FH sigraði Akureyri í framlengdum leik
Það var hart barist í leik FH og Akureyrar í kvöld.
FH sigraði Akureyri með eins marks mun, 26-25, eftir framlengingu er liðin áttust við í Kaplakrika í kvöld í fyrsta leik liðanna í undanúrslitum N1-deildar karla í handknattleik. Staðan í hálfleik var 12-12 og 22-22 að loknum venjulegs leiktíma. Ragnar Jóhannsson tryggði FH sigurinn með marki þegar rúm mínúta var eftir af síðari hálfleik framlengingarinnar og síðasta sókn Akureyrar rann út í sandinn. FH hefur því tekið 1-0 forystu í einvíginu en vinna þarf þrjá leiki til þess að komast í úrslit. Liðin mætast að nýju í Höllinni á Akureyri á föstudaginn kemur.
FH byrjaði betur í leiknum í kvöld en eftir að staðan var 2-2 í byrjun leiks skildu leiðir fljótlega og FH komst þremur mörkum yfir, 6-3, eftir tíu mínútna leik. Ekkert gekk í sóknarleik Akureyrar sem var brösulegur í meira lagi. FH-ingar gengu á lagið og juku muninn jafnt og þétt með Daníel Frey Andrésson í ágætum gír í markinu. Þegar fyrri hálfleikur var hálfnaður var staðan 10-5 fyrir heimamenn en Akureyringar lentu í brottrekstravandræðum og misstu tvo menn af velli með skömmu millibili. Norðanmenn létu þó ekki árar í bát og með góðum kafla tókst þeim að jafna metin í 11-11 skömmu fyrir hlé eftir að hafa skorað fimm mörkum í röð. Staðan 12-12 í leikhléi.
Leikurinn var í járnum framan af seinni hálfleik en FH komst þremur mörkum yfir tólf mínútum fyrir leikslok, 19-16. Það var ekki síst fyrir góða frammistöðu Daníels Freys í marki FH-inga en hann var norðanmönnum erfiður í leiknum. Akureyri minnkaði muninn í eitt mark, 21-20, þegar þrjár mínútur voru til leiksloka og spennan rafmögnuð í Kaplakrika. Þegar hálf mínúta var til leiksloka fengu Akureyringar dæmt vítakast í stöðunni 22-21 fyrir FH. Bjarni Fritzson fór á vítapunktinn og jafnaði metin af öryggi. FH fékk boltann og tók leikhlé þegar tíu sekúndur voru eftir en sóknin rann út í sandinn og því framlengt.
FH byrjaði framlenginguna betur og komst tveimur mörkum yfir en hafði eins marks forystu, 25-24, að loknum fyrri hálfleik. Seinni hálfleikurinn var í járnum allan tímann og taugastríðið algjört. Ragnar Jóhannsson kom FH yfir, 26-25, þegar rúmlega mínúta var eftir og það reyndist sigurmark leiksins þar sem Akureyrar fengu dæmda á sig leiktöf í síðustu sókn leiksins og leikurinn fjaraði út.
Lokatölur, 26-25, FH í vil.
Nýjast
-
,,Erfitt að slíta sig frá þessu"
Ragnheiður í Kisukoti hættir að þjónusta ketti í Akureyrarbæ -
Sýningin „Úr fullkomnu samhengi“ í Verksmiðjunni á Hjalteyri
Myndlistarsýningin „Úr fullkomnu samhengi“ verður opnuð í Verksmiðjunni á Hjalteyri á morgun, fimmtudaginn 3. júlí kl. 16. Þar sýna þau Julie Tremble, Philippe- Aubert Gauthier og Tanya Saint- Pierre , kanadískt kvikmynda og Vídeólistafólk. Aukalega verður sérstök vídeódagskrá á opnun, með verkum eftir 7 listamenn. -
Forseti Íslands sló í gegn í Vísindaskóla unga fólksins
Forseti Íslands, frú Halla Tómasdóttir og eiginmaður hennar Björn Skúlason, slógu í gegn við útskrift Vísindaskóla unga fólksins sem lauk föstudaginn 27. júní. Þau svöruðu fjölda spurninga sem nemendur höfðu sent embættinu, allt frá spurningum um uppáhaldslit hennar til þess hvort henni þætti Alþingi starfa vel. Alls 85 börn útskrifuðust að þessu sinni og er þetta ellefta starfsár skólans. Vísindaskólinn er rekinn af Rannsóknamiðstöð HA. -
Gjörgæslan er meira en vinna - þetta verður hluti af okkur og lífi okkar
„Þú veist aldrei hvernig dagurinn verður,“ segir Ásdís Skúladóttir, gjörgæsluhjúkrunarfræðingur á SAk, þegar hún lýsir starfinu sínu. „Við erum alltaf að læra eitthvað nýtt og verkefnin eru síbreytileg. Þetta starf heldur manni á tánum – og það er einmitt það sem heillar.“ -
Getur þú bætt í þekkingarbrunn um íslenska náttúru?
Jóhann Helgi Stefánsson, sérfræðingur hjá Landi og skógi skrifar -
Kærkomin gjöf Hollvina SAk til endurhæfingardeildar
Hollvinir Sjúkrahússins á Akureyr hafa fært SAki enn eina mikilvæga gjöf – að þessu sinni til endurhæfingardeildar SAk. -
Zipline Akureyri gengur mjög vel
„Það hefur gengið mjög vel hjá okkur og samkvæmt þeim væntingum sem við höfðum,“ segir Jón Heiðar Rúnarsson sem ásamt Anitu Hafdísi Björnsdóttur rekur félagið Zipline Akureyri. Þau hófu starfsemi um mitt sumar árið 2022 og eru því á sínu fjórða sumri. Zipline Akureyri rekur ævintýra ferðaþjónustu í Glerárgili, er með alls fimm sviflínur þar sem farið er yfir Glerá. -
Ferðfólk sem sækir í kælifrí þykir svalt að koma til Akureyrar
Það er ansi heitt niður i Evrópu og hitamet sleginn eða við það að vera sleginn daglega má segja. Þeim hópi ferðafólks sem þykir norðanátt og rigning mjög eftirsóknarverð horfir í vaxandi mæli hingað ,,upp eftir" og er Akureyri svo dæmi sé tekið er efst á óskalista þeirra erlendu ferðalanga sem vilja komast í svalara loftslag. Óhætt er að fullyrða að þessi gerð af ferðafólki fengi helling fyrir sinn snúð á Akureyri í dag. -
Að byggja upp á Bakka
Hjálmar Bogi Hafliðason skrifar um atvinnuuppbyggingu á Bakka á Húsavík.
