„Ef ég segðist muna það þá væri ég ruglaður"
Jónas Jónasson, bóndi á Héðinshöfða kvartar ekki þó spretta gæti hafa verið betri. Í dráttarvélinni í baksýn er Arnar Ingi Sæþórsson frá Presthvammi. Mynd/epe.
Bændur á Norðurlandi eru flestir að ljúka slætti en spretta hefur víða verið dræm. „Já – sprettan er víða undir meðaltali, sérstaklega þar sem tún eru viðkvæm fyrir þurrki, svo sem í Mývatnssveit, Bárðardal, Aðaldal og Kelduhverfi,“ segir María Svanþrúður Jónsdóttir, ráðunautur rekstrar- og umhverfissviðs hjá Ráðgjafarmiðstöð Landbúnaðarins.
„Þetta kemur sér afar illa þar sem að heyfengur var víða óvenjulítill í fyrra vegna kals og margir gáfu upp allt hey í vor. Reyndar var kal aftur á nokkrum bæjum sem ekki var nú á bætandi. Þar með hafa menn þurft að slá öll tún sem í boði eru auk sinna hefðbundnu túna,“ segir María en bætir við að bændur séu margir enn að heyja og því ekki útséð með heybirgðir vetrarins.
Héðinshöfðabóndinn er brattur
Blaðamaður Vikubaðsins tók rúnt um Tjörnesið á mánudag og stoppaði á Héðinshöfða á bakaleiðinni en þar var sláttur í fullum gangi og ræddi við Jónas Jónasson bónda á Héðinshöfða. Jónas var í óða önn við að slá síðasta túnið og bar sig vel þrátt fyrir dræma sprettu en hann er með um 350 fjár á vetrarfóðrum.
„Þetta var í lagi svona nokkurn veginn en það spratt frekar hægt upp,“ segir Jónas aðspurður um grassprettuna í sumar og tekur undir tal blaðamanns um þurrk. „Já en ég myndi aldrei segja að það væri of þurrt,“ segir hann og vísar til þess að hann njóti sín ágætlega í veðurblíðunni sem verið hefur í sumar. „Við njótum þess líka hérna að það er mjög þykkur jarðvegur.“
Man ekki aðra eins tíð
Jónas segir jafnframt að flest tún hjá sér séu slegin einu sinni nema eitt sem er slegið tvisvar. Blaðamaður spyr hann þá hvort hann muni aðra eins tíð eins og verið hefur í sumar? „Ef ég segðist muna það þá væri ég ruglaður enda er það staðfest af vísindunum að annað eins hefur ekki gerst áður frá því að mælingar hófust. Maður man eftir góðum köflum, kannski hálfum mánuði til þremur vikum með svona blíðviðri en ég held að þetta sé að verða sjö vikur núna,“ segir hann og bætir við að blíðan sé kærkomin á tímum heimsfaraldursins. „Núna kemst maður ekki til Tene og þá kemur Tene bara til okkar,“ segir hann og hlær.
Land Héðinshöfða liggur rétt norðan við Bakka þar sem PCC rekur kísilver sitt. Jónas segist ekki hafa áhyggjur af loftmengun frá nágrönnum sínum. „Mér leiðist hávaðinn í verksmiðjunni á kvöldin í logninu. Það er vissulega smá lykt sem maður finnur en það er bara viðarbrunalykt sem hefur engin raunveruleg áhrif en það er hávaðin sem er leiðinlegastur, maður heyrir þetta best í logninu á kvöldin og það hefur verið nóg af því í sumar.
-Greinin birtist fyrst í prentútgáfu Vikublaðsins á fimmtudag
Nýjast
-
Landinn heimsækir lögreglufræðinámið á Akureyri
Á dögunum var hægt að horfa á þegar Landinn á RÚV heimsótti lögreglufræðinámið við Háskólann á Akureyri. Okkur lék forvitni á að vita hvernig þetta kom til og kynnast stemmningunni í slíkri heimsókn. Andrew Paul Hill, lektor við lögreglufræðina, varð fyrir svörum. Hann segir að það hafi ekki verið nein formleg kynning sem varð til þess að Landinn heimsótti þau heldur þvert á móti hafi það verið heppileg tilviljun og jákvætt viðhorf áhugasamra aðila sem leiddi þetta spennandi verkefni af sér. -
Kisukot áfram á einkaheimili
Fyrir liggja drög að þjónustusamningi til eins árs um tímabundna meðhöndlun á köttum þar sem gert er ráð fyrir að Kisukot verði áfram starfrækt við Löngumýri á Akureyri svo sem verið hefur í rúman áratug. -
Steingrímur Birgisson forstjóri Hölds Bílaleigu Akureyrar Örlítil aukning sjáanleg í sumar en haustið alveg tómt
„Það er örlítil aukning þegar horft er til komandi sumars, en svo er lítið sem ekki neitt að gerast þegar kemur inn á haustið. Frá september til áramóta er bara varla hreyfing,“ segir Steingrímur Birgisson forstjóri Hölds Bílaleigu Akureyrar. Hann bætir við að ef allt fer á versta veg varðandi upptöku kílómetra gjalds í sumar megi gera ráð fyrir gríðarmiklu tjóni hjá bílaleigum, sem í tilviki Bílaleigu Akureyrar nemur hundruðum milljóna. -
Málefni verksmiðju PCC á Bakka - Óskað eftir fundi í atvinnuveganefnd Alþingis
,,Ég óskaði eftir því fyrir helgi við formann atvinnuveganefndar að forsvarsmenn sveitarfélagsins Norðurþings, PCC á Bakka og Samtökum iðnaðarins færu yfir stöðuna með okkur í atvinnuveganefnd þingsins sem allra fyrst." -
„Stóra markmiðið að auka fæðuöryggi“
-segir Haukur Marteinsson nautgripabóndi á Kvíabóli en þingeyskir bændur eru stórtækir í kornrækt -
Dreptu mig …. Þú ert svo leiðinlegur röflari
Listin að rýna til gagns Listin að rýna til gagns, eða gagnrýna með uppbyggilegum hætti er eitthvað sem við ættum að temja okkur og ekki forðast. Það má vissulega oft finna leiðir til að gera misgóða hluti enn betri, benda á það sem betur mætti fara. Koma með lausnir og hugmyndir um betri leiðir, það flokkast undir að vera lausnamiðaður og framsýnn. -
Lóðir við Hofsbót 1-3 boðnar út í þessum mánuði
Stefnt er að því að bjóða lóðir við Hofsbót 1 – 3 út á ný síðar í maí. Lóðirnar voru boðnar út í fyrravor. Engar umsóknir bárust um þær þá. -
Bakþankar bæjarfulltrúa Naglar í miðbænum
Það er eitt og annað rætt í nefndum bæjarins. Í einni þeirra kviknaði til dæmis sú hugmynd hvort ekki væri rétt að banna nagladekk á göngugötunni. Ég man ekki hver lagði þetta til enda ríkir trúnaður um það sem fram fer á nefndarfundum. Svo ekki spyrja mig. -
Eining Iðja Meira greitt úr sjúkrasjóði
Greiðslur úr sjúkrasjóði Einingar-Iðju á liðnu ári voru rétt tæpar 300 milljónir miðað við rúmar 266 milljónir árið áður.