Erum vonandi komnir á beinu brautina
Það er óhætt að segja að það sé þungi fargi af okkur létt. Það var komin smá pressa á okkur, segir Baldur Már Stefánsson fyrirliði Þórs. Norðanmenn fögnuðu langþráðum sigri í 1. deild karla í körfuknattleik með 83-80 sigri gegn liði Hamars á heimavelli í síðustu viku. Eric James Palm, nýjasti liðsmaður Þórs, var hetja heimamanna í leiknum en hann tryggði Þór sigurinn með flautukörfu í leikslok. Það er óhætt að segja að hinn bandaríski Eric byrji með látum hjá Þór en þetta var fyrsti leikur hans með félaginu. Hann lenti á Akureyri daginn fyrir leik og var því ekki búinn að æfa neitt að ráði með Þór fyrir leikinn, en small vel inn í liðið. Það er óhætt að segja að hann komi vel inn í þennan hóp og þetta er held ég sá maður sem okkar vantaði. Þetta er afgerandi góður skorari og kemur til með hjálpa okkur mikið, segir Baldur, en Eric James lék með Þór Þorlákshöfn í 1. deildinni í fyrra sem fór upp um deild. Eric var stigahæstur í liði Þórs með 22 stig gegn Hamri en Stefán Karel Torfason skoraði 18 stig. Þór hefur nú tvö stig á botni deildarinnar eftir átta leiki en Hamar situr í fimmta sæti með átta stig.
Var farið að leggjast á hópinn
Baldur viðurkennir að slæmt gengi Þórs í vetur hafi haft áhrif á stemmninguna í liðinu. Þetta var farið að leggjast svolítið á hópinn, það er ekki hægt að neita því. Þetta er búið að vera langt undir væntingum í vetur hjá okkur þó vissulega séum við með breytt lið frá því í fyrra. Við ætluðum okkur í úrslitakeppnina í ár en höfum gert okkur sjálfum erfitt fyrir. Það var hins vegar mjög mikilvægt að ná þessum sigri og það hefði verið ansi leiðinlegt að enda árið án stiga. Við erum vonandi komnir á beinu brautina og ætlum að klára árið með stæl, segir hann. Þór á einn deildarleik eftir á árinu en liðið sækir FSu heim um miðjan mánuðinn. Næsti leikur Þórs er hins vegar bikarleikur í Eyjum gegn ÍBV um helgina.
Nýjast
-
Einstök upplifun í Grobbholti
-Sauðfjárbúið á Húsavík sem dregur að sér hundruði gesta á hverju vori -
Gamla verslunin í Vaglaskógi jöfnuð við jörðu
„Það eiga margir góðar minningar um þessa verslun,“ segir Helen Jónsdóttir en gamla góða búðin í Vaglaskógi var jöfnuð við jörðu nýverið. Allt var tekið nema hellan fékk að vera og væntir Helen þess að eitthvað verði gert á staðnum. „Vonandi verður settur upp fallegur áningarstaður þarna, með borðum og bekkjum og jafnvel skilti sem greinir frá sögu verslunarinnar.“ -
Hamrastígur og Kirkjugarðsstígur Finnur ehf bauð lægst í stígagerðina
Gengið verður til samninga við lægstbjóðenda, Finn ehf í gerð tveggja stíga á Akureyri, Hamrastígs og Kirkjugarðsstígs, en fyrirtækið átti lægsta boð í bæði verkin. -
Alþjóðaflugvöllur á Akureyri verði byggður upp
Sveitarfélögin á Norðurlandi vestra og Norðurlandi eystra skora á ríkisstjórn Íslands og Alþingi að koma rekstri, uppbyggingu og markaðssetningu Akureyrarflugvallar fyrir hjá sérstakri stjórn eða félagi, sem hefur það að markmiði að alþjóðaflugvöllurinn sé byggður upp og kynntur sem ein af gáttum Íslands -
Grafalvarleg staða í rekstri PCC Bakka rædd í atvinnuveganefnd Alþingis.
Atvinnuveganefnd Alþingis hefur verið upplýst um grafalvarlega stöðu í rekstri PCC Bakka við Húsavík, þar sem stefnt gæti í rekstrarstöðvun undir lok sumars ef ekki tekst að snúa vörn í sókn. -
Listasafnið á Akureyri Nýjar sýningar opnaðar
Sýningar Heimis Hlöðverssonar, Samlífi, og Þóru Sigurðardóttur,Tími – Rými – Efni, verða opnaðar í Listasafninu á Akureyri á laugardag 17. maí kl. 15. Á opnunardegi verður leiðsögn með Heimi kl. 15.45. -
Orkey fyrst á Íslandi með sjálfbærni- vottaða framleiðslu á lífeldsneyti
Orkey hefur fengið alþjóðlega kolefnis- og sjálfbærnivottun, ISCC EU, á lífdísilframleiðslu sína á Akureyri fyrst fyrirtækja sem framleiða lífeldsneyti hérlendis. -
Heyrn er ekki munaður – hún er þátttaka
Það var ánægjulegt að sækja fund hjá Félagi eldri borgara á Akureyri (EBAK) síðastliðinn föstudag. Rétt rúmlega hundrað manns mættu – áhugasamir, upplýstir og málefnalegir. Þar skapaðist gott samtal um þau mál sem brenna mest á eldra fólki í dag. Ábendingar komu víða að og spurningarnar voru margar og skýrar. Það var sérstaklega áberandi að umræðan snerist ítrekað að sömu kjarnamálunum: skerðingum, lífeyrissjóðum en einnig að heilbrigðisþjónustu. -
Sundlaug Akureyrar lokuð 18.-22. maí – opið lengur í Glerárlaug 18. maí
Sundlaug Akureyrar verður lokuð dagana 18.-22. maí eða frá sunnudegi til fimmtudags í næstu viku.