Endurskoðun íslensku stjórnarskrárinnar
Háskólinn á Akureyri. Mynd: Daníel Starrason
Á föstudag og laugardag næstkomandi fer fram alþjóðleg ráðstefna í Háskólanum á Akureyri í samstarfi við stjórnarskrárnefnd og forsætisráðuneytið. Þetta verður fyrsta heimsókn Guðna Th. Jóhannessonar, forseta Íslands, í háskólann en hann heldur opnunarerindið.
Til máls taka fjölmargir innlendir og erlendir sérfræðingar, þar á meðal Páll Þórhallsson, formaður stjórnarskrárnefndar, og Sigurður Ingi Jóhannsson, forsætisráðherra, sem verður með framsöguerindi. Í kjölfar þess fara fram umræður með þátttöku fulltrúa stjórnmálaflokkanna í stjórnarskrárnefnd.
Rektor Háskólans á Akureyri, Eyjólfur Guðmundsson, er afar ánægður með að háskólinn skuli hýsa fræðilegar umræður um þetta mikilvæga málefni. „Það er okkur mikill heiður að fá að taka á móti nýjum forseta sem setur málefni stjórnarskrárinnar svo ofarlega á sína dagskrá“, segir rektor.
Á ráðstefnunni gefst almenningi tækifæri til að hlýða á og ræða við bæði fræðimenn og stjórnmálamenn um þá tilraun til breytingar á stjórnskipun landsins sem staðið hefur yfir frá því í júní 2010 og vakið hefur athygli langt út fyrir landsteinana. Fundarstjórar eru Ágúst Þór Árnason frá Háskólanum á Akureyri og Catherine Dupré frá University of Exeter.
Ráðstefnan er öllum opin á meðan húsrúm leyfir og er án endurgjalds.
Dagskrá ráðstefnunar má sjá hér.
Nýjast
-
Jón Hafsteinn segir frá námi í iðnaðar- og orkutæknifræði
Þegar Jón Hafsteinn Einarsson frá Álftanesi fór að velta fyrir sér námi á sviði verkfræði var hann með margar hugmyndir í kollinum. Vélaverkfræði? Raforkuverkfræði? Ekkert virtist smella alveg – fyrr en hann rak augun í auglýsingu um iðnaðar- og orkutæknifræði. Námið fer fram í staðnámi við Háskólann á Akureyri í samvinnu við Háskólann í Reykjavík. Stúdentar í iðnaðar- og orkutæknifræði horfa á fyrirlestra í beinu streymi í HA á sama tíma og kennslan fer fram í HR. Aðstoðarkennari sér um dæmatíma í HA og stúdentar hafa góða aðstöðu til náms í HA og eru fullgildir HA-ingar sem tilheyra öflugu námssamfélagi háskólans -
Tónasmiðjan á Húsavík með stórsýningu í Heiðarbæ
Ljós í myrkri - Rokkað gegn krabbameini -
Góð viðbrögð komu skemmtilega á óvart
„Söfnun muna eftir Margréti Jónsdóttur gengur mjög vel og við erum hæstánægð með móttökurnar,“ segir Hlynur F. Þormóðsson kynningar- og viðburðastjóri Listasafnsins á Akureyri. -
N1 óskar eftir lóð til uppbyggingar við Baldursnes
Yrki eignir ehf hefur lagt fram fyrirspurn um úthlutun lóðar á horni Baldursness og Óðinsness á Akureyri, til uppbyggingar fyrir N1. -
Undirskrift í grunni hjúkrunarheimilisins á Húsavík
Inga Sæland, félags- og húsnæðismálaráðherra og Katrín Sigurjónsdóttir, sveitarstjóri Norðurþings skrifuðu undir samkomulag á milli Félags- og húsnæðismálaráðuneytisins og Norðurþings um breytt fyrirkomulag vegna byggingar hjúkrunarheimilis á Húsavík -
Minningarsigling horfina og látinna sjómanna með Húna ll
Ákveðið hefur verið að endurtaka minningarsiglingu um horfna og látinna sjómanna í tengslum við hátíðarhöld á Sjómannadaginn um aðra helgi. Bryddað var upp á þessari fallegu nýjung á Sjómannadaginn í fyrra og var mjög góður rómur gerður að. -
Listasafnið á Akureyri: Leiðsagnir um helgina
Laugardaginn 24. maí, kl. 15 verður boðið upp á almenna leiðsögn um sýningar Þóru Sigurðardóttur, Tími – Rými – Efni, og Heimis Hlöðverssonar, Samlífi, sem opnaðar voru um síðustu helgi. Jafnframt verður fjölskylduleiðsögn um sýningarnar í boði daginn eftir, sunnudaginn 25. maí kl. 11-12. -
Loksins fær þyrlan heimili fyrir norðan
Því ber að fagna að ríkisstjórn Íslands hafi borið gæfa til að setja fjármuni í fasta starfsstöð Landhelgisgæslunnar á Akureyri, eitthvað sem ég hef barist fyrir sem þingmaður Norðausturkjördæmis undanfarin ár. Nú síðast lagði ég fram þingsályktunartillögu þess efnis í mars sl. -
Akureyrarhlaup í sókn – UFA og atNorth gera með sér þriggja ára samstarfssamning
Ungmennafélag Akureyrar (UFA) gerði á dögunum samstarfssamninga við nokkur öflug fyrirtæki vegna Akureyrarhlaupsins. Gerður var samstarfssamningur við atNorth til næstu þriggja ára. Að auki var samið við Altis sem selur meðal annars Mizuno íþróttafatnað og T-plús sem veitir verðlaunafé fyrir brautarmet í Akureyrarhlaupinu líkt og fyrri ár.