Fyrirtækið G.V. Gröfur bauð lægst í lagningu Dalsbrautar
Tilboðin opnuð en fyrir liggur stjórnsýslukæra vegna afgreiðslu bæjarstjórnar á deiliskipulaginu.
Fyrirtækið G.V. Gröfur ehf. átti lægsta tilboð í lagningu Dalsbrautar, frá Þingvallastræti að Miðhúsabraut en tilboðin voru opnuð hjá framkvæmdadeild Akureyrarbæjar eftir hádegi í dag. Alls bárust þrjú tilboð í verkið og voru þau öll undir kostnaðaráætlun, sem hljóðar upp á um 72,7 milljónir króna. G.V. Gröfur buðu rúmar 53,8 milljónir króna, eða um 74% af kostnaðaráætlun. G. Hjálmarsson hf. átti næst lægsta tilboð, 62,9 milljónir króna, eða 86,51% af kostnaðaráætlun og Finnur ehf. bauð rúmar 64,3 milljónir króna, eða 88,51% af kostnaðaráætlun. Búið að er að gefa út framkvæmdaleyfi vegna Dalsbrautar. Hins vegar liggur fyrir stjórnsýsluákæra til úrskurðarnefndar umhverfis- og auðlindamála vegna ákvörðunar Bæjarstjórnar Akureyrarkaupstaðar að samþykkja deiliskipulag fyrir Dalsbraut frá Þingvallastræti að Miðhúsabraut. Fram kemur í útboðsgögnum að gerður sé fyrirvari um að leyfi fáist til framkvæmda innan frests til að taka tilboði. Framkvæmdir geti ekki hafist fyrr en niðurstaða kærunefndar liggur fyrir. Ráðgert er að málið verði tekið fyrir á fundi framkvæmdaráðs á morgun föstudag. Það eru framkvæmdadeild og Norðurorka sem standa að útboðinu en um er að ræða jarðvegsskipti, yfirborðsfrágang og lagningu fráveitu-, raf- og vatnslagna í Dalsbraut og stíga milli Þingvallastrætis og Miðhúsabrautar. Heildarlengd götu er um 800 m og stíga um 1.700 m. Verkið er áfangaskipt en í útboðsauglýsingu kemur fram að verkinu skuli að fullu lokið fyrir 15. september 2012.
Nýjast
-
Krummafótur á Grenivík 25 ára
Leikskólinn Krummafótur á Grenivík fagnaði 25 ára afmæli nýverið. Af því tilefni var opið hús í leikskólanum og var gestum og gangandi boðið upp á kaffi og afmælisköku. -
Sjúkrabílabangsar afhentir á Hlíð
Sigurbjörg Ingvadóttir notandi í dagþjálfun á Hlíð afhenti fullan poka af fallegum sjúkrabílaböngsum til sjúkraflutningamanna nú fyrir skemmstu. Sibba, eins og hún er -
B.Jensen vormòt Òðins Jón Ingi Einarsson sló 3 Akureyrarmet í flokki 13-14 ára
B.Jensen vormót Óðins var haldið í blíðskaparveðri í Sundlaug Akureyrar laugardaginn 17. Maí. Keppendur voru 62 frá Óðni auk 1 frá Sundfélaginu Rán á Dalvík. Yngstu keppendurnir voru fæddir 2016 og 2017 en þau fóru flest að taka þátt í fyrsta sinn. Það er skemmst frá því að segja að þau stóðu sig frábærlega vel þrátt fyrir að hafa velflest aldrei stungið sér af startpalli, þar sem enginn slíkur er í Glerársundlaug, þar sem grasrótarstarf Óðins fer fram. -
Ævintýragarðurinn við Oddeyrargötu 17 opnar á morgun
Í tilkynningu sem Hreinn Halldórsson, staðarhaldari, og listasmiður í Odddeyrargötu 17 sendi frá sér kemur fram að Ævintýragarðurinn hans sem er eitt að djánsum bæjarins opnar fyrir almenning 20. mai sem er á morgun þriðjudag. -
Þá er vorið loksins komið
Já vorið er sú árstíð sem ég elska mest. Sennilega er það líka ljótasta árstíðin. Allt skítugt, grasið gulbrúnt, tré og runnar berir. En svo breytist allt á augabragði. Og daginn sem sólgulur fífill brosir við mér, feit hunangsfluga flýgur framhjá, eða kónguló spásserar yfir borðið sem ég sit við, þá hellist þessi barnslega gleði og tilhlökkun vegna sumars sem er í vændum yfir mig. En besta vormerkið er án efa að það birtir. -
Íshokkí í aldarfjórðung 25 ár frá stofnun kvennaliðs SA í íshokkí
„Þetta er ein hraðasta íþrótt í heimi. Ég hef lýst henni á þann veg að leikmaður er í 100 metra hlaupi á fullum hraða, gefi allt í sprettinn, með 10-15 kg aukalega á sér ásamt því að tveir menn hangi á honum. Það þarf að huga að kylfu og hvar pökkurinn er auk þess sem farið er um á örmjóu blaði. Íshokkí reynir mjög mikið á leikmenn, þeir þurfa að vera í góðu formi, sterkir og hafa gott jafnvægi,“ segir Jónína Margrét Guðbjartsdóttir. Hún var ein af þeim konum sem tók þátt í að stofna kvennalið Skautafélags Akureyrar fyrir 25 árum og er enn að, spilar með og þjálfar að auki U16 kvenna hjá félaginu -
Einstök upplifun í Grobbholti
-Sauðfjárbúið á Húsavík sem dregur að sér hundruði gesta á hverju vori -
Gamla verslunin í Vaglaskógi jöfnuð við jörðu
„Það eiga margir góðar minningar um þessa verslun,“ segir Helen Jónsdóttir en gamla góða búðin í Vaglaskógi var jöfnuð við jörðu nýverið. Allt var tekið nema hellan fékk að vera og væntir Helen þess að eitthvað verði gert á staðnum. „Vonandi verður settur upp fallegur áningarstaður þarna, með borðum og bekkjum og jafnvel skilti sem greinir frá sögu verslunarinnar.“ -
Hamrastígur og Kirkjugarðsstígur Finnur ehf bauð lægst í stígagerðina
Gengið verður til samninga við lægstbjóðenda, Finn ehf í gerð tveggja stíga á Akureyri, Hamrastígs og Kirkjugarðsstígs, en fyrirtækið átti lægsta boð í bæði verkin.