Foss, Trekt og Flækja eru nöfnin á rennibrautunum
Fjöldi manns lagði leið sína í Sundlaug Akureyrar í dag. Mynd/Axel Þórhallsson
Mikil og góð stemning var í Sundlaug Akureyrar í dag þegar nýju vatnsrennibrautirnar voru teknar í notkun. Tilkynnt var um úrslit í nafnasamkeppni fyrir brautirnar og fengu þau sem lögðu til nöfnin sem voru valin að fara fyrstu ferðina hvert í sína brautina. Þetta kemur fram á vef Akureyrarbæjar.
Tveir lögðu til nafnið Trektin á brautina sem er líkust trekt í laginu. Það voru þær Stefanía Sigmundsdóttir og Bryndís Anna Magnúsdóttir og var Bryndís valin til að renna sér fyrst í þeirri braut.
Sex mæltu með að langa brautin fengi nafnið Flækjan. Það voru þær Kristrún og Arnheiður saman, Sigrún Stefánsdóttir, Sigríður Ragnarsdóttir, Lilja Hilmisdóttir og Hanna Þórey Guðmundsdóttir og var Hanna Þórey svo heppin að nafn hennar var dregið úr pottinum.
Loks var Kristjana Mjöll Víðisdóttir ein með tillöguna um að litla brautin fengi heitið Fossinn og renndi hún sér fyrst í Fossinum.
Sundfélagið Óðinn bauð upp á pylsur og Trópí á bakkanum, blásturssveit lék nokkur lög og síðan tók við plötusnúður sem lét vinsælustu lög dagsins í dag óma yfir sundlaugarsvæðið.
Veðrið var eins og best verður á kosið og biðraðir mynduðust strax í nýju vatnsrennibrautirnar. Opið er til miðnættis í kvöld í Sundlaug Akureyrar og einnig á morgun, föstudaginn 14. júlí.
Endanlegur kostnaður liggur fyrir í haust
Kostnaður við endurbætur á sundlaugarsvæðinu er kominn upp í tæpar 400 milljónir eða tæplega tvöfalt meira en áætlanir gerðu ráð í fyrstu. Enn á eftir að klára aðrar framkvæmdir á svæðinu en búist er við að svæðið verði allt klárt í haust. Þá mun endanlegur kostnaður liggja fyrir.
Nýjast
-
Sundlaug Akureyrar lokuð 18.-22. maí – opið lengur í Glerárlaug 18. maí
Sundlaug Akureyrar verður lokuð dagana 18.-22. maí eða frá sunnudegi til fimmtudags í næstu viku. -
Byggingaréttur á lóðum á Torfunefsbryggju boðin út í maí
Byggingaréttur á tveimur lóðum við Torfunefsbryggju þar sem eru til staðar fimm byggingareitir verður boðin út nú síðar í maí. -
Sumarið er komið!
Þetta dásamlega veður sem landsmenn njóta er gleðiefni og er þá vægt tekið til orða, á heimasíðu Þingeyjarsveitar er þessari blíðu fagnað. -
Skýr og lausnamiðuð afstaða Framsóknar til veiðigjalda
Framsókn hefur tekið skýra og málefnalega afstöðu í umræðunni um veiðigjöld. Við styðjum heilshugar réttmæta kröfu samfélagsins um að sameiginleg sjávarauðlind þjóðarinnar skili arði sem gagnast samfélaginu öllu. Hins vegar skiptir máli hvernig það er gert. Óvönduð skattheimta getur skaðað atvinnulíf, dregið úr nýsköpun og veikt byggðir sem byggja afkomu sína á sjávarútvegi. -
Farsæld í brennidepli – öll eru velkomin! Sjónaukinn 2025
Í heimi þar sem hraði breytinga og flókin samfélagsmál eru daglegt brauð, skiptir máli að staldra við og beina sjónum að því sem skiptir mestu máli: farsæld fólks. Ráðstefnan Sjónaukinn 2025, sem haldin verður við Háskólann á Akureyri dagana 19. og 20. maí, leitast við að varpa ljósi á fjölbreyttar leiðir til að efla samfélagslega velferð og vellíðan. Undirtónn ráðstefnunnar er skýr: Við höfum öll hlutverki að gegna – og með samvinnu getum við skapað samfélag þar sem enginn er skilinn eftir. -
Vel heppnaður Súpufundur atvinnulífsins haldinn á Múlabergi
Í hádeginu í gær fór fram vel heppnaður Súpufundur atvinnulífsins á Múlabergi, Hótel KEA, þar sem stjórnendur um fimmtíu fyrirtækja og stofnana komu saman til að ræða framtíð atvinnulífsins á svæðinu. -
Ársfundur HSN Jákvæð þróun þrátt fyrir áskoranir í rekstri
Ársfundur Heilbrigðisstofnunar Norðurlands (HSN) fór fram í Hofi á Akureyri þriðjudaginn 13. maí 2025. Þar voru kynntar niðurstöður fyrir rekstrarárið 2024. Þrátt fyrir áskoranir í rekstri varð þó mjög jákvæð þróun í starfsemi, þjónustu og mannauðsmálum sem gefur tilefni til bjartsýni fram veginn. -
Auðlindirnar í þjóðareign.
Margir biðu spenntir eftir því að Alþingi tæki til starfa eftir páskafrí þingmanna og ég var þeirra á meðal. Á dagskrá þingsins voru hugmyndir um að hækka talsvert skatta sem lagðir eru á sjávarútveginn umfram aðra atvinnuvegi. Mér fannst þetta áhugaverð hugmynd og hlakkaði til að hlusta á upplýsandi umræðu um auðlindir og auðlindanýtingu. Ég kom mér því notalega fyrir við sjónvarpsskjáinn áður en Silfrið byrjaði í sjónvarpi Ríkisútvarpsins fyrsta mánudag eftir frí þingmanna. -
Fimm tilboð í göngubrú
Fimm tilboð bárust í byggingu á nýrri steinsteyptri göngubrú í götustæði Borgarbrautar, auk stígagerðar að aðliggjandi stígum, uppsetningu á grjótkörfum, stoðveggjum og uppsetningu á lýsingu.