrarflugvallar fyrir hjá sérstakri stjórn eða félagi, sem hefur það að markmiði að alþjóðaflugvöllurinn sé byggður upp og kynntur sem ein af gáttum Íslands -
Grafalvarleg staða í rekstri PCC Bakka rædd í atvinnuveganefnd Alþingis.
Atvinnuveganefnd Alþingis hefur verið upplýst um grafalvarlega stöðu í rekstri PCC Bakka við Húsavík, þar sem stefnt gæti í rekstrarstöðvun undir lok sumars ef ekki tekst að snúa vörn í sókn. -
Listasafnið á Akureyri Nýjar sýningar opnaðar
Sýningar Heimis Hlöðverssonar, Samlífi, og Þóru Sigurðardóttur,Tími – Rými – Efni, verða opnaðar í Listasafninu á Akureyri á laugardag 17. maí kl. 15. Á opnunardegi verður leiðsögn með Heimi kl. 15.45. -
Orkey fyrst á Íslandi með sjálfbærni- vottaða framleiðslu á lífeldsneyti
Orkey hefur fengið alþjóðlega kolefnis- og sjálfbærnivottun, ISCC EU, á lífdísilframleiðslu sína á Akureyri fyrst fyrirtækja sem framleiða lífeldsneyti hérlendis. -
Heyrn er ekki munaður – hún er þátttaka
Það var ánægjulegt að sækja fund hjá Félagi eldri borgara á Akureyri (EBAK) síðastliðinn föstudag. Rétt rúmlega hundrað manns mættu – áhugasamir, upplýstir og málefnalegir. Þar skapaðist gott samtal um þau mál sem brenna mest á eldra fólki í dag. Ábendingar komu víða að og spurningarnar voru margar og skýrar. Það var sérstaklega áberandi að umræðan snerist ítrekað að sömu kjarnamálunum: skerðingum, lífeyrissjóðum en einnig að heilbrigðisþjónustu. -
Sundlaug Akureyrar lokuð 18.-22. maí – opið lengur í Glerárlaug 18. maí
Sundlaug Akureyrar verður lokuð dagana 18.-22. maí eða frá sunnudegi til fimmtudags í næstu viku. -
Byggingaréttur á lóðum á Torfunefsbryggju boðin út í maí
Byggingaréttur á tveimur lóðum við Torfunefsbryggju þar sem eru til staðar fimm byggingareitir verður boðin út nú síðar í maí. -
Sumarið er komið!
Þetta dásamlega veður sem landsmenn njóta er gleðiefni og er þá vægt tekið til orða, á heimasíðu Þingeyjarsveitar er þessari blíðu fagnað. -
Skýr og lausnamiðuð afstaða Framsóknar til veiðigjalda
Framsókn hefur tekið skýra og málefnalega afstöðu í umræðunni um veiðigjöld. Við styðjum heilshugar réttmæta kröfu samfélagsins um að sameiginleg sjávarauðlind þjóðarinnar skili arði sem gagnast samfélaginu öllu. Hins vegar skiptir máli hvernig það er gert. Óvönduð skattheimta getur skaðað atvinnulíf, dregið úr nýsköpun og veikt byggðir sem byggja afkomu sína á sjávarútvegi.