Framkvæmdastjórn FSA sendir frá sér yfirlýsingu
Það hefur verið stefna stofnunarinnar til langs tíma að veita sem mesta og besta heilbrigðisþjónustu heima í héraði. Með þetta
að leiðarljósi hefur FSA haft forgöngu um að sérfræðingar þess veittu íbúum á Norður- og Austurlandi
heilbrigðisþjónustu á heimaslóð. Þessi stefna er í fullu samræmi við það sem heilbrigðisráðherra hefur kynnt
opinberlega í tengslum við þær skipulagsbreytingar sem framundan eru.
Í þessu sambandi er rétt að taka fram að sérfræðingar FSA hafa veitt þjónustu á Sauðárkróki, Húsavík,
Egilstöðum og Norðfirði. Með þessu hefur sérhæfð heilbrigðisþjónusta verið færð nær íbúum á
þessum stöðum og þeim veitt þjónusta í fleiri sérgreinum en áður var. Þannig hafa læknar FSA veitt þjónustu
í yfir 30 vikur á ári á Sauðárkróki í eftirtöldum sérgreinum; barnalækningum, bæklunarlækningum,
skurðlækningum, háls-, nef- og eyrnalækningum, þvagfæraskurðlækningum, æðaskurðlækningum, myndgreiningu, öldrunarlækningum
og endurhæfingarlækningum.
Á Húsavík fara læknar frá FSA og sinna sjúklingum í eftirtöldum sérgreinum; Geðlækningum,
kvensjúkdómalækningum, augnlækningum, svæfingalækningum, háls-, nef- og eyrnalækningum. Til Egilstaða og Norðfjarðar fara
sérfræðingar frá FSA og sinna sjúklingum í eftirfarandi sérgreinum; geðlækningum, háls-, nef- og eyrnalækningum,
kvensjúkdómalækningum, þvagfæraskurðlækningum og bæklunarskurðlækningum. Sérfræðingur í
húðsjúkdómalækningum sem starfar við Heilbrigðisstofnun Austurlands kemur og starfar einnig á FSA og veitir mikilsverða þjónustu.
Öll myndgreining á Norður- og Austurlandi er nú þegar sameinuð í einum grunni á FSA og með því hefur verið hægt að veita
mun betri þjónustu í myndgreiningu og rannsóknum en áður. Sameining myndgreiningarinnar hefur sýnt að sjúklingar fá fyrr greiningu og
í ákveðnum tilvikum sérfræðiþjónustu mun fyrr en ella.
Framkvæmdastjórn FSA lítur svo á að sameining heilbrigðisstofnana á Norðurlandi hafi í för með sér tækifæri til
bættrar og betri heilbrigðisþjónustu á þann hátt sem FSA hefur haft að leiðarljósi á undaförnum árum. Með
því að veita sem besta þjónustu sem næst fólkinu á sem hagkvæmastan hátt, þjónustu þar sem öryggi
sjúklinga er haft að leiðarljósi opnast möguleikar á að styrkja heilbrigðisþjónustuna á Norðurlandi enn frekar.
Það er von framkvæmdastjórnar að sú vinna sem nú fer af stað taki mið af þessu. Heilbrigðisráðherra hefir ákveðið
að starfsemina skuli skipuleggja og ákveða í samvinnu við heimamenn, þ.e. hvaða þjónustu á að veita á hverjum stað og af
hvaða fagfólki. Því ber að fagna að haft skuli að leiðarljósi öryggi við sjúklinga og að þjónusta við
þá standist fagleg og heilsuhagfræðileg viðmið. Mikill mannauður og sérfræðiþekking er til staðar í heilbrigðistofnununum
á Norðurlandi sem vitaskuld nýtist í sameinaðri, sterkari stofnun.
Nýjast
-
Fimm tilboð í göngubrú
Fimm tilboð bárust í byggingu á nýrri steinsteyptri göngubrú í götustæði Borgarbrautar, auk stígagerðar að aðliggjandi stígum, uppsetningu á grjótkörfum, stoðveggjum og uppsetningu á lýsingu. -
Feðgar útskrifast með stúdentspróf
Upp er runninn síðasti kennsludagur þessarar vorannar 2025. Í mörg horn hefur verið að líta síðustu daga fyrir bæði kennara og nemendur enda þarf að ljúka við hin ýmsu verkefni og einnig eru próf í mörgum námsáföngum. Fram undan eru námsmatsdagar og punkturinn verður síðan settur yfir i-ið með brautskráningu í Menningarhúsinu Hofi laugardaginn 24. maí. -
Nýtt diplómanám við HA fyrir fólk með fjölþættar stuðningsþarfir
Háskólinn á Akureyri leitar að brautryðjendum sem langar að taka þátt í spennandi þróunarverkefni og hefja nám við skólann. -
Krúttlegasta hjólamót árins haldið á Akureyri á sunnudaginn
Krónan, Akureyrardætur og Hjólreiðafélag Akureyrar standa fyrir hjólamóti fyrir krakka á aldrinum 2 til 12 ára og fer mótið fram í Kjarnaskógi sunnudaginn 18. maí næstkomandi. Um er að ræða fyrsta hjólamótið sem Krónan heldur á Akureyri en mótið er haldið að fyrirmynd Krónumótsins í Öskjuhlíð sem er orðinn árlegur viðburður í september ár hvert. Skráning á mótið er hafin og eru öll börn velkomin. -
JÖKLABLÁMI opnun í Verksmiðjunni á Hjalteyri 17 maí 2025, kl. 14:00
Sýningin Jöklablámi opnar í Verksmiðjunni á Hjalteyri 17 maí kl. 14:00 Sýningin stendur til og með 22 júní. Opið alla daga nema mánudaga frá 14:00 til 17:00 -
Ótryggt sjúkraflug frá Húsavík
Á fundi byggðaráðs Norðurþings á dögunum Óskaði Rebekka Ásgeirsdóttir S-lista eftir umræðu sjúkraflug frá Húsavíkurflugvelli. -
Erum hætt að deyja ung!
Þessi rúmlega miðaldra sem þetta skrifar sat nýlega málstofu sem fjallaði um gervigreind í umönnun eldra fólks. Fram að því hafði hún ekki mikið leitt hugann að gervigreind og hvernig best er að nýta hana. Sú greinda hafði til þessa notað mig til að sýna mér endalaust í viðbót ef ég hafði til dæmis verið að skoða mér skó á netinu. -
Landinn heimsækir lögreglufræðinámið á Akureyri
Á dögunum var hægt að horfa á þegar Landinn á RÚV heimsótti lögreglufræðinámið við Háskólann á Akureyri. Okkur lék forvitni á að vita hvernig þetta kom til og kynnast stemmningunni í slíkri heimsókn. Andrew Paul Hill, lektor við lögreglufræðina, varð fyrir svörum. Hann segir að það hafi ekki verið nein formleg kynning sem varð til þess að Landinn heimsótti þau heldur þvert á móti hafi það verið heppileg tilviljun og jákvætt viðhorf áhugasamra aðila sem leiddi þetta spennandi verkefni af sér. -
Kisukot áfram á einkaheimili
Fyrir liggja drög að þjónustusamningi til eins árs um tímabundna meðhöndlun á köttum þar sem gert er ráð fyrir að Kisukot verði áfram starfrækt við Löngumýri á Akureyri svo sem verið hefur í rúman áratug.