Framkvæmdir vel á veg komnar
Það var fjölmennt og góðmennt á fundinum í gær. Mynd: Heiddi.
Opinn íbúafundur um uppbyggingu á Bakka var haldinn á Fosshótel Húsavík í gær miðvikudag, rétt áður en blaðið fór í prentun.
Á fundinum var farið yfir stöðu verklegra framkvæmda sem tengjast Bakka en slíkir fundir hafa verið haldnir reglulega á uppbyggingartímanum. Þetta er í annað skiptið sem slíkur fundur er opinn almenningi.
Snæbjörn Sigurðarson verkefnisstjóri hjá Norðurþingi fór yfir framkvæmdir við Húsavíkurhöfn og að hans sögn eru þær langt komnar. Dýpkunarframkvæmdum er lokið og búið að lengja Bökugarðinn í 240 metra ásamt því að brimvörn var breikkuð og lengd til norðurs að gangamunna. Í vor og sumar verði svo klárað að steypa þekju á Bökugarðinn auk þess sem farið verður í frágang á gáma- og athafnsvæði næst garðinum. Búist er við því að framkvæmdum ljúki í haust.
Að sögn Hauks Jónssonar frá Vegagerðinni er vinna við vega- og gangagerð einnig langt komin. Nú er unnið við frágang í göngum og stefnt að því að fara í malbikunarframvæmdir í vor og sumar á milli hafnarsvæðis og iðnaðarsvæðisins á Bakka. Þeim framkvæmdum á að vera lokið í ágúst á þessu ári.
Þórarinn Bjarnason fór yfir stöðu verkefna hjá Landsneti sem vinnur nú að því að reysa hús undir spennivirki á Bakka og við Kröflu. Einnig hefur verið unnið að uppsetningu á möstrum fyrir háspennulínur frá Kröflu um Þeistareyki og að Bakka. Búist er við því að þeim framkvæmdum verði lokið í haust og kerfið verði þá klárt til rafmagnsflutninga að Bakka.
Uppbygging Þeistareykjarvikjunar hefur gengið vel að sögn Vals Knútssonar hjá Landsvirkjun. Búið er að tryggja nægt gufuafl til framleiðslu á þeim 45 megavöttum sem þar verða framleidd þegar fyrsti áfangi verður tekinn í notkun. Áætað er að raforkuframleiðsla geti hafist eigi síðar en í október á þessu ári. Nú þegar er unnið að tvöföldun raforkuframleiðslu virkjunarinnar og gangi þær áætlanir eftir verður hægt að framleiða þar 90 megavött fyrri hluta árs 2018.
Hafsteinn Viktorsson fór yfir stöðu á uppbyggingu kísilvers PCC BakkiSilicon á Bakka. Uppbyggingin hefur að hans sögn gengið vel og stefnt að því að framleiðsla geti hafist í lok árs 2017. Nú þegar er búið að ráða 14 starfsmenn til fyrirtækisins og gert ráð fyrir því að þeir verði 110 þegar framleiðsla hefst.
Nýjast
-
Alþjóðaflugvöllur á Akureyri verði byggður upp
Sveitarfélögin á Norðurlandi vestra og Norðurlandi eystra skora á ríkisstjórn Íslands og Alþingi að koma rekstri, uppbyggingu og markaðssetningu Akureyrarflugvallar fyrir hjá sérstakri stjórn eða félagi, sem hefur það að markmiði að alþjóðaflugvöllurinn sé byggður upp og kynntur sem ein af gáttum Íslands -
Grafalvarleg staða í rekstri PCC Bakka rædd í atvinnuveganefnd Alþingis.
Atvinnuveganefnd Alþingis hefur verið upplýst um grafalvarlega stöðu í rekstri PCC Bakka við Húsavík, þar sem stefnt gæti í rekstrarstöðvun undir lok sumars ef ekki tekst að snúa vörn í sókn. -
Listasafnið á Akureyri Nýjar sýningar opnaðar
Sýningar Heimis Hlöðverssonar, Samlífi, og Þóru Sigurðardóttur,Tími – Rými – Efni, verða opnaðar í Listasafninu á Akureyri á laugardag 17. maí kl. 15. Á opnunardegi verður leiðsögn með Heimi kl. 15.45. -
Orkey fyrst á Íslandi með sjálfbærni- vottaða framleiðslu á lífeldsneyti
Orkey hefur fengið alþjóðlega kolefnis- og sjálfbærnivottun, ISCC EU, á lífdísilframleiðslu sína á Akureyri fyrst fyrirtækja sem framleiða lífeldsneyti hérlendis. -
Heyrn er ekki munaður – hún er þátttaka
Það var ánægjulegt að sækja fund hjá Félagi eldri borgara á Akureyri (EBAK) síðastliðinn föstudag. Rétt rúmlega hundrað manns mættu – áhugasamir, upplýstir og málefnalegir. Þar skapaðist gott samtal um þau mál sem brenna mest á eldra fólki í dag. Ábendingar komu víða að og spurningarnar voru margar og skýrar. Það var sérstaklega áberandi að umræðan snerist ítrekað að sömu kjarnamálunum: skerðingum, lífeyrissjóðum en einnig að heilbrigðisþjónustu. -
Sundlaug Akureyrar lokuð 18.-22. maí – opið lengur í Glerárlaug 18. maí
Sundlaug Akureyrar verður lokuð dagana 18.-22. maí eða frá sunnudegi til fimmtudags í næstu viku. -
Byggingaréttur á lóðum á Torfunefsbryggju boðin út í maí
Byggingaréttur á tveimur lóðum við Torfunefsbryggju þar sem eru til staðar fimm byggingareitir verður boðin út nú síðar í maí. -
Sumarið er komið!
Þetta dásamlega veður sem landsmenn njóta er gleðiefni og er þá vægt tekið til orða, á heimasíðu Þingeyjarsveitar er þessari blíðu fagnað. -
Skýr og lausnamiðuð afstaða Framsóknar til veiðigjalda
Framsókn hefur tekið skýra og málefnalega afstöðu í umræðunni um veiðigjöld. Við styðjum heilshugar réttmæta kröfu samfélagsins um að sameiginleg sjávarauðlind þjóðarinnar skili arði sem gagnast samfélaginu öllu. Hins vegar skiptir máli hvernig það er gert. Óvönduð skattheimta getur skaðað atvinnulíf, dregið úr nýsköpun og veikt byggðir sem byggja afkomu sína á sjávarútvegi.