Fjárframlögin áhyggjuefni
Þriðja árið í röð hækkuðu fjárframlög til reksturs Sjúkrahússins á Akureyri (SAk) sem gerði það að verkum að hægt var að auka þjónustu, stytta biðlista þar sem þörfin var brýn og bæta mönnun á nokkrum deildum. Starfsemistölur það sem af er árinu 2017 benda til þess að ekkert lát sé á aukningunni. Þetta kemur fram í tilkynningu frá SAk eftir ársfund sjúkrahússins sem fram fór í gær. Aukning varð í allri starfsemi á árinu, má nefna að komum sjúklinga á dagdeildir fjölgaði um 16% og komum á bráðamóttöku um 5,3% miðað við fyrra ár. Enn var aukning í sjúkraflugi eða 12%.
Bjarni Jónasson, forstjóri sjúkrahússins, sagði í ræðu sinni á ársfundinum að um 3-4% raunaukningu fjárframlaga til almenns rekstrar þyrfti til að mæta þörf fyrir aukna þjónustu og nauðsynlega uppbyggingu þjónustunnar. „Þegar rýnt er í Tillögu til þingsályktunar um fjármálaáætlun fyrir árin 2018-2022 og þær fjárhæðir sem ætlaðar eru í sjúkrahúsþjónustu, þar sem bæði er innifalin aukning til rekstrar og stofnkostnaðar, er vandséð hvernig komið verður til móts við brýna þörf fyrir aukna þjónustu og þróun starfseminnar. Það er því ekki að ástæðulausu að við hér á sjúkrahúsinu höfum áhyggjur af fjárframlögum til starfseminnar á næstu árum svo unnt sé að mæta þörfum íbúanna með þeim hætti sem við teljum þurfa,“ sagði Bjarni. Hann sagði ánægjulegt að stækkun Sjúkrahússins á Akureyri væri komin á dagská og sagðist vonast til þess að hægt yrði að hefja byggingu legudeildar fyrr en árin 2021-2022 eins og nú er gert ráð fyrir.
Fjárveitingar ríkissjóðs til rekstrar á árinu námu 6.372 milljónum króna. Því til viðbótar fékk SAk 50 milljóna króna tímabundið framlag til almenns rekstrar og 21,3 milljónir vegna uppfærslu og breytinga á lyfjafyrirmælakerfi. Hluti greiðslna vegna þátttöku sjúkrahússins í biðlistaátaki velferðarráðuneytisins kom sem fjárveiting, 81 milljón króna, og félagsmálaráðherra styrkti verkefni um meðferð fyrir þolendur ofbeldis um 10 milljónir. Í árslok fékk sjúkrahúsið 50 milljóna króna aukafjárveitingu. Fjárveiting til tækjakaupa lækkaði um 27 milljónir frá fyrra ári.
Stærsta einstaka framkvæmdin á árinu var þakbygging yfir tengigang C-álmu til að útrýma leka. Aðrar stórar framkvæmdir voru breytingar og endurbætur á blóðtökurými rannsóknadeildar, skurðlækningadeild og geðdeild. Framkvæmt var fyrir 215 milljónir króna. Til tækjakaupa var varið 153,2 milljónum króna. Að auki voru keypt tæki og búnaður fyrir um 28 milljónir króna fyrir tilstilli Gjafasjóðs og Hollvinasamtaka sjúkrahússins.
Nýjast
-
Sundlaug Akureyrar lokuð 18.-22. maí – opið lengur í Glerárlaug 18. maí
Sundlaug Akureyrar verður lokuð dagana 18.-22. maí eða frá sunnudegi til fimmtudags í næstu viku. -
Byggingaréttur á lóðum á Torfunefsbryggju boðin út í maí
Byggingaréttur á tveimur lóðum við Torfunefsbryggju þar sem eru til staðar fimm byggingareitir verður boðin út nú síðar í maí. -
Sumarið er komið!
Þetta dásamlega veður sem landsmenn njóta er gleðiefni og er þá vægt tekið til orða, á heimasíðu Þingeyjarsveitar er þessari blíðu fagnað. -
Skýr og lausnamiðuð afstaða Framsóknar til veiðigjalda
Framsókn hefur tekið skýra og málefnalega afstöðu í umræðunni um veiðigjöld. Við styðjum heilshugar réttmæta kröfu samfélagsins um að sameiginleg sjávarauðlind þjóðarinnar skili arði sem gagnast samfélaginu öllu. Hins vegar skiptir máli hvernig það er gert. Óvönduð skattheimta getur skaðað atvinnulíf, dregið úr nýsköpun og veikt byggðir sem byggja afkomu sína á sjávarútvegi. -
Farsæld í brennidepli – öll eru velkomin! Sjónaukinn 2025
Í heimi þar sem hraði breytinga og flókin samfélagsmál eru daglegt brauð, skiptir máli að staldra við og beina sjónum að því sem skiptir mestu máli: farsæld fólks. Ráðstefnan Sjónaukinn 2025, sem haldin verður við Háskólann á Akureyri dagana 19. og 20. maí, leitast við að varpa ljósi á fjölbreyttar leiðir til að efla samfélagslega velferð og vellíðan. Undirtónn ráðstefnunnar er skýr: Við höfum öll hlutverki að gegna – og með samvinnu getum við skapað samfélag þar sem enginn er skilinn eftir. -
Vel heppnaður Súpufundur atvinnulífsins haldinn á Múlabergi
Í hádeginu í gær fór fram vel heppnaður Súpufundur atvinnulífsins á Múlabergi, Hótel KEA, þar sem stjórnendur um fimmtíu fyrirtækja og stofnana komu saman til að ræða framtíð atvinnulífsins á svæðinu. -
Ársfundur HSN Jákvæð þróun þrátt fyrir áskoranir í rekstri
Ársfundur Heilbrigðisstofnunar Norðurlands (HSN) fór fram í Hofi á Akureyri þriðjudaginn 13. maí 2025. Þar voru kynntar niðurstöður fyrir rekstrarárið 2024. Þrátt fyrir áskoranir í rekstri varð þó mjög jákvæð þróun í starfsemi, þjónustu og mannauðsmálum sem gefur tilefni til bjartsýni fram veginn. -
Auðlindirnar í þjóðareign.
Margir biðu spenntir eftir því að Alþingi tæki til starfa eftir páskafrí þingmanna og ég var þeirra á meðal. Á dagskrá þingsins voru hugmyndir um að hækka talsvert skatta sem lagðir eru á sjávarútveginn umfram aðra atvinnuvegi. Mér fannst þetta áhugaverð hugmynd og hlakkaði til að hlusta á upplýsandi umræðu um auðlindir og auðlindanýtingu. Ég kom mér því notalega fyrir við sjónvarpsskjáinn áður en Silfrið byrjaði í sjónvarpi Ríkisútvarpsins fyrsta mánudag eftir frí þingmanna. -
Fimm tilboð í göngubrú
Fimm tilboð bárust í byggingu á nýrri steinsteyptri göngubrú í götustæði Borgarbrautar, auk stígagerðar að aðliggjandi stígum, uppsetningu á grjótkörfum, stoðveggjum og uppsetningu á lýsingu.