Dömulegir dekurdagar hefjast á Akureyri í dag
Vilborg Jóhannsdóttir í Centro og Inga Vestmann í Pedromyndum skreyta miðbæinn með bleikum slaufum. Mynd: Þórhallur.
Dömulegir dekurdagar hefjast á Akureyri í dag og standa fram á sunnudag. Af þessu tilefni er búið að klæða miðbæ Akureyrar bleikum slaufum. Þetta er í fjórða sinn sem þeir eru haldnir en þetta er helgi þar sem vinkonur, systur, mæðgur, frænkur og vinnufélagar njóta þess að gera eitthvað skemmtilegt saman. Hægt er að velja úr fjölda viðburða sem gleðja hjartað og verslanir og fyrirtæki bjóða mörg hver upp á ýmiskonar dömulega afslætti af þessu tilefni.
Á síðasta ári tóku um fimmtíu fyrirtæki þátt en útlit er fyrir að þeim fjölgi þetta árið. Segja má að Dömulegir dekurdagar séu settir í Borgarbíó í kvöld klukkan 20 en þá er dömuleg forsýning á kvikmyndinni "What´s your number" og munu bíógestir fá skemmtilegan glaðning. Hver viðburðurinn rekur svo annan um helgina og má nefna heimsókn í Innbæinn þar sem nokkur fyrirtæki hafa tekið höndum saman um að vera í dömulegum gestgjafagír, tónleikar með Mugison og Bloodgroup á Græna hattinum og Greifarnir verða í Hofi, Konukvöld í Centro, ýmsar fjölbreyttar uppákomur á Glerártorgi, Skvísukvöld í Sjallanum og fleira. Fyrirtæki sem taka þátt í Dömulegum dekurdögum kappkosta að taka vel á móti viðskiptavinum sínum með ýmiskonar uppákomum, tilboðum og dekri.
Nýjast
-
Ferro Zink og Metal sameinast
Skrifað hefur verið undir samninga um sameiningu á Ferro Zink og Metal með fyrirvara um samþykki hluthafafunda og Samkeppniseftirlitsins. Með sameiningu þessara tveggja rótgrónu fyrirtækja verður til eitt öflugasta þjónustufyrirtæki á sviði iðnaðar á landinu með yfir 70 starfsmenn og starfsstöðvar á Akureyri og á höfuðborgarsvæðinu en ársvelta þessara félaga var samtals tæpir 5 milljarðar í fyrra. -
Tvö tilboð í lóðir við Hofsbót
Tilboð bárust frá tveimur lögaðilum í lóðirnar við Hofsbót 1 og 3, en frestur til að sækja um rann út í gær. Þeir sem buðu voru annars vegar SS Byggir sem bauð 251 milljón króna í lóðirnar og Sigtún Þróunarfélag bauð 235 milljónir. -
Hálsmelar – Falin útivistarperla
Þingeyjarsveit vill benda íbúum á einstakt útivistarsvæði sem margir hafa ekki enn uppgötvað, Hálsmelana. Árið 2022 var vígður 1,4 km langur göngustígur sem liggur um melana og býður upp á nærandi útivist í afar fallegu umhverfi. -
„Skjalda launar kálfi ofbeldið“
Mig langar að þakka ykkur öllum sem hafa lesið lokaorðin mín á undanförnum vikum. Það er mér sérstaklega ánægjulegt að einhverjum skuli þykja skemmtilegt að lesa það sem ég hef skrifað. En í þetta sinn ætla ég að vera bæði leiðinlegur og skrítinn. Það er mér hvort sem er tamara. -
Tónleikar tvö kvöld um verslunarmannahelgi á Akureyrarvelli
„Við höfum lengi horft til Akureyrarvallar með hátíðahöld verslunarmannahelgarinnar og nú prófum við það. segir Davíð Rúnar Gunnarsson hjá Viðburðarstofu Norðurlands sem sér um hátíðin Ein með öllu um verslunarmannahelgi á Akureyri. Samkomuhald sem var á flötinni við Leikhúsið verður fært á Akureyrarvöll. Margt sé spennandi og jákvætt við flutninginn. -
HSN leggur niður heilsueflandi heimsóknir til aldraðra
Heilsueflandi heimsóknir til aldraðra á Akureyri sem Heilbrigðisstofnun Norðurlands hefur haft á sinni könnu verða lagðar niður 1. ágúst næstkomandi. HSN er með breyttu fyrirkomulagi að forgangsraða sínum verkefnum með því að beina kröftum sínum enn frekar til aldraðra einstaklinga sem í auknum mæli þurfa sérhæfða heilbrigðisþjónustu hvort sem er á heilsugæslu eða í heimahjúkrun. Velferðarráð Akureyrarbæjar hefur lýst yfir vonbrigðum með fyrirhugaða breytingu. -
„Sýnir svart á hvítu að þörfin er til staðar“
-Framsýn þrýstir á frekari íbúðauppbyggingu á vegum íbúðafélagsins Bjargs á Húsavík og í Þingeyjarsveit -
Ljósmyndasýning á hafnarvæðinu á Húsavík
Bergur Elías Ágústsson, rekstrarstjóri Hafna Norðurþings segir mikla áherslu hafa verið lagða á að bæta ásýnd og að efla ímynd og gæði þjónustu hafnanna síðasta árið -
Tóku til hendinni í bæjarlandinu
Þrjár konur á besta aldri tóku sig til á dögunum og hófu að rífa upp illgresi og snyrta til við annars fallegan göngustíg sem tengir Höfðaveg og Héðinsbraut og liggur meðfram veitingastaðnum Hlöðufelli.
