Fjörutíu ár liðin frá Linduveðrinu
Besta veður var að morgni dags, sunnan gola, bjartviðri og 5 stiga hiti og hélst svo fram yfir hádegi þegar fárviðrið skall á afar snögglega en versta veðrið stóð yfir í um klukkustund, "og mátti heita ófært hverjum manni," segir Sverrir Pálsson í fréttapistli sem hann sendi Morgunblaðinu. Heldur tók að draga úr veðurhamnum eftir hádegið en þó var byljótt og vindahryðjur gengu yfir fram eftir degi. Um kvöldið var svo komið hörkufrost, 15 til 17 gráður.
Milljóna tjón varð af völdum veðursins. Mest í kjölfar þess að þakhæðin fauk gjörsamlega af sælgætisverksmiðjunni Lindu og fauk þakið um 100 til 200 metra suður fyrir húsið. Skall sumt niður á bersvæði en annað lenti á sambýlishúsi skammt frá og einnig á bílum í nágrenninu. Þakið hvíldi á sverum stálbitum sem haldið var upp með stálstoðum sem boltaðar voru niður í steinloft. Annar bitinn var eftir skakkur og skældur, en hinn fauk með þakinu og kengbognaði eins og vírspotti þegar niður kom. Birgðageymsla verksmiðjunnar var á þakhæðinni og er haft eftir Eyþóri Tómassyni verksmiðjustjóra að nýlega hafi verið fluttir þangað miklar hráefnisbirgðir, m.a. um 700 sekkir af sykri. Tjón vegna skemmda nam milljónum króna, en birgðirnar fuku að mestu út í veður og vind og fennti í kaf, en menn unnu að björgum verðmæta þegar veðri slotaði.
Mikið annríki var hjá lögreglu í veðurofsanum, en m.a. voru börn nýfarin heim í hádegismat í grunnskólum bæjarins þegar veðrið skall á og var í mörgum tilfellum óvissa um afdrif þeirra þegar þau skiluðu sér ekki heim. Mörg barnanna leituðu skjóls í húsum hér og þar á leiðinni heim, m.a. í sundlaugarbyggingunni, íþróttahúsinu og iðnskólanum sem þá var íbyggingu. Matarhlé var ekki hafið í Gagnfræðaskólanum og voru nemendur þar kyrrsettir í skólanum þar til veður gekk niður.
Þess er getið að Steindór Steindórsson skólameistari hafi fallið í hálku í námunda við Menntaskólann og fótbrotnað illa og hafi þurft að hírast nokkurn tíma í því ásigkomulagi þar til hann fannst. Tveir aldraðir menn voru að niðurlotum komnir við Tryggvabraut, kaldir og máttvana þegar lögregla fann þá fyrir tilviljun, fauk jeppi út af vegi í námunda við Skíðahótelið í Hlíðarfjalli, tveir menn í sem í honum voru sluppu ómeiddir en gekk illa að finna skálann þó hann væri aðeins í 50 metra fjarlægð. Tveir timar liðu þar til annar þeirra komst í hús en þá voru björgunarsveitir komnar í viðbragðsstöðu að leita hans.
Stór yfirbyggður flutningabíll sem stóð við Skúta ofan Hörgárbrautar tókst á loft og fauk út á þjóðveginn og teppti með því mest alla umferð. Alls skemmdust um 30 bílar í ofsaveðrinu. Miklar skemmdir urðu einnig á húsum hér og hvar um bæinn og víða mátti sjá þök liggja í húsagörðum.
Nýjast
-
Byggingaréttur á lóðum á Torfunefsbryggju boðin út í maí
Byggingaréttur á tveimur lóðum við Torfunefsbryggju þar sem eru til staðar fimm byggingareitir verður boðin út nú síðar í maí. -
Sumarið er komið!
Þetta dásamlega veður sem landsmenn njóta er gleðiefni og er þá vægt tekið til orða, á heimasíðu Þingeyjarsveitar er þessari blíðu fagnað. -
Skýr og lausnamiðuð afstaða Framsóknar til veiðigjalda
Framsókn hefur tekið skýra og málefnalega afstöðu í umræðunni um veiðigjöld. Við styðjum heilshugar réttmæta kröfu samfélagsins um að sameiginleg sjávarauðlind þjóðarinnar skili arði sem gagnast samfélaginu öllu. Hins vegar skiptir máli hvernig það er gert. Óvönduð skattheimta getur skaðað atvinnulíf, dregið úr nýsköpun og veikt byggðir sem byggja afkomu sína á sjávarútvegi. -
Farsæld í brennidepli – öll eru velkomin! Sjónaukinn 2025
Í heimi þar sem hraði breytinga og flókin samfélagsmál eru daglegt brauð, skiptir máli að staldra við og beina sjónum að því sem skiptir mestu máli: farsæld fólks. Ráðstefnan Sjónaukinn 2025, sem haldin verður við Háskólann á Akureyri dagana 19. og 20. maí, leitast við að varpa ljósi á fjölbreyttar leiðir til að efla samfélagslega velferð og vellíðan. Undirtónn ráðstefnunnar er skýr: Við höfum öll hlutverki að gegna – og með samvinnu getum við skapað samfélag þar sem enginn er skilinn eftir. -
Vel heppnaður Súpufundur atvinnulífsins haldinn á Múlabergi
Í hádeginu í gær fór fram vel heppnaður Súpufundur atvinnulífsins á Múlabergi, Hótel KEA, þar sem stjórnendur um fimmtíu fyrirtækja og stofnana komu saman til að ræða framtíð atvinnulífsins á svæðinu. -
Ársfundur HSN Jákvæð þróun þrátt fyrir áskoranir í rekstri
Ársfundur Heilbrigðisstofnunar Norðurlands (HSN) fór fram í Hofi á Akureyri þriðjudaginn 13. maí 2025. Þar voru kynntar niðurstöður fyrir rekstrarárið 2024. Þrátt fyrir áskoranir í rekstri varð þó mjög jákvæð þróun í starfsemi, þjónustu og mannauðsmálum sem gefur tilefni til bjartsýni fram veginn. -
Auðlindirnar í þjóðareign.
Margir biðu spenntir eftir því að Alþingi tæki til starfa eftir páskafrí þingmanna og ég var þeirra á meðal. Á dagskrá þingsins voru hugmyndir um að hækka talsvert skatta sem lagðir eru á sjávarútveginn umfram aðra atvinnuvegi. Mér fannst þetta áhugaverð hugmynd og hlakkaði til að hlusta á upplýsandi umræðu um auðlindir og auðlindanýtingu. Ég kom mér því notalega fyrir við sjónvarpsskjáinn áður en Silfrið byrjaði í sjónvarpi Ríkisútvarpsins fyrsta mánudag eftir frí þingmanna. -
Fimm tilboð í göngubrú
Fimm tilboð bárust í byggingu á nýrri steinsteyptri göngubrú í götustæði Borgarbrautar, auk stígagerðar að aðliggjandi stígum, uppsetningu á grjótkörfum, stoðveggjum og uppsetningu á lýsingu. -
Feðgar útskrifast með stúdentspróf
Upp er runninn síðasti kennsludagur þessarar vorannar 2025. Í mörg horn hefur verið að líta síðustu daga fyrir bæði kennara og nemendur enda þarf að ljúka við hin ýmsu verkefni og einnig eru próf í mörgum námsáföngum. Fram undan eru námsmatsdagar og punkturinn verður síðan settur yfir i-ið með brautskráningu í Menningarhúsinu Hofi laugardaginn 24. maí.